الموضوع: سواء كنت بائع او مشترى سيارة مستعملة فرجاء ادخل الموضوع لعلى نحد من عملية النصب هام

المشاركة الأصلية كتبت بواسطة monamize4

موضوع ممتاز و مفيد اوى لان سوق المستعمل زاد شوية لان الزيرو ضرب خلاص
انا كنت بفكر اعمل موضوع زى دا بس انت يا باشا ما شاء الله كتبت احسن من اللى انا كنت هكتبه

بعد اذنك ازود احب شوية نقط
- ياريت يا جماعة نبعد عن اى عربية تكون تابعة لمرور اتحرق ايام الثورة حتى لو البائع قال ان العربية هيطلعلها ملف و الحوارات دى
- اى حد يشترى عربية من محافظة تانية ينزل بنفسه المحافظة دى و يتاكد ان العربية ليها ملف هناك و يطلب من اى ظابط معرفة ليه انه يستفسر عن العربية دى عليها مخالفات او مسروقة و لا لأ
- اقل مشاكل بتحصل ف حالة اللى بيشترى من نفس محافظته حتى لو اغلى حاجة بسيطة
- ياريت نبعد قدر المستطاع عن العربية اللى فيها كذا توكيل
- العقد الابتدائى مش كفاية ابدا ان حد يسلم عربيته حتى لو قصاد جزء من المبلغ (لازم المبلغ كامل ) و احسن طريقة زى ما قال م / احمد سيد ان استلام كامل المبلغ و تسليم العربية يكون ف الشهر العقارى بعد التوثيق

و ربنا يحفظنا جميعا من النصب و النصابين

بارك الله فيك
على ردك الجميل و انا و انتا واحد فى اللى يعمل الموضوع اهم حاجة الناس كلها تعرف
ربك المستعان

تسلم ايدك يا باش مهندس موضوع جميل والله
وربنا يسترها علينا جميعا

بس الحمد لله لما أشتريت عربيتي صاحبها طلع ابن ناس أوي

كان مهتم بيها جدا وبصيانتها

والاهم معاملته كويسة جدا وبعد ماباع العربية را معايا اكتر من مشوار لاثبات الموتور الجديد على الرخصة

ربنا يباركلو ونكون دايمن بأخلاق الراجل دة

والحمد لله علشان والدتي دايمن بتدعيلي يبعد عنك ولاد الحرام ويرزقك بولاد الحلال

الحمد لله دعوتها مستجابة دايمن

اشكرك مرة تانية موضع مهم جدا للبائع والمشتري