اليوم بقي بتاع المرور انهردة مرور فيصل كان زي العسل بصراحة رحت الصبح مكنش معايا ولا طفاية ولا معايا شنطة اسعافات ولا المثلث المهم رحت جبت دوسيه نقل ملكية وفحص وكدة ب 35 جنيه ورحت فحصت الظابط اداني شهر تصريح اصلاح عشان الفانوس اللي كان عندي ورا كان مكسور المهم الناس هناك قالتلي روح صلحه وتعالي علط طول عشان متعدش الليلة ديه تاني بعد شهر المهم رحت اشتريت وشين فانوس ب 20 جنيه ورحت وخدت تم الاصلاح الحمد لله وكنت واخد طفاية حماية قولت اعمل عبيط يمكن تعدي المهم قالي ديه محفور عليها رقم المهم فقام مدبسني فواحدة جديدة ب 138 جندي وشنطة اسعافات ومثلث ب 75 جنيه وتامين اجبار سنة ب 95 جنيه والضريبة كان الراجل اللي اشتريت منه العربية كان دافعها تقريبا كانت 200 وحاجة المهم رحت بقي عشان اطلع الرخصة لقيت شهادة المخالفات منتهية بقالها يومين ياست يمن شمال ابدا لازم واحدة جديدة رحت اعمل واحدة جديدة قالي خلاص شطبنا تعالي بكرة وهروح بكرة بقي وامري لله ادعولي بقي معلش طولت عليكم