ستاير كبس والا فاميه احسن ؟؟؟؟

**ICE_MAN** · 19-05-2013 11:43 PM

المشاركة الأصلية كتبت بواسطة mem

الستائر افضل مش هقول لك على شان المرور
لكن على شان الرؤيه
الفاميه بيخلى الرويه وخاصه ليلا صعبه
وتحس انك فى عزله عن الخارج والرؤيه غير واضحه وخصوصا لو نظرك ضعيف
فارجح الستائر

بالعكس تماما يا فندم الستائر هيا اللى مش بتبين حاجة ليلا بعكس الفاميه .. انا كانت عندى ستائر و كانت مضايقانى و بعد كده ركبت فاميه غامق (الدرجة قبل الاخيرة) و مريح جدا و بشوف منه باليل عادى لدرجة انى ركبت الستارة الخلفية تانى علشان بتريح عنيا من اضواء العربيات باليل.

**S O P H O S** · 20-05-2013 12:02 AM

الفاميه اعتقد ولكن مش الغامق اوي
علشان السواقة بالليل

**koshary** · 20-05-2013 01:10 AM

الستاير بتبوظ البيبان والخراطيم العازله اللى على الازاز بتخلى العزل وحش والهوا داخل من كل حته الفيميه تانى درجه حلو جدا

**myself112** · 20-05-2013 01:22 AM

انا جربت الستائر الى هى بتتغتح و تتقفل على الجنب و كانت ب 240 جنيه و شايف ان ملهاش اى لازمة مجرد شكل مش اكتر و اكبر عيبوها بالنسبة لى ان لو فتحت الشباك الهواء بيفضل يحركها و عزلها للشمس مش قد كده الى هو يدفع فيه المبلغ ده كله ......
رأى ان الفامية درجة فاتحة افضل كتيير جدااا .

**al_manara** · 20-05-2013 01:36 AM

الستائر الكبس الصبح جميلة جدا والعربية بتكون معزولة عن الشمس خالص . وباليل جميلة في النور بتاع العربيات الي وراك .

عيبوبها
التراب كل كام يوم لازم تفكها وتنضفها
بتاثر علي الجلد بتاع الابواب بتخليه متني
احيانا بتقع لوحدها لانها طبعا مش بتكون مظبوطة بالضبط علي مقاس الشباك
باليل غامقة اوي ومش مريحة في النظر .

الفامية مميزاتة هي عيوب الستائر الكبس .

وعيوبة (المرور)

**M.Elgergawy** · 20-05-2013 02:03 AM

انا كنت مفيم والصراحة في الحر كان التكييف بيعمل شغل عالى
وبسبب المرور شيلته طبعا
حاليا حاطط ستائر كبس خلفى وخلفى جانبي
والامام ستائر اللى بطلع وتنزل مع الزجاج
والى حد ما الحر والشمس معزولين بس مش زي الفاميه الصراحة

**شاهين - بنز** · 20-05-2013 02:27 AM

أنا عن نفسي ماسك العصاية من النص ومركب الإتنين فاميه وستاير كبس
عامل الأربع شبابيك درجة بلاك والدرجة دي بجد ممتازة لافاتحة قوي ولاغامقة ومش مأثرةبليل عالمرايات نهائيا مش عملالي أي عائق أما الإزاز الخلفي محبتش أفيمة عشان لو حبيت أشيله بعد كده حكحت بالكتر وحضر السلك الحراري فركبت ستارة كبس في الزجاج الخلفي
وطبعا قبل الفاميه التكييف مكنش بيعمل حاجة لكن بعد التفييم قوة التكييف إختلفت ١٨٠ درجة
فأنصحك تعمل زيي الأربع قزايز بدرجة بلاك إللي هي ٠٣ والإزاز الوراني ستارة كبس
والستارة الكبس إللي جبتها كانت طبقتين شلت منهم طبقة عشان الرؤية تبقى أوضح لإني مكنتش شايف حاجة منها
وحاول طبعا تهرب من الأماكن إللي فيها كماين لإن صعب قوي الكمين يشوف الفاميه ومعلقش