مرور السلام داه بيبئي نموذجي وانا معايا واسطة
مفييش حاجة بتنفع معاه غير كدا
مرور السلام داه بيبئي نموذجي وانا معايا واسطة
مفييش حاجة بتنفع معاه غير كدا
دا مرور لعنة دا كرهت العربيات كلها بسببه
كان مالو الأتوبيس زي الفل والله
ابويا واخد قرار يبيع العربية قبل الرخصة ما تنتهي علشان القرف بتاع التجديد خاصة اننا مرور السلام.
حرام كل الهجوم ده علي مرور السلام وعلي الموظفين اللي فيه ولو نظرتوا الي فوائده هتلاقوها كتير ومنها :-
1- الزحام والحر والعرق يغنيك عن الذهاب الي الساونا وخسارة اموالك فيها فهناك ساونا مجانية بالمرور مجرد دخولك بتعرق لدرجة انك بتطرد كل المية اللي في جسمك ومعاها الاملاح اللي بتضر الجسم
2- وقوفك في الطابور بالساعات بينشط الجسم ويحرك خلاياه ويؤدي الي التخسيس
3- رائحة العرق المنتشرة حولك والمختلطة برائحة التراب تجعلك تشعر بالام البسطاء وتمتزج معها وعمرك بعد كده ما هتقول ( اففففففف ) - ده بخلاف انها بتدي جسمك مناعة ضد الامراض لانك بتتعرض هناك لكل انواعها
4- احساسك بالانتصار وانت خارج من هناك بعد اربع او خمس ايام اجتهاد متواصل للحصول علي الرخصة علشان تشعر بقيمة العمل وجني المجهود والوصول الي هدفك
بعد كل الفوائد دي بتقولو عليه وحش حرام كده
عموما انا رايح بكره اجدد الرخصة علشان استفيد من كل الفوائد دي :shyy::_Alshmokh08[1]:
ادعولي ارجع من هناك علي البيت مش علي المستشفي :36_1_31:
اللي عايز حاجة من مرور السلام يقولي وانا تحت امره
تشكر يا باشا
السلام عليكم ورحمة الله وبركاته
انا صراحة لما قرأت الموضوع قلت لازم احط لكم تجربتي مع المرور
انا تبع مرور السلام لعنة الله عليه وبقالي خمس سنين
اخر عربية روحت ارخص ورقها كانت في المؤقت وفضل 6 شهور كل شهر اروح المرور لتجديد رخصة المؤقت لحد ما قدمت شكوي بان كده حرام كل شهر اروح المرور ويوم من اوله يقرف واقف لاخر اليوم منتظرة الورقة بتاعت التجديد المهم خلوها كل 3 شهور لحد ما جيه الفرج وقرورا يدونا النمر الجديدة
واو اخيرا حترحم من المرور مش مصدقة بجد المهم اجراءات طويلة ومعقد ومملة وللمعرفة احنا الستات لينا شباك واحد فقط نفقف عليه ونخلص كل ورقنا منه
ويا ريت تبصوا كده بصه وانتم دخلين المرور هو اول شباك يالاه ما علينا وقفنا وبعد الطبور لقيت الخبر اللذيذ شهادات المخالفات من مرور الدراسة " شلوط واخده في قلبي" بجد كان حيجي لي انهيار عصبي المهم بعد القرف ومرور الدراسة ورحت جبت اخيرا بعد يومين كده حصلت على النمر الجديدة وكنت فاكرة انها خلاص الحمد لله المشاكل انتهت
لا طلع في لسه حته شنطة الاسعافات والمثلث يا جماعة منين الكلام ده من المرور تروح تسأل اصلهم خلصنين
الغضب ركبني وقلت لازم اعمل حاجة كده ما ينفعش
وبعت شكوي عن طريق بوابة الحكومة الالكترونية وفعلا الشكوي لقت صدا عالي قوي واتصلوا بيه وبعتوا ليه لكن الموضوع تطور وطلبوا مني اذهب لمديرة امن القاهرة وانا واحدة عمري ما دخلت قسم حروح مديرية
طبعا استغربت وقلت ياه معقول شكوتي توصل للحد ده المهم كلمني حد من المهمين مش فاكرة الرتبة ايه واول المكالمة كانت زعيق وشخط احنا روحنا لمرور وفتشنا عليه وما قلناش حاجة كل شيء منظم وكويس
ردت بهدوء شديد وقلت له انا بعت شكوى بخصوص اللي حصل ليه وبيحصل لكل اللي هناك بدء الشخص يبقى اهدى وتجاوب معايا تماما وطلب مني اني اروح اقابل زعيم المرور (اللواء) في يوم محدد روحت وهو كان متابع معايا على التليفون خطوة بخطوة وبصراحة كان اهتمام بالقضية بشكل كبير غير متوقع وقبل ما ادخل للواء دخلت اسأل على الشنطة والمثلث ولقيت الرد كالعادة بعدين علشان خلصوا
الغربية اول ما اللواء طلب الشنطة والمثلث بقوا قدامي على طول
كانت تجربة غريبة بس اثبتت ان ممكن يكون في امل في الاصلاح
التجربة بقى ما انتهتش لحد هنا لان بعدها بسنة روحت اجدد الرخصة لقيت للأسف طلب ازعجني بشدة وهو اني لازم اروح اجيب مخالقات من الدراسة طلعت المرة ديه للواء مباشرة اسأل ليه ما هو تحت ما حدش بيرد عليك
قال مش يمكن تكوني عملتي مخالقات ما بين الوقت اللي اخدي فيه المخالفات السنة اللي فات وبين تسليمك للنمر الجديدة شوفتوا النصاحة بقى
قلت سبب وجيه وانا بضحك من جوايا عليهم يعني ما ينفعش جهاز كمبيورتر يكشف عن المخالفات في الدراسة او في جهنم حتى حسبي الله ونعم الوكيل واخد الكرة مرة تانية اقسم بالله اني دخلت المرور الساعة 8 صباحا خرجت منه 4.30 مساء لعنة الله على المرور
معلش طولت عليكم بس ده اختصار شديد للي حصل وللمعلومة انا دفعت مخالفات 25 جنيه رغم اني ليس لدي اي مخالفات
هي ديه مصر
وشكرا