لسة طقم العربية متغير من كام يوم ب gr - 90 و مفيش اي شكوى منه خالص
عرض للطباعة
لسة طقم العربية متغير من كام يوم ب gr - 90 و مفيش اي شكوى منه خالص
طب خد عندك بقى ياطنانى التجربة المبدئية دى
الكاوتش الكونتى premium كونتاكت اللى كان جاى فـ البرافو ألمانى -طبعا #1
حتى وهو فـ آخر عمره (60 ألف كم ماشاء الله): ثبات-فرامل-ملفات ولا كلمة!
- بس طبعا كان بدأ يبقى ناشف أوى وصوته مزعج وبيتخرم كتير.. كتر خيره :rolleyes:
لقيت أقل واجب 4 آلاف جنيه!! (المقاس بتاعى 205/55 R16) فـ السرعة والـload اللى أنا عايزها 91V
بريدج-ميشو-بيريللى أو حتى كونتى.. كلهم فـ رينج السعر ده؟!! :angry27:
طبعا أكيد مش هركب كورى؟!! :tongue17:
قولت أشوف Yokohama أو Toyo يابانى
وأنا بدور كده around مدينة.نصر.. لقيت الـDunlop ده:
Dunlop Sport 9000 نقشة Directional - رغم انى بفضل الـAsymmetric
بس السعر كان مغرى جدا بالنسبة للـspecs
205/55 ZR16 و 91W لحد 270 كم/س.. و Traction A Temp.A
وأنا كنت متعقد من الحته دى :rolleyes: -عشان الكونتى كان H يعنى 210 كم/س والعربية بتجيب أكثر من كده؟!!
(أصلا كنت بخاف أمشى فوق الـ160 عشان القلق من الكاوتش)!
- وخد بالك من ZR دى Speed-Rating: يعنى HSF أو High-Speed Use at Full-Load
وجربتها والله :tongue17: كان معايا 5 فـ العربية +شنط مشيت بيهم 200 لمدة 15-20 دقيقة تقريبا!
التقييم المبدئى:
- ناشف شوية (يمكن عشان أنا بنفخ الكاوتش على 33-34)
- صوته عالى مقارنة بالميشلان والبريدج فـ الألفا والجولف ، بس أوطى من الكونتينينتال فـ آخر عمره!
غير كده: فرامل محترمة أوى -ملفات وTraction وإستجابة دركسيون تمام
مجربتوش فـ الميه.. بس هو تصنيفه wet-traction
- بس فـ بريدجستون Fit&Fix خوفونى منه أوى: اللى يقوله آخره 20 ألف وهيطلع بلالين؟!! وهيبوظلك العفشة! ولما ينشف هيخرم لوحده؟!! وحاجات كده؟!! :duh:
فـ عشان كده بسأل!
Edit: نسيت أقولك السعر أقل من 600 جنيه الفردة بالتركيب-البلوف والترصيص والنيتروجين!
(وده قلقنى أكثر :rolleyes: -الإنتاج نصف 2012 يعنى جديد)؟!!
اولا حمدالله على السلامه ونورت المنتدى
ثانيا انا هقولك على الدانلوب حاجه واحده باختصار ( محترم وابن ناس ) - بس يكون المانى
مع ان فى فرده منه طلعت بلونه فى اول شهرين من تركيبه ( والمفروض العن سلسفين اللى جابه) بس بالامانه لولا ستر ربنا ولولا الدنلوب كان الجنط اتكسر وممكن كان تأثير الخبطه كمل فى اجزاء تانيه فى العفشه - بس اللى حصل انه اتحمل هو الصدمه الرهيبه وامتصها وضحى بنفسه عشان انا والجنط نعيش على ذكراه ونفتكره كل يوم مع غروب الشمس :hrm_prv:
dunlop sp sport 01
16R\55\205/ V91
عقبالى يا باشا
ربنا يكرم و افوق من اللى انا فيه و اجيب كاوتش ان شاء الله
الدانلوب ال Sport SP01...ممتازة من حيث قوة التحمل و الثبات و الفرامل و دقة التوجيه و التماسك على الرمل و المياه...يكفي انها قعدت معايا 85000 و كان لسه فيها نفس
عيبها الوحيد و القاتل هو الإزعاج و النشوفية...و ده محستش بيه غير لما نقلت على الميشلان ال Energy Saver...نعومة و صوت واطي...بس التوجيه بقى vague شوية و الفرامل مش أقوى زي الأول...
ربنا يكرمك وتجيب طقم محترم يا طنانى باشا :)
- عارف أنا تغيير الكاوتش ده صداع!!
هو واحد فـ ذاكر حسين يأبو يحيى.. م.نصر
وانت جاى من السابع- بعد توكيل عز العرب (بقى Volvo الأحمدى) هتلاقى توكيل كونتينينتال، بعده هتلاقى محل كبير بطاريات Chloride وكاوتش -هو ده.
(بس دول كانوا آخر 4 فرد عنده فـ المقاس ده -شوف بردو ممكن يكون جاب تانى، وعنده أطقم/أنواع كتير متنوعة)؟!!
:plusone1:
هو فعلا الدانلوب ناشف سيكا.. خصوصا لو هتقارنها بالميشو energy؟!! (أصلا الميشلان أنعم كاوتش فـ التاريخ)!!
- بس خد بالك أوى أوى من الفرامل مع الـEnergy-saver دى؟؟!!! عشان دى فردة eco صريحة! وتجارب الناس ليها فـ الـbraking بتحذر نفس الكلام!!
بالنسبالى: ميشو يعنى Pilot Sport/Super أو Primacy HP - دول جامدين أوى الصراحة - Flagship بتاع الميشو الرياضية/الأداء!
بالنسبة للـDunlop: اللى أنا جبتها إسمها SP Sport 9000...
أنا لسه بحاول أستكشفها فـ الجرى :) والصراحة كل يوم بأقتنع انها value-for-money
إتحطيت فـ كام موقف بأضطر أكبس فرامل lock: الـABS تقريبا مابيلحقش يشتغل!! :eee:
- تماسكها رااااااااائع لحد دلوقتى.. بدأت آخد بيها ملفات عـ العاصى ومن سرعة >>> ماشاء الله -- مفيش أى squeal صفارة عجل عـ الأسفلت!
شوف
أنا كنت -وما زلت- بأثق فـ الكونتى ثقة blind :plusone1: (مش عشان ألمانى، بس هو فعلا فـ الفرامل والـsteering: مالهوش حل)؟!!
لكن الدانلوب مقنع جدا till-now الحمد-لله،
هى بس فيها حاجة -مش عارف ده صح ولا فقط in-my-head؟؟!!! :bump1:
- الكاوتش ده بيحتاج يسخن شوية عشان يبدأ يحقق الـTraction والهاندلينج/الفرامل بتاعته؟؟!
(هو اللى عرفته كمان انه hard-rubber وفيه Silica-compound)! ممكن يكون ده سبب؟؟
Rgds،
:plusone1:
هوه مش في سباقات الفورميلا بيحموا العجل بكذا دوره علي الحلبه عشان يوصلوا لاحسن اداء
مع قناعتي ان بنيه الكاوتش مختلفه عن العربيات بتاعتنا
لاكن اعتقد خد الحته الفتي الصرف ديه :Zb_sor1[1]:
ان المعامل الحراري للمطاط اللي بيستخدموه في الكاوتش العالي بيكون اعلي من الكاوتش العادي عشان يتحمل اكتر
لو سمحت اضرب بس بشويش :bump1:
ههههههههههههههههه
:plusone1:
لأ ياباشا العفو :)
بس ماهو بردو كاوتش الفورميولا بيتحمل ضغط وسرعات أعلى من العربيات العادية؟!!
- دا بيريللى نافخاهم فـ موضوع تآكل الكاوتش ده؟!!! :eee:
أنا كنت شاري دانلوب ياباني سنه 2009 من الكويت كان سعر الفرده 350 جنيه ولو مخانتنيش الذاكره كان 9000 يعني نفس الموديل ده تقريبا وفعلا كان ممتاز جدا وكان فارق كتير عن الكومهو اللي كان راكب في العربيه لما اشتريتها وخصوصا في الفرامل لأن عندي الفرمله مكنتش عاجباني وكنت مغير التيل وجايب ACDelco وخارط الديسكات وكان فاضل تغيير الكاوتش.
بريدجستون كاوتش ممتاز وتوكيله مش وحش.. وبعدين اللى عنده تجربة سيئة مع منتج يكتب تحذير منه لكن مش من حقه يقول للناس ماحدش يشتريه نهائى..خصوصا ان صاحب الموضوع كلامه غامض ومش مفهوم وغير فنى ولايدل على أى شىء
بريدجستون حلو فى انواع
و انواع تانى النسر اجسن منه عن تجربة
بوتانزا ممتاز
تورنزا ممتاز
جى ار و ام واى حلوين
الأقل بقى زى 250 و الكلام ده
اسوء بالنسبة لى من النسر
و مفيش حد فينا كلامه فنى
احنا كلامنا عن تجربة فعلية
و انا لو حصلت معايا هاقول نفس الكلام
و ان كان صاحب الموضوع قدر يرجع الكاوتش
انا بقى كنت هيتحرق دمى عشان الكاوتش اللى اشتريته
الفلوس بقت عزيزه على الناس
و اللى يحاول يأذينى
هازعله
بس بالأدب
ماهو أنا باتكلم عن الأنواع الكويسة من البريدجستون مش أركب فردة تركى وأقول بريدجستون وحش .. بريدجستون يبقى بوتنزا أو تورينزا أو ام واى... وبعدين كلام صاحب الموضوع ماوضحش ايه المشكلة..رعشة الدركسيون والغربلة ممكن يكون عيب ترصيص والدبدبة على الطرق المكسرة ممكن يكون ضغط هوا..لكن الدنيا بقت وردى فجأة مع الدانلوب ده مش معناه ان ماحدش يشترى بريدجستون نهائى لكن معناه ان الدانلوب اترصص صح واتظبط هوا صح... أما كلام حضرتك عن الفلوس فمش فاهمه لأنى ما انتقدتش صاحب الموضوع فى كده
هو اللى اعرفه ان الفرده كانت ناشفه قوى
و هما اللى مرصصين
و مغيرين بلف
و نافخين نتروجين
و هو جرب يظبطها خلال اليومين اللى قعدت معاه قدر الأمكان
و لما غير الفرده
اختفت كل المشاكل اللى ظهرت بتركيب البريدجستون
السلام عليكم
رجاله المنتدي و كبار الاوبل موجودين و الحاج فورميو كاره الكوري
طبعا انا كعمر و خبره قليله بالنسبالكم بس انا قربت أسيب شغلي و تمهيدي الماجيستير و أعمل ماجيستير في االكاوتشات
بناء علي التجربه
- يوكوهاما سي درابف هو الافضل في السوق حاليا و ياباني الصنع
قريبي جربه في الفولفو القديمه s240 و لما جاب طقم للالنترا بردو جاب يوكو و بيحلف ان العربيه فرقت 180 درجه ربنا يباركله
- فيه ميشو primacy hp بس ده غالي
انا مش بأعترف بقي بالايكستا ولا الكونتي(بأحسه فرافيري و بيتلكك عشان يتخرم ) و طبعا الحاجه تتجاب ممن بلدها بمعني بريدج يعني ياباني و كومهو يعني كوري مش بأحب العك في الانساب الصراحه :d
- يوكو s drive فرده بنت كلب جاحده تراكشن و فرامل و التقييم بتاعها علي النت غريب بس صوتها عالي !
أستاذ طناني عشان حضرتك بتدور علي طقم عدل
أرخص سعر لليوكو(يوكوهاما) سمعته عند موزع في المعادي اسمه عبده أمين
205/55/16 كانت عامله 625-650 يوكوهاما سي درايف
قفشت نمره السيلز و دوخته علي ال s drive مش لاقي طقم جديد اللي لاقاه كان 2011 و طبع ا مش هأجيبه هو أمين الصراحه و قالي ما ينفعشي أبيعهولك من نفسه
ركز بقي يا فورميو هتعجبك الحته ديه
لما لاقاني مصمم علي اليوكو ال اس درايف قالي ما تاخد الكونتي بريميوم 2 الفرده الماني 91 v ب 670 !
بس انا دماغي ناشفه و هأقفش ال s drive
الموزع التاني اللي أسعاره في الهادي بردو , و ثقه و تجربه شخصيه هو أبناء علي سليمان في شارع وادي النيل في المهندسين عند منطقه ميت عقبه
لسه جايب من عندي ENERGY SAVER XM2 للاكسنت من كام شهر
الدانلوب مش لاقيله توكيل أو موزع قريب مننني فما حاوتش أجمع عنه اي معلومات
البريدج الفرده عدت الالف جنيه
LOOOOOOOOOOOOOOOOOOL
علي ايه مش عارف و H كمان
و شكرا علي كم المعلومات ده
هو انا لسه مغير الكاوتش وجايب بريدجستون تورينزا الاندونيسى وشايفه زى الفل
بس انا جايب مقاس مختلف معرفش تفرق ولا ايه
مقاس 13 175\70