مشكلة لمبة ستوب

**shur3000** · 19-05-2013 01:18 AM

عندى امبة الاستوب اللى فى الصالون ما بتنورش لما ادوس فرامل وكمان اللمص بتاعة الفوانيس وشفت اللمض تمام. انا عارف ان فى مكنة على دواسة الفرامل بتبقى معلقة ممكن حد يقولنا هى فين ونتعامل معاها ازاى. بدل ما اروح للكهربائى ويقعد يشتغل فيا

**kagawa** · 19-05-2013 01:30 AM

متابع ..
معلومات مفيده ..

**shur3000** · 19-05-2013 01:56 AM

وانا كمان

**shur3000** · 19-05-2013 02:18 AM

طب انا سمعت ان لها رجلاش المهم هى فين وبتترجلش ازاى وسعرها كام لو هتتغير

**shur3000** · 19-05-2013 02:42 AM

سؤال بالمرة كنت ناوى اغير سير كاتينة وبلية ممكن الاسعار والانواع. وهل فى حاجة اسمها بلية كاتينة وشداد ولا كله حاجة واحدة

**alaafever** · 19-05-2013 03:23 AM

الاول شوف الفيوز brake وبعد كده شوف مكنة الاستوب تتبع دواسة الفرامل فى اعلاها ممكن وهييا مكانها تسحب الجزء الامامى الرفيع الى الامام 2 تكه وانت دايس على الفرامل لاعطائك مسافه للضبط لو مشتغلتش شيل الفيشه الى راكبه فيها وشيل المكنه واعمل اختبار ليها لمضه سليمه و2 سلك

**Dr.Solom** · 19-05-2013 04:19 AM

انا كان عندى نفس المشكله
وخالد عمل تشيك على الفيوزات لاقها سليمه وكانت المشكله فعلا فى فيشة الاستوب وروحت الكهربائى عملها ف ثوانى كانت معلقه وهاياخد بالكتير 10 جنيه

**Khaled Lanos** · 19-05-2013 10:03 AM

أول حاجة جرب بس تغير اللمبة اللي في الفانوس بواحدة تانية ولو مشتغلتش شوف الفيوز بتاعها اللي في علبة الفيوزات اللي في الكبوت..اذا كان كدا فك المكنة وحاول ترش عليها اسبراي تنظيف..هي مكانها ورا دواسة الفرامل فوق لازم ترجع الكرسي وتانم على ظهرك عشان تشوفها :)

**MMamdouh** · 19-05-2013 12:21 PM

مكنة الستوب راكبة ورا دواسة الفرامل... بص تحت التابلوة هتلاقيها راكبة فى خوضة على دراع دواسة الفرامل و ليها صباع بيفصل و يوصل الكهرباء... الصباع دة ممكن تعدل طولة عشان المكنة تشتغل صح

MMamdouh