اعتقد ان اداره المرور ليس لها مسؤل ولا رئيس اذا كان هذا هو الوضع وكما هو مبين فى الصور قمة الاهمال وسوء التنظيم
اعتقد ان اداره المرور ليس لها مسؤل ولا رئيس اذا كان هذا هو الوضع وكما هو مبين فى الصور قمة الاهمال وسوء التنظيم
بشكل عام
أسوأ مكان حكومي يمكنك أن تتوجه إليه هو وحدات المرور
ومن أسوأ هذه الوحدات وحدة مرور السلام
ومن أفضلها مرور النزهة الجديدة (مش هاتصدقوا : دخلت هناك مرة لقيتهم مشغلين سوفت ميوزك في الإذاعة الداخلية) هكذا يجب أن يكون المرور
وأيضاً مرور الوايلي ..مرور هادئ ومحترم
هوة ده المرور امال هتحس إزاى انك فى المرور لو محصلكش كده هههههههههههههه
نا رحت من يومين اجيب الرخصه بتاعتى مسحوبه عكس سير :d لقيت ان انا موقوف شهر بعد ما قعدت ساعتين ادور على الشباك بتاع الرخص المسحوووبه المهم لما طلعت لقيت واحد بيكلم الناس بطريقه زباله و بتاع رحت ماسك فى خناقو لان انا مكنتش طايق الدنيا من ساعت ما عرفت ان انا موقوف شهر لقيتو بيكلم راجل كبير فى السن عندو مثلا 55 سنه بطريقه وحشه اكنو بيشتغل عندو والراجل يا عينى مش عارف يصور الورق اللى قالو عليه فين فا بيقولو فين فا لقيتو بيقولو هو انا فاضيلك و بتاع و معرفش ايه رحت ماسكو انا و واحد صحبى ابوه عميد و ظبطنا اهلو بس ربنا يستر لما الشهر يخلص واروح اجيب الرخصه :d
15 يوم بلتمام و اروح تانى اشوف ايه النظام المشكله انها سحله المرور فى اخر الدنيا مش عارف ليه احنا تبعو المفروض اللى قريب منا مرور الاميريه الجديد فا مودينا فى اخر الدينا عشان كدا مرخص العربيه على مرور مدينه نصر ولسه من شهرين اتنقلت بقيت فى مصر الجديده الاتنين اجمد من بعض اى حاجه بتخلص فى ثوانى
مع انى من المنصورة الا ان اهمال مرور السلام اصابنى ،، متستغربوش اللى حصل انى اشتريت عربية من القاهرة تبع مرور السلام ولما جيت ارخصها فى المنصورة لقينا رقم الشاسيه اللى مكتوب فى الرخصة ناقص رقم وطبعا الحل الوحيد انى اروح مرور السلام عشان اجيب شهادة بيانات يعنى سافرت يجى 5 ساعات عشان موظف مهمل نسى يكتب رقم الشاسيه صح........حسبى الله ونعم الوكيل:36_7_4[1]:
حرام بجد كده لازم يبقا في مسؤلية ونظام اكتر من كده
يادي المصيبه ده انا نقلت رخصتي على مرور السلام
انا هروح اجيب الرخصه يوم الاحد ادعولى اجبها على خيييييييييير و اكيد هبقى هناك من الساعه 9 الصبح و همشى على 3 ادعوووووووووولى
الحل هو :
1 - نسف مرور السلام
2 - إعادة بناؤه علي أحدث الطرز ((المصرية))
(المصرية؟) .... أينعم !!
الشيئ اللي يغييظ ويخلي البني أدم مننا هايفرقع .. اننا في البلد الواحد وبين أبناء البلد الواحد يتم تقسيمنا إلي فئات ونوعيات طول الوقت.
حد فيكم جرب وحدة مرور خدمات القوات المسلحة في منشية البكري؟
أنا جربتها ...
حظي الجميل خلاني أشتري عربية واحد مقدم جيش وارخصة كانت هناك
الإجراءات كانت إزاي:
أروح أسلم الطلب علي الشباك الخاص برتبة (المقدم) ... هناك كل رتبة ليها شباك
وأشرب شاي من الكافيتريا حتي يتم إنهاء المعاملات ويندهوا عليا ... بإسم الرخصة "" المقدم ...." ___ "أيوه" ... روح إدفع يافندم"
بس خلاص ......
ليه مايبقاش كل وحدة مرور في البلد بالطريقة دي ...... هما ال ... بني أدمين وإحنا ولاد ......
حد قال لك ما تخشش حربية؟؟؟؟؟؟؟؟؟؟
باهزر طبعا
و بعدين انت عارف ضباط الجيش المصري دلوقتي بيتعبوا اوي و بيخاطروا بحياتهم في اداء مهمتهم الصعبة الخطيرة الا و هي بناء دور و نوادي و صالات افراح للجيش بكافة فروعه و اسلحته
واحد معرض حياته للخطر كده لازم ندلعه و لا ايه
و لا عايز نساويه بواحد زيي و زيك يادوب بيروح شغله 15 ساعة في اليوم و بيتزنق في المواصلات 5 ساعات بس ؟؟؟؟؟؟؟؟؟؟؟؟؟؟
فى الدنيا كلها انت امام الحكومة مواطن صالح الى ان يثبت العكس الا هنا فى مصر انت حرامى وكداب الى ان يثبت العكس
يعنى المفروض ان الكلام اللى تقوله يكون محل ثقة وخصوصا ان فيه دلوقتى الحكومة الذكية اللى كل حاجة فيها ماشية بالكمبيوتر يعنى معاك رقم قومى ومعاك رخصة شخصية ومعاك رخصة العربية ومعاك دليل ملكيتها وكل المطلوب مثلا تجديد الرخصة يبقى ليه مايخدوش الرخصة القديمة ويقوموا بالاجراءات ويارب يقولوا حتى ابقى تعالى استلمها كملن اسبوع بدل الشبابيك والصور والتعطيل ده
هو بصراحة كدة مالهاش غير حل واحد ان احنا فعلا كلنا حرامية وكدابين وليهم حق يعذبونا
انا لما رخصت عربيتي و نقلت الملكية خلصت الورقيات الساعة 10.30 الصبح !!!
عارفين استلمت الرخصة الساعة كام ؟؟
اقسم بالله الساعة 4 العصر . تخيلو من الساعة 10.30 لغاية 4 العصر مستني تحت التاندة الحلوة دي عشان استلم الرخصة وفي واحد شبه محترم كده متختخ كل شويه يجي ومعاه 3 او 4 رخص يسلمهم.
اضحكوا بقى معايا .. اخير اتناده اسمي واستلمت رخصتي واتشاهدت اخيرا وبتفرج على الرخصة وانا فرحان بيها والاقي ارقام الشاسية والموتور مختلفين تماماً عن ارقم الشاسية والموتور بتاع العربية طبعا اتجننت ودخلت لهشام بيه (طبعا عارفينه) راح لاعن سلسفيل جدود الستات اللي بتكتب البرخص على الكمبيوتر واستنيت ساعة كمان لغايه ما الرخصة الجديدة طلعت .
انا مرة كنت مع واحد صحبي في المرور الملعون ده، بس انا استنيت تحت شجرة الفيكس اللي بتسقط فاش و أكلان دي، و بهدلتني يوميها.
الحمد لله جددت الرخصة فى مرور برمودا على يومين يوم المخالفات والبصمة والتامين ويوم الجهاد على الشباك حتى تصل للموظف وتديلة الرخصة والمعلوم علشان نخلص فى اقرب وقت ممكن على الساعة واحدة الظهر تقريبا!!!!!
[OVERLINE]
انت خلتنى اراجع الرخصة بتاعت زوجتى اللى استلمتها يوم 26/8 الحمد الله رقم الشاسيه و رقم الموتور سليم كده تمام بس الحلو ميكملش لان المفروض و اللى مكتوب ع الرخصة فى الوجه الاول ان انتهاء الترخيص 9/2011 بينما ع الوجه التانى مكتوب تاريخ الفحص 2012 :ma:
بس زوجتى اخدت قرار انها مش هتروح تغير حاجة و لا تصلح الغلطة مش هتروح الا فى شهر 9/2011 اذا اطال الله فى عمرها هى مش عاوزة تشوف المرور ده بتكرهه جدااااااااااااااااااا
[/OVERLINE]
جزيل الشكر للإدارة والسادة المشرفين على تحديث روابط الصور
جزاكم الله خيراً
والله العظيم انا فضلت مستني من الساعة 10 لغاية 4 العصر عشان استلم بس رخصة العربية .
ياة الواحد يحمد ربنا بعد ما غيرت الاقامة وبقيت تبع مرور مدينة نصر وحسيت بالفرق البشع فى مستوى الخدمة والادامية,,
انا مرة كنت واقف ولقيت واحد واقف فى طابور مكون من فردين فقط وبينفخ وبيقول انا زهقت انا بقالى حوالى ساعة , رحت قيالة احمد ربنا لو كنت فى مرور السلام كنت عرفت ان الناس هنا ملايكة
على فكرة تجديد الرخصة هناك اقصى حاجة ساعة ولا عزاء!!!!!!
صحيح يا جماعه هما دلوقتى بيطلعوا الرخص بالكمبيوتر و لا برده لسه مقضينها ترخيص مؤقت زى اللى معايا حالياً ..
اخر مرة كنت برخص في المرور الملعون ده و بعد ماخلصت كل الاجراءات على الساعه 4 ونص , وكنت دافع كل حاجه على 3 سنين
لقيتهم بيقولولي الكومبيوتر قفل و تعالى بكرة الصبح عشان تاخدها كمبيوتر او تاخد دلوقتي تصريح مؤقت
بصراحة ماقدرتش اتصور يوم تاني من العذاب فأخدت تصريح مؤقت بسنة واحده مكتوب على ورقة لحمة
انا اصلا رخصه العربيه خلصانه من سنه ونص ومش عاوز اروح اجدد الرخصه والله والرخصه مسحوبه والوصل ضايع
رحت النهاردا علشان ارخص لان العربيه ماشى بيها والله سنه ونص الرخصه خلصانه والرخصه مسحوبه والوصل ضايع
المهم رحت علشان اسجع بالتوكيل قالى لا لازم تعمل نقل ملكيه
رحت عند بتاع البينات كانت الساعه 8.10
قالى صور البطاقه واطلع اعمل استعلام عن المباحث رحت طالع واديك البطاقه الساعه 8.20
الساعه 9.30 بعد لما لموا كل الناس طلع قالنا الكمبيوتر بايظ انزلوا تتحت من غير استعلام
طبعا الناس كلها اتملت على صورة البطاقه وانا كنت مصور كتير فجريت على الشباك
رحت على الشباك وكان معايا ورقه استعلام شهر عقارى وكنت حاطط عليها طاب بوسطه شرطه
المهم كنت الرابه لحد لما جى دورى كانت الساعه 11
قالى الرخصه قولتلوا مسحوبه راح قالى هات الورقه دى من الخزنه بى 10 جنيه واملاها وروح شباك 3 استعلم عن الرخصه بالوصل المسحوب
المهم عملت كدا ووقفت طابور فى الخزنه كانت الساعه 11.30
رجعتلوا قلتلوا ايه قالى استنا اجيب ملفك علشان اشوف الرخصه علشان اشوف الضريبه التسجيل اد ايه
لحد 12 مجبشى حاجه زهقت مشيت وقولت هروح يوم الاتنين اكمل انى اسجل والتلات اجيب مخالفات والاربعاء ادفع التامين والخميس افحص والاتنين اللى بعده اسلم ورقى فى الشباك والتلات استلم الرخصه
هبقى احكلكم التفاصيل وهجبلكم صور ان شاء الله من اول يوم الاتنين
عندق حق عارف ليه طبعا
لان كل اللى هايروح مرور النزهة معلهش كلهم "ناس مليانة"
ويخاف اى حد هناك يخبط معاهم ... وطبعا لازم يكون كل العاملين هناك "نقاوة"
لكن بالنسبة لمرور السلام "الله ..." ولا بلاش ... المعاملة زى الزفت ليه
طبعا عشان الناس هناك معلهش "غلابة" ... مافيش وسائط
الواسطة الوحيدة "الفلوس"
ومهما خبط مع اى حد موش هايقدر يفتح "فمه" معاهم
والتعامل على اساس احنا البنى آدمين ... وانتم ولاد الـ ؟؟؟؟ ولا بلاش
نرجع لموضوع التكنولوبيا ... قصدى التكنولوجيا
طبعا اخوانا المتخلفين المعتوهين
عمرهم ما سمعوا عن قاعدة البيانات
وكل شغلهم يدوى
خلاص مادام فيه تدخل آدمى ... انسى يا حبيبى
ادفع "تنل" كل اللى انت عايزه
ومافيش احسن من كده
هاتقولى كمبيوتر ... وسجل بيانات وملفات الناس على الكمبيوتر واعمل شبكة للكمبيوتر على مستوى الجمهورية ... ده يبقى حلم
اكنك بالضبط بتقول "غير فى القرآن الكريم" استغفر الله العظيم
دى بلد متخلفة وعاجبها الوضع ده لان فيه حنفية فلوس شغالة زى الفل
ها تيجى انت تقولى سجل البيانات على الكمبيوتر وريح الناس .... استحالة
عندك طلبة الثانوية والشهادات
يتم تسجيل بياناتهم كلها فى شهر واحد
وكل سنة وبكميات رهيبة
اما عند المرور
انسى كل حاجة بالورق والنماذج "الله يحرق النماذج"
واللف والدوران
احنا سنة 2010 بس تشعر انك سنة 19
والشعور الاسوء
انك تحس انك موش "بنى آدم" ....هما الناس الحلوة
واحنا الناس "الكخة"
هما اولاد البشوات والبهوات
واحنا "الخدامين والعبيد"
هما الأغنياء واحنا الفقراء اللى لازم يكملوا علينا
هما لحم ودم ... انما احنا سورى بالنسبة لهم "حشرات" انا آسف جدا انى اقول الكلام ده
ما فيش رحمة
ولا ينظر بعين الشفقة لسائق غلبان خارج وراء اكل عيشه وبيته وعياله
هما عايزين الناس تتجنن او تتحرق او اى حاجة موش مهم هما دول بنى آدمين
ايه يعنى دمه اتحرق "عادى..."
ربنا يرحمنا من حكم النفس على النفس
ويصلح من احوالنا
والناس تفتكر اننا كلنا كده ولاد حوا وآدم
وكلنا نفس اللحم والدم
وكلنا ربنا هايحسبنا
وربنا يهدى
ياجماع كل المصريين عارفين الكلام ده مش فى مرور السلام بس
كل المرور وكل المصالح كده يعنى ده مش جديد كلنا عارفينه
الجديد بقا اننا بنشوه صوره مصر قدام العالم كله
وياريت بلاش كده تانى العضوه الفاضل وبلاش تشوه صوره مصر اكتر من كده ليه حق الجزائر
تعمل كده فى مصر بعد اللى بتعرفه من امثالك بكره نخد بالجزمه من الدول كلها بعد التشويه الصوره
مين المصرين اللي أجمعوا دول ؟؟؟رجاء تحري الدقة لأن الكلام المرسل بلا أساس وبلا دليل لن يجدي نفعاً
هو مجرد إننا نطالب بإصلاح صورة بلدنا يبقى بنشوههاعايزنا نظهر بمظهر غير الحقيقة عشان ننافق العالم وخلاص
قال يعني العالم مش واخد باله ومش حاطط مصر على أوائل قائمة الدول المنتشر فيها العشوائيةإحنا بنحاول ننظف صورة مصر بحق لأننا بننظف اللأصل وبالتالي الصورة ستصبح نظيفة
ولا نلتفت لمحاولات النعام التي تدعو لدفن الرؤوس في الرمال
معندناش عقدة المنظرة الكذابة اللي العالم كله فقسها خلاص
أمثالك !!
واضح إن الزوق بينقط منك
اللي حصل مع الجزائر نتيجة لحاجات كثيرة إللي أمثالك بيحاولوا يسكتوا الناس عنها (بكلمك بنفس أسلوبك)
طيب
يالله بسرعة نحسن الصورة
نشتري إعلان في كل محطات تلفزيونات العالم نقول مصر مفيهاش مشاكل
ويتم عمل أسوار خرسانية مثل سور إسرائيل في الضفة لتغطية كل ما تراه محرج لمستواك حتى لا تصاب بالحرج أمام أصدقائك
ومن الممكن أن نكرر حادث الدويقة فوق كل الأماكن التي يشوه منظرها الصورة
لأن أهم حاجة الصورة
لكن الأصل ياخد باللي إنت قلت عليها في آخر ردك لكن للأسف (مش هعرف أرد عليك في هذه النقطة بنفس أسلوبك)
اللهم صل على محمد وعلى آله وصحبه أجمعين
معلهش احنا بنعتبر كلمة "امثالك" دى شتيمة ... لو تقصد كده الله يسامحك
ولو ما تقصدش برده الله يسامحك
المهم
حضرتك بالضبط بتقول لى لا تتحدث ابدا
اوعى حتى "تفك" عن نفسك من اللى بتشوفه كل يوم
يا سيدى هو الكلام حتى بالفلوس
هاكلم حتى وموش هاعمل اى حاجة
ولا اقدر اعمل اى حاجة
ولا هافكر اعمل اى حاجة
هاروح شغلى عادى جدا
واشتغل بما يرضى الله
انما فكرة "انى لا اكذب ولكنى اتجمل "
الفكرة دى عمرها ما هتصلح حاجة
فكرة ادفن راسك فى الرمال "كالنعامة" عشان الناس اللى حواليك ما تشوفكش
بداية اى اصلاح لازم تعترف بأخطائك
يعنى تقدر تروح للدكتور "لا مؤاخذة" وانت بتعانى من "البواسير" وعشان شكلك يكون حلو ومكسوف تقول له عندك ايه ...
تقول له عندى برد
ههههههههههههههههههههههههه هه
اى علاج لازم تقول الحقيقة
لازم تحدد المرض
لازم تحدد القصور
وبعد كده تفكر فى العلاج
والكلام ده موش الغاز
ليه احنا موش متقدمين
اكيد عشان فيه تخلف ... ومحسوبية ... ورشوة ... ووساطة ... وعدم تكافؤ فرص ... وبيروقراطية ... وسلبية ... وطعمية وتقلية هههههههههههههه الخ
الكلام ده كله الناس عارفاه كويس
ايه اللى يحول اى بلد الى بلد متخلف
اكيد عشان فيه المشاكل دى
يعنى الكلام ده كل العالم عارفه
سواء انت بتقوله
او انت موش عايز تقوله
يعنى من الآخر عمرك ما هتضحك على الناس دى
بدليل بسيط جدا
لو سمعتك حلوة
كانت الاستثمارات فى بلدك تزيد تلقائى
لان المستثمر سوف يجد الامانة .. الاحترام ... والثقة ... الاخلاص ...العلم ... الادب ... وكل شىء حواليه يدفعه للنجاح والاطمئنان على فلوسه
انما انت تخيل واحد فاتح مصنع وعنده كام عربية محتاج يرخصهم فى المرور
لو مافتحش مخه
ايه اللى هياحصل له ... اكيد هايتجنن بدرى ويتخرب بيته
واحب اشكر المهندس احمد انه بصراحة رد "عنى" بالتفصيل
ده لو كنت انا المقصود بكلمة "امثالك" ههههههههههههههه
كل شىء ممكن يتحل فى يوم وليلة لو احنا عايزين
عارف ببساطة
ادارة المرور دى لو عايز شباب متطوع "وملم بالكمبيوتر" عشان يدخل البيانات "مجانا" بدون مقابل
سوف تجد "آلاف" من الشباب عندهم استعداد يشتغلوا فى عملية الادخال دى ببلاش ... عشان عارفين ان الموضوع ده هايريح كل الناس
مع ان البلد عندها فلوس كفاية عشان تعمل الموضوع ده بدون اى متطوعين
لكن هما مرتاحين كده
وعاجبهم كده
الخلاصة
اى تدخل بشرى فى بلدنا عليه العوض
لو البنى آدم اللى اتعاملت معاه كان انسان متربى وكويس خلاص شغلك هايخلص
لو كان انسان من النوع اياه خلاص عليه العوض
يا راجل ده انا شفت فيلم فى المانيا صغير تسجيلى
الراجل عنده المجارى "ضاربة"
جت عربية المجارى
نزل منها السائق المسئول ومعاه مساعد
نزل فى البلاعة كاميرا صغير بسلك
حدد السدد فين
نزل خرطوم من العربية ... شفط كل البلاوى اللى فى البلاعة
بكل احترام بينه وبين صاحب المنزل
ما فيش اى فرق بينهم
ده راجل يؤدى عمله
ومافيش اى فرق بينه وبين اى حد كله تمام
خلصت الشغلانة
خلع ملابسه
وطلع وجبة الاكل وشرب الحاجة الساقعة
وانتهى يوم العمل على كده
لا ده قال دى زبال
ولا ده قال ده بتاع مجارى معفن
ولا اى حد عيب على حد
الزبون بيتكلم بكل احترام وادب
والعامل بيتكلم بكل ثقة واعتزار بنفسه واقتناعه بقيمة عمله
مافيش اى عقد ولا قلة ادب ولا اى حاجة من السخافات اللى يوميا بنشوفها
وتتفرج على الحلقة دى تاخد من وقتك اكثر من نصف ساعة
وفى السهرة كمان
ناس محترمة
موش حياتها الكورة .. الاغانى ... والشكل الجميل وبس
الحقيقة هى الحاجة الوحيدة الجميلة
وربنا يهدى الجميع
العذاب فى كل مكان فى مصر
ومشبس ف مصر
يارجاله عملت تامينات ودفعت ضرايب وفحصت واستلمت النمر والرخصه والتامين الاجبارى واستعلام المباحث كل دا فى اقل من ساعتين فى مرور السلام عارفين ليه لانه منقلوا الاجرة من مرورو السلام وبقى فاضى اوى اوى اوى
والله بقى فاضى والشبابيك فاضيه وراقيه وجميله وحاجه جميله
لو الكلام ده صحيح يبقى مبروك علينا مرور السلام وعقبال ما ندفع المخالفات بالنت.