عايز اعدل عربيتي 128 زستافا زي اللي ف الصورة ديه

**ashraf_sms** · 18-05-2013 10:15 PM

السلام عليكم ورحمة الله وبركاته
بعد اذن السادة الكرام انا معايا 128 زستافا بس بصراحة مخنوق من الفوانيس اللي ورا والشنطة بتاعتها الرخمة ديه
طبعا كلكو عارفينها هي صورتها ايه ديه مش عربيتي بس نفس الموديل يعني

خنقني شكلها اوي ده غير ان الراجل اللي اشتريت منه العربية عامل عتب صفيح المربع ده برده مش عاجبني ده ينفع يتشال ولا لا
انا كنت بدور علي النت علي تظبيط ليها لقيت الشكل ده

عجبني اوي بصراحة بس مش عارف اعمله فين واجيب الفوانيس ديه منين ولا ديه بتتفصل ويتري غالية ولا ف حدود كام
وبرده فكرت اني احط فوانيس شاهين زي الصورة ديه كدة ديه فوتوشوب

بس مش عارف هتنفع ولا لا وهيبقي شكلها حلو ولا فلح
انا عارف اني كلامي رغي ف رغي بس معلش سمحوني وشكرا مقدما لكل اللي شاف الموضوع وقدر يستحمل الرغي ده كله

**aw2100** · 19-05-2013 12:13 AM

على فكرة انا كانت معايا ال 128 زاستافا وكانت فبريكة وفضلت محافظ عليها 14 سنة بنفس الفوانيس دى وعلى فكرة بتبقى مميزة عن باقى ال 128 لندرتها حاول تجيب فانوسين استعمال ليها ولو عاوز باغات افتكر فية عندى طقم بولندى اصلى ممكن ابقى ادورلك علية وممكن لو تحب تعدل الفوانيس دى لفوانيس اللادا او ال128 المعدل شوفت كذا عربية عاملين دة والتعديل ده مش صعب على السمكرية وممكن تفصلها اكصدام فيبر كامل بفوانيس عربية يابانى او فوانيس الشاهين مدمج فية بس حيكلفك شوية ومبروك مقدما!!

**smsm_nabawy** · 19-05-2013 12:18 PM

شيل العتب الحديد ده علشان ميمشيش الباروما عندك في تحت العربية!!!

و فصل عتبتين فايبر بشكل نظيف حيعملوا في حدود 180 جنيه... بالرش

و الفوايس جيب الأصلين و اهملهم سموك بطريقة حلوة كده!!

على رشة نظيفة للعربية و تهبيطة حلوة... حتبقى مميزة و مفيش زيها!! و يتشوار عليها!!

**ashraf_sms** · 19-05-2013 03:40 PM

والله يا جماعة انا مش عارف اقولكو ايه علي الردود ديه بس انا بصراحة حابب الشكل رقم ٢ اوي انا عارف ان ديه فوانسها الاصلية بس انا عايز اعرف لو حبيت اعمل اللي ما بين الفوانيس ديه هعمله فين او ده بتاع عربية تانية ولا ايه ولو حبيت اغير الاكصدام ده زي رقم ٢ برضه ممكن اجيب بتاع عربية تانية ولو اه عربية ايه ولا لازم افصل فايبر معلش انا بتقل عليكيو بصراحة وشكرا مرة تانية يارجالة

**ابو لؤى** · 19-05-2013 03:48 PM

انا مش عايز اعدل الفوانيس خالص عجبانى كده انا عايز احط اسبويلر واكصدمين زى اللى فى الصوره ماحدش يعرف تكلفنى كام القصه دى ؟

**ashraf_sms** · 19-05-2013 04:26 PM

المشاركة الأصلية كتبت بواسطة ahmed air

انا مش عايز اعدل الفوانيس خالص عجبانى كده انا عايز احط اسبويلر واكصدمين زى اللى فى الصوره ماحدش يعرف تكلفنى كام القصه دى ؟

انت عارف انا كنت حاسس اني وحيد برضه بس اشطا طلعنا اصحاب وكمان انت ف الجيزة زيي صح

**ashraf_sms** · 19-05-2013 04:30 PM

المشاركة الأصلية كتبت بواسطة aw2100

على فكرة انا كانت معايا ال 128 زاستافا وكانت فبريكة وفضلت محافظ عليها 14 سنة بنفس الفوانيس دى وعلى فكرة بتبقى مميزة عن باقى ال 128 لندرتها حاول تجيب فانوسين استعمال ليها ولو عاوز باغات افتكر فية عندى طقم بولندى اصلى ممكن ابقى ادورلك علية وممكن لو تحب تعدل الفوانيس دى لفوانيس اللادا او ال128 المعدل شوفت كذا عربية عاملين دة والتعديل ده مش صعب على السمكرية وممكن تفصلها اكصدام فيبر كامل بفوانيس عربية يابانى او فوانيس الشاهين مدمج فية بس حيكلفك شوية ومبروك مقدما!!

ياباشا ده من زوقك والله تسلمي يارب

**ابو لؤى** · 19-05-2013 05:11 PM

المشاركة الأصلية كتبت بواسطة ashraf_sms

انت عارف انا كنت حاسس اني وحيد برضه بس اشطا طلعنا اصحاب وكمان انت ف الجيزة زيي صح

ايوه ياكبير طبعا صحاب الشرف ليا طبعا انا فرحت ان شاب زيي معاه نفس العربيه لان اصحابى مسمينى عم عبده لان العربيه دى عواجيزى شويه هههههههههههههههانا فى الجيزه اه ارض اللواء قولى مواصفات عربيتك ايه

-

-

الموضوع: عايز اعدل عربيتي 128 زستافا زي اللي ف الصورة ديه

LinkBack

أدوات الموضوع

عرض

عايز اعدل عربيتي 128 زستافا زي اللي ف الصورة ديه - انشر الموضوع فى :

-

-

-

-

-

-

المواضيع المتشابهه

عايز اعرف ال bmw اللي في الصورة دي موديل كام و سعرها كام

اريد ان اتعلم ان اعدل فانوس عربيتي بانفسي ...اخوكم من اليمن السعيد

ياجدعان نفسي اعدل عربيتي لو سمحتوا ( شارك ولو بمسمار هع )

حد يعرف مين ده اللي في الصورة ؟؟؟؟؟

قررت أبيع عربيتي , اللي عايز يتفضل

الكلمات الدلالية لهذا الموضوع

المفضلات

المفضلات

ضوابط المشاركة