العربيتين محترمين جدا بس ميزة السيتروين ان شكلها احلي و ارخص 3000ج من البيجو..بس ميزة البيجو انها منتشرة اكتر من السيتروين
عرض للطباعة
عندك حق وانا لو هشتري هاخد سيتروين الاول. عشان شكلها أحلي من وجهة نظري مع اني معايا بيجو وبحب البيجو أكتر.
بعدين هختار البيجو عشان انتشارها وعشان عربية بتعيش.
وعمري ما هختار النيسان أبداً بشكلها الجديد وسعرها وحتي الشكل اللي قبلها من اول ما بدات تتقفل ف مصر وظهرت مشاكل ضفاير الكهرباء ولو عايز اجيب عربية ياباني هجيب الانسر تاني عشان عربية ياباني محترمة ومعمرة واعتمادية وبتعيش وسعرها غير مبالغ فيه زي التويوتا.
انا اقدر اقول ان الاوروبي مختلف واحسن عن تجربة .. كان معايا لانوس وغيرتها وجيبت كليو والكل كان بينصحني ابعد عن رينو وغنيلو .. بس بصراحة فرق كبير بين الكوري والاوروبي.
زمااان فرق السعر بين الاوروبي والكوري او الياباني كان كبيييييير جدا وفي صالح الكوري والياباني .. دلوقتي لما الكوري عدا ال 200 الف جنيه اسمحلي ده اسمه استغلال للشعب الغلبان اللي للاسف بيدفع عشان الشكل احلى.
نيجي لنقطة المقارنة .. وجهة نظري ان الاليزيه او البيجو عربيتين 100 في 100 اوروبي .. مواصفات امان (abs asr ebd) وكماليات موجودة في عربيات بس ادفع بقى 20 ولا 30 الف زيادة!! .. الشكل طبعا في صالحهم مقارنة بالنسيان الجديدة (ازواق).
العربتين انا متوقع انهم هيكتسحوا في فئة من 110 الى 130 الف .. تقريبا مفيش منافس وانا هنا باتكلم عن اعتمادية ووسائل الامان .. وطبعا الشكل الانيق والمتسق والفخم.
عقدة الاوروبي بتتفك واحدة واحدة ولنا في انتشار الرينو والبيجو ال 508 المثل.
الحمد لله انا بالنسبة لي حجزت السيتروين اليزيه (130 الف) ومقتنع بيها جدا الحمد لله بعد ما كنت بقارنها بالنسيان سوبر صالون (124 الف).
والاستخارة اهم شئ وبعدين خد القرار وتوكل على الله.
والله المستعان
بغض النظر عن صنى ولا اليزيه , ماتجبش عربيه مش مقتنع بيها , انت مش هاتشترى عربيه كل يوم
ربنا يوفقك ان شاء الله
أمسك العصاية من النص وهات البيجو 301 أخت الاليزيه يبقى كسبت عربية اوروبى بكل مميزاتها وبسعر منافس وفى نفس الوقت توكيل افضل وانتشار اعلى وبالتالى اعادة بيع أفضل...