الموضوع: شقة 63م بالحي 11 التوسعات الشمالية أكتوبر خالصة الثمن

المشاركة الأصلية كتبت بواسطة eng.peter

أسف أنا عارف المنطقة كويس لان عندى شقة فى الشماليات فى الجزء اللى هو عمارات خاصة
الشقة من أكثر من أربع سنين سعرها مزدش ولا مليم بالعكس بقى سعر التقسيط للمتر نفس سعر الكاش
و المنطقة ميته
و لا يوجد عمار او اشغالات و اغلبها شقق مهجورة
فياريت نخلينا واقعيين شوية
وانا متفق معك ان الشقة هتزيد بس على الاقل بعد 5 او 8 سنين بالذات فى ظروف البلد الحالية

السلام عليكم
أنا مختلف معاك تماماااا في الكلام ده
في ناس مبتفضلش الجزء إللي فيه عمارات خاصة لعدة أسباب
أولها: أن فيه بعض من الناس ميحبوش يتعاملوا مع أشخاص نظرًا لكثرة النصب في العمارات الخاصة، ده غير أن المساحات مش مظبوطة.. يعني صاحب العقار يقول لك 100 متر وهي تبقى 65 متر ويحاسبك على الـ 100... وحتى لو اشتريت الشقة هتلاقي صاحب البيت فاتح مشروع تحت العمارة ولما تيجي تركن العربية يقوم مغلس عليك ويطهقك في اليوم إللي جيت اتملكت عنده شقة.. ويحسسك أنه مدهالك ببلاش وأنك منتع الرزق عنه بركنة عربيتك.... ده غير أن مافيش مساحات خضراء في المربع السكني الخاص بالعمارات الخاصة وده بالنسبة لي حاجة مهمة جداااااااا.
ثانيًا: العمارات الخاصة بتستلم الشقة نصف تشطيب أو من غير تشطيب خالص لدرجة أنها بتمص دمك بتلعن اليوم إللي أخذت فيها شقة مش متشطبة وتلعن اليوم إللي اتعاملت فيه مع صانيعي عامة وده طبعًا مثقل على كثير من طبقات الشباب من حيث الماديات وتكلفة التوضيب والشاب اليومين دول محتاج يأخذ شقة جاهزة ومش فاضي للوقفه مع العمال وعدم الأمانة في مواعيدهم ويادوب يديها وش نقاشة علشان الألوان تبقى على مزاجه فقط وشوية لمسات بسيطة متصرفش معاه كتير ويسكن فيها أو يتجوز فيها ويكفي أنها شقق حكومة أنت بتبقى مالك وغيرك بيبقى مالك ومحدش أحسن من حد.
ده وجهة نظري وده إللي أنا عانيته ومأنصحش بيه أحد أبدًا أن يأخذ شقة في عمارات خاصة
الحاجة الأخيرة حتة أن الشقق هناك مابتزتش الكلام ده مش مظبوط تمامااااا... أنا شقتي من سنة وقبل ما استلمها كانت جيبالي 70000 جنيه... في خلال سنة جبتلي 85000 وده سعر المنطقة وده إللي مطروح عليا دلوأتي...
تخيل لو الفلوس في البنك هتجيب 15000 جنيه في خلال سنة؟؟؟؟
تحياتي