مبروووووك الف مبروك وعقبال ماتشوفه عريس يارب
المشكله بتاعتى مابقتش دسك واسطوانه طلع فتيس محروق
عرض للطباعة
لو زيت فتيس اوعى تسكت عليه لان حصل عندى كده ونفضت وفى الاخر الفتيس ربنا يسترها عليك اتحرق وربنا معاك وبعدين لو زيت ماتور بتتلخص فى 3 حجات يأما جوان كرتيره يأما جوان تاكيهات ياما اويل سيل مش محتاجه نصف عمره زى ما الميكانيكى بيقولك انما لو فتيس ممكن تكون كوتشه كوبلن او الحله مشروخه
الله يبارك فيكوا ياجماعة والله ربنا يخليكو ليا يارب وعقبال عندكوا جميعا يارب
معلش يا احمد ان شاء الله هتقضى بسرعة ومتقلقش بس هو ملوش علاج ولا لازم يتغير
انت تأمر ياعادل انا معملتش حاجة بس متسكتش علي حكاية الاملاح ديه لان انت مش حمل بطارية دلوقتي خالص ربنا يسترها ان شاء الله
لازم يتغير للاسف ماحدش يعرف بتاع قطع غيار انزل اجيبه منه النهارده ؟
ولا يهمك يابو مالك والف الف مبروك والله فرحتلك :plusone1: ويتربى فى عزك ان شاء الله وربنا يباركلك فيه
ربنا يخليك يا حبى الميكانيكى قالى الموتور لازم يترفع ويتحل وقالى فى حاجة عاوزة تتغير مش فاكر اسمها وقالى هيتكلف 500 جنيه بس انا بصراحة مرحتش لحد غيره هوا الراجل ده ثقة بس خايف يكون ناصب عليا وخايف برضو اروح لحد غيره يعك الدنيا وتفتح فى مصاريف اكتر !!! مش عارف عموماً ربنا يسترها ان شاء الله انا هتوكل على الله وابقى اخليه يظبطه وبعدين ابقى احاول افاصل معاه شوية
اخر افتكاسات عملتها فى العربية :shine[1]:
طقت فى دماغى وفكيت الطارة كلها بالرقبة والتابلوه يوم الجمعة وجبت سبراى اسود وسيلفر ميتالك للطارة وعينك ما تشوف الا النور ويارتنى ما فكرت ولا دبرت :pffft:
علبة الاسبراى الاسود بقو 4 وكل ما ينشف وانزل عشان اركبه يتحك فى حاجة يتخربش تانى اقوم فاكه تانى وارش الخرابيش والطارة زهقتنى عقبال ما رشتها وطلعت عينى ومش عاوزة تنشف وكل ما تنشف الاقي الرش مسيل عليها زى الدموع وشكله بايخ اقوم دايس على التسييل ده بمنديل واحاول افرده وارش تانى فوقيه بس الحمد لله الطارة اتظبطت بس لسة سايبها فى البيت تنشف براحتها والتابلوه قعدت ارش فيه جمعة وسبت وركبته امبارح بالليل الحمد لله وطالع البيت الساعة 12.00 بعد ما طلع عينى
ودى صورته قبل ما ارشه بس لسه مصورتوش بعد مارشيته وهبقى اصوره بردو اليومين الجايين بعد ما اركب الطارة هيه كمان .
اكتشفت ان تابلوه ال 128 الحديث بتاع النوفا بيتباع فى سوق الجمعة ب 150 جنيه بس من غير العدادات بفكر انزل اجيب واحد عشان التابلوه ده انا مش مستريحله برضو وبعدين الدرج بتاعه مش موجود والباب بتاع الدرج مقفول بسمار برمه لو الدرج بيتباع يبقى مصلحة اوفر من تابلوه كامل بس مش عارف الاقيه فين بفكر انزل سوق الجمعة ادور هناك يمكن الاقى حاجات حلوة بأسعار كويسة
الله يبارك فيك ياسموح يارب وعقبال عندك ياكبير ومعلش حاول تروح لميكانيكي تاني وتشوف الدنيا فيها ايه وهو اكيد هيقولك قبل ما يعمل حاجة ده هيكلف ايه وهيتعمل فيه ايه عشان تتاكد بس روح لواحد تمام وان شاء الله تطلع حاجة بسيطة
انا عملت الحكاية ديه في التابلوه بتاع ال 127 وخدت علبة ونص طلعت فوق السطح ورشيت واحدة كاملة وسيبته ينشف وبعدين فقومت عايد عليه بنص التانية وكان شكله جامد بس الغلطة اللي انا عملتها اني مجبتش سبراي مط كبته لميع كان شكله فلح شوية ومبروك عليه التجديد وابقي قولي عملت ايه في موضوع تابلوه بتاع سوق الجمعة ده لان عندي برده خربان بس القديم اوي عارفه اللي اقدم من بتاعك ده صغير شوية كدة عايز اظبط الدنيا فيه برده
تصدق مخدش بالى من موضوع الاسبراى المط واللميع ده انا اكتشفت انه لميع لما انت قولتلى بس معرفش انه فى اسبراى مط .. هوا بينى وبينك بعد ما رشيته حاسه شكله بيض شوية بيلمع اوى ومشوفتش تابلوه بيلمع كده بس مش مهم اهو اى حاجة لحد ماربنا يكرم ويمكن اجيب تابلوه كورسا ولا تابلوه تانى كويس اما انزل سوق الجمعة ابقى اشوف هناك
بس الاسبراى بتاع الطارة ( الدركسيون ) كان فيه منه مط وميتالك الميتالك بصراحة اشد واجمد جبتها ب15 جنيه بس لفيت سوليتب عريض عالطارة كلها ماعدا الجزء المعدن اللى فى النص طبعا بعد ما صنفرته وشلت الرش اللى عليه قبل كده كان مرشوش يجى اربع مرات ( بيج - احمر - اصفر - اسود ) خليته سيلفر بقى زى الطارة الاسبور وبحاول افتكس فيها واول ماركبها هبقى اصورها واوريهالك برضو
موضوع الميكانيكى ده هبقى اجرب اروح لكذا ميكانيكى تانى أسأله عن موضوع تنقيط الزيت ده يمكن يكون حد عنده حل ارخص وربنا يستر .