الياريس جميلة واللانسر بردو جميلة انا تعبت ومش عارف اقرر ياريت تساعدوني

يا جماعة الياريس بسم الله ماشاء الله عليها جميلة وعجباني موووت وانا كنت خلاص ناوي عليها ان شاء الله بس فيه ناس بتلعب في دماغي من ناحية اللانسر ال 1600 اتوماتيك بعد ما كنت خلاص نويت وكان كل بس اللي في دماغي اجيبها مانيوال احسن ولا اتوماتيك بالنسبة للسعر مش فارقة بس كنت عايز اعرف للكفاءة وطول العمر مين حيبقي احسن وخصوصا في شوارع مصر كل اللي طالبه يا جماعة دلوقتي منكم للي حيدخل علي المنتدي ويحب يشارك يفهمني مين افضل انا مش بسافر كتير وشغلي قريب من البيت الي حد ما بس وعايز حاجة واسعة ل 5 افراد وتكون طبعا موفرة في البنزين وقطع غيارها في المعقول انا عن نفسي معجب جدا بالياريس انتو ايه رايكم يا جماعة انا لو استقريت علي الياريس اجيبها اتوماتيك احسن ولا مانيوال مع العلم اني مش بجري واخد غرز والكلام ده انا في اللذيذ خالص وياريت بردو يا جماعة للي اشترو قسط يفيدوني هل فعلا البنك اللي بتقسط معاه لازم تفضل العربية باسم البنك لنهاية فترة القسط وهل بيبقي البنك معاه توكيل وممكن يتسحب منك العربية لو اتاخرت في قسط انا سامع الكلام ده وقالقني جدا ارجو الافادة معلش يا جماعة انا اول مرة اشتري عربية جديدة وفي انتظار ردكم

1- واضح ان حضرتك معجب جدا بالياريس
2-حضرتك بتسال على الكفاءه و طول العمر اعتقد تويوتا مفيش عليها كلام فى الموضوع ده
3- حضرتك طالب عربيه موفره فى البنزين
كل الحاجات دى نخليك تجيب الياريس من غير تفكير
4- بالنسبه للاوتوماتيك و المانيوال فحضرتك بتقول ان استخدامك داخل المدينه مش سفر و ان حضرتك مش بتاع جرى و غرز يبقى اكيييييد تجيب اوتوماتيك و خصوصا ان اتوماتيك فى الياريس حلو جدا مش بتحس انه تقيل
و بصراحه انا رايى الشخصى ياااااااااااااااااااااااا اااااريس

el yariss 3arabeya motarama gidan we mowafera fel banzin gidan
we el salon bita3ha orayeb men el lancer
el tawkil bita3ha momtaz
tab3an eshtery el automatic a7san ketiiir
el 3arabeya ma3aya men 2006 we zay el zero
kaman el lancer shakl adim
da ra2yii bi montaha el sara7a
we rabena yewafa2ak
salam

خمس افراد بص حضرتك

انا مقدرش اقول كلمه علي اليارس لانها عريبة توفير بنزين وكل حاجة ميه ميه

خمس افراد انصحك بعربية واحدة وعن تجربة مش هتحك في مطب ولو محمل تلات افراد ورا

والشنطة مليانه

الانسر 1600 سبورت العفشة الرياضية روعة مش هتحك في مطب ابدا

جبت العربية دي بعد الكرولا بصراحة فرق شاسع بالنسبة للمطبات نفس الحمولة ونفس المطبات

ومطبات من صنع الاهالي والكرولا كانت بتحك واللانسر معملتهاش معايا ولا مرة الحمد لله

بس استهلاك البنزين اليارس تكسب

بس كعفشة وعربية واسعة الانسر تكسب

طبعا انا بكلم علي البوما الشكل القديم

انا كنت جايب الخليجي ب118 الف

المصري بتعمل 123 تقريبا

انا مش عارف الصراحة حضرتك معاك كام

اتمني اكون محيرتش حضرتك

شكرا

اسأل نفسك سؤال
هل انت محتاج متور 1600 سى سى ؟
لو الاجابه اه هات لانسر 1600
لو مش فارقه معاك هات ياريس او لانسر 1300 بس خليك فى الياريس احسن
انا عملت كده كنت محتاج متور 1600 علشان السفر وعزم العربيه يكون جامد فجبت لانسر 1600
بالنسبه مين عموما احسن الانسر ولا الياريس
انا ركبت ياريس 2006 مانوال هاف ولانسر 1300 مانوال ولانسر 1600 اوتو بتاعتى
الياريس مميزاتها
عربيه لذيذه جدا لو ركبتها فتره هتحبها اوى
متورها وده اكبر ميزه فيها هوه هوه متور الكورولا القديمه بنظام vtti الى بيساعد على خفض استهلاك البنزين بصوره ملحوظه
عدم وجود مقب فى الكنبه الخلفيه بيخلى الراكب الى راكب فى النص رجله مسترحيه جدا
باور كهرباء ناعم -كماليات مناسبه للفئه السعريه الى محطوطه فيها العربيه

متور اداءه كويس جدا بالنسه لفئه ال 1300
-كراسى عاليه ومريحه جدا

عيوب
صاج واكصدمات ضعيفه جدا - غرفه محرك صغيره
انا الحقيقه مجربتش العربيه على الطريق بس صاحبى الى معاه بيقول انها حلوه لغايه 120 او 130 بعد كده بتكون خفيفه و عايزه سواق محترف ده كلامه
برضو بيقولى ان قطع غيارها مش موجوده بره التوكيل (يقصد المحلات العاديه مش المحلات المعتمده من الوكيل )الكلام ده كان من شهر 3 مش عارف دلوقتى ايه النظام
-فى واحد تاجر عربيات اعرفه بيقولى ان الانسر مطلوبه عنها فى اعاده البيع
-خامات التأفيل اقل كتير من الكورولا القديمه واقل شويه من الانسر بس فى المجمل العربيه تقفيلها كويس جدا على سعرها
-صوت الكاوتش مسموع فى الكابينه


الانسر 1600 اوتوماتيك
-فتيس cvt مريح جدا فى السواقه بس عايز تعود
-متور 1600 هيسعفك لو بتسافر كتير عزم العربيه يكون جامد
-اعاده بيع سريعه جدا نظرا لثقافه المصريين ان العربيه ده عربيه الاحلام
-قطع غيار متوفره فى كل حته
-عربيه ناعمه

عيوبها
-شايف ان الباور تقيل شويه عن الكورولا القديمه
-عفشه ناشفه شويه بس مع التعدود هتحس انها طريه
-استهلاك بنزين عالى جوه البلد
بتعمل فى حدود 9 كليو فى اللتر
- تقفيلها كان المفروض يكون احسن من كده بس هوه احسن فى حجات بسيطه عن الياريس
-الثبات ان اقصى سرعه مشيت عليها كانت 130 وكانت كويس مش قادر احدد ثباتها حلو ولا وحش دلوقتى
-قطع غيار غاليه والتيل سعره 385 جنيه وبيعد من 15 الى 20 الف كم بس
الفرامل فى الاتوماتيك كانت المفروض انها تكون احسن من كده
هيه حلوه جدا فى الفرمله الفجائيه بس الفرمله العاديه عايزه تدوس جامد
-صوت الكاوتش مسموع بالكابينه

موضوع اتوماتيك ولا مانوال ده بيرجه ليك بالدرجه الاولى
انا مثلا عندى عربيه اوتوماتيك وعربيه مانوال وعمرى ما قلت لأ المانوال احسن ولا الاتوماتيك احسن
لانه ده ليه متعته وده ليه متعته
شوف انت ايه بالنسبالك هيكون احسن
المانوال مثلا سحبه احسن من الاتوماتيك -تكايف صيانته اقل -توفير فى البنزين والتيل
الاتوماتيك مريح جدا فى الزحمه وغير الزحمه
الاوماتيك فى ال 1300 سحبه بيكون ضعيف لان المتور صغير
اما ال 1600 فالاتوماتيك بيكون ضعيف معاه برضو بس علشان المتور قادر يشيل نفسه شويه ويشيل الفتيس الاتوماتيك معاه فتحس ان سحبه احسن من ال 1300
هتحس بالكلام ده برضو لو جربت عربيه 1800 او 2000 سى سى فى مقابل ال1600 هتحس برضو ان المتور عنده قدره يشيل نفسه ويشيل الفتيس معاه اكتر فى ال1600 وهكذا

ربنا يوفقك ويفك حيرتك وان شاء الله لو اخترت ياريس او لانسر مش هتندم باذن الله

انت اول حرف فى اسمك y يبقى استخير ربنا وتوكل على الله وهات ياريس

عربيه هتحبها من اول يوم ومش حتخليك تندم ابدا

يا باشا انا بنصح حضرتك تركب الانسر وبعدها تركب الياريس هتحس بفرق واضح..الياريس حقيقى عصرية اكتر وتكنولوجى جديدة وكفاية انها شكل جديد وخد بالك الانسر البوما دى اصلا انقرضت فى العالم كله وسعرها المفرووض ارخص من الياريس فى اى مكان تانى غير مصر حيث اناه شكل قدييييم...ثانيا الفرق بين ال 1300 وال 1600 كلام فاضى الناس هنا فى مصر بيحسسونى ان ال 1600 دا موتور كبير وكده لا هما الاتنين قريبيين من بعض ...بس لو عندك استعداد تدفع زيادة انصحك انك تجيب الياريس ال 1500 الخليجى بجد تحفة وطبعا فى هذه الحالة الياري هتتفوق من كل النواحى لانها كده(1500) وان كان الفرق برده مش كبيير اوى زى ما الناس متخيلة...لما تكون العربية 2000 سى سى انا معااك ان فى فرق لكن غير كده دا مش منطقى خالص..الياريس الباور بتاعها كهربا بجد والعربية ناعمة جدا وقيادتها ممتعة بجد ..الحاجة الوحيدة الى الانسر بتتفوق فيها ان الثبات افضل نسبيا بس الياريس ال سبورت ال 1500 ثباتها طبعا لاغبار عليه...

بعد كل اللى حضرتك قلته ده
بالنسبه لطبيعة شغلك واحتياجاتك
يبقى ياريس اوتوماتيك بلا منازع
وتوكل على الله

الاتنين حلوين
لكن واضح انك ميال للياريس
عموما الياريس عربيه جميله جدا
و كل يوم بحمد ربنا انه وفقني و جبتها
انهارده كنت بيها في اسكندريه
و راكب معايا في العربيه 6 افراد
يعني كنا 7 افراد في العربيه
خالي و والدتي و مرات خالي و اولادهم التلاته واحد في تانيه ثانوي و بنت في اولي اعدادي و طفل في 5 ابتدائي و انا
غير الامتعه في الشنطه ورا
يعني ما اقولكش العربيه محمله ازاي
و مسافر في عز الحر (الساعه 1 الضهر)
مشغل التكييف طول الطريق من المحله للاسكندريه و كمان جوه البلد ما فتحتش شباك قبل 8 بالليل.
بصراحه رائع
و ماشي طول الطريق براحتي لو عاوز اجري بتجري معايا و بتسحب كويس
بصراحه انا شايفها عربيه ممتازه.
الغريب بقي
امبارح كنت في القاهره في شغل و كنت واخد عربيه خالي (كورولا 2007)
بقالها معاه كام شهر و انا اول مره اسوقها
حسيتها تقيله في سحبتها بالمقارنه بالياريس اوي
و ثباتها اقل غير الباور بتاعها تقيل.
لا الياريس بصراحه داخله دماغي

البيت قريب من الشغل ...سفر قليل...يبقي ياريس بلا نزاع..
الياريس هاتوفرلك في البنزين دوة البلد....وهاتها اوتوماتيك علشان تريح دماغك من زحام البلد...
بالنسبة لعدد الافراد الياريس هاتاخد 5 مرتاحة جدااا وما تقلقش ....
وان شاء الله لما تجيبها هاتنبسط منها جداااا.....

وربنا يوفقك..

اقتباس:

---

المشاركة الأصلية كتبت بواسطة hazem_khidr

الغريب بقي
امبارح كنت في القاهره في شغل و كنت واخد عربيه خالي (كورولا 2007)
بقالها معاه كام شهر و انا اول مره اسوقها
حسيتها تقيله في سحبتها بالمقارنه بالياريس اوي
و ثباتها اقل غير الباور بتاعها تقيل.
لا الياريس بصراحه داخله دماغي

---

ماهوه ده اللي عجبني فيها
نفس موتور الكورولا + وزن اقل + تصميم انسيابي + باور كهرباء =
سحب اقوي
نعومه القياده اكتر
ثبات علي السرعات افضل

انامعايا ياريس عامل بيها لحد دلوقتي 1200كم
باسم الله ما شاء الله عربيه ممتازه جدا وشكلها جميل جدا وأدأها عالي
وموفره جداا وصوتها ناعم
اقصى سرعه جبتها130 ثباتها كان كويس بس انت مش محتاج تفتح في السرعات لان مفيش طرق عدله
لكن اللي مدايقني في المانيوال انك لازم تدوس ديبرياج عشان تدورها وكمان أبعادها عيه تعود

اقتباس:

---

المشاركة الأصلية كتبت بواسطة mego20082007

انامعايا ياريس عامل بيها لحد دلوقتي 1200كم
باسم الله ما شاء الله عربيه ممتازه جدا وشكلها جميل جدا وأدأها عالي

لكن اللي مدايقني في المانيوال انك لازم تدوس ديبرياج عشان تدورها

---

انا كمان مدايق من الحكايه دى وان شاء الله حشوف حل ليها

ana 3awez a3raf ya3ny el 3arabeya keda keda hatetghayar ba3d 10 years belketir 12 years da keda belketiiir awyyyy
ya3ny law el wa7ed beye3mel biha 25 alf kilo fel sana
ya3ny 7awally 250 to 300 alf kilo fi 10 to 12 sana
law el 3arabeya 1300 aw 1600 we yabany akid el el motorein dol hay3isho merta7 awy el 300 alf kilo ,,, da motor toyota ya gama3a
el 1300 we 1600 hayefre2 law 3awez te3ady el 150 aw bet7eb te3mel acceleration 3ally we fi masr el tari2 mosh mosta7mel
yob2a fi ra2yi ashtery 1300 mowafera fel banzin we kaman hat3ish el fatra elli heya 7awaly 12 years we bardo rakeb toyota we fooooool options we 3alafekra fel safar heya gamda gidan we betshil 5 we men gheir mat7ok fi ay matab
el 3arabeya ma3aya men 2006 we 3an tagroba
we rabena yewafa2ak
we da ra2yi el khaass
salam

ربنا يكرمكو يا جماعة بجد بجد انتو خليتوني اتمسكت برايي اكتر فعلا العربية انا مقتنع بيها جدا وزدت اكتر اقتناع من كلامكم انا فعلا شفت من اكتر من عضو هنا بيقولو في موضوع مشكلة الدبرياج بتاع المانيوال بتاعها وبصراحة انا كنت في تجربة مريرة مع عربية فيات 125 قبل كدة ونفسي اركب عربية انسي باه كل الهموم ديه وكل اسبوع عند الميكانيكي ولا الكهربائي ولا العفشجي وتقل العربية والحرارة الغريبة اللي بتبقي جواها مش عارف من ايه قلة عزل ولا ايه مشاكل مش بتخلص ولقيت العربية ديه ممتازة فعلا بالنسبة لي واسرتي الصغيرة ولشغلي وحتبقي عملية اكتر علشان توفير البنزين والاتوماتيك حيبعدني عن مشكلة الدبرياج اولا ثم ثانيا اريح في وسط البلد او لما اركب اكتوبر وطبعا كلنا عارفين ما هو كوبري 6 اكتوبر انا الحمد لله استقريت علي الياريس الكاملة اتوماتيك ورحت سالت عند محمد الهواري (موزع معتمد تويوتا) في شارع دمشق في المهندسين وعرفت انها عاملة 103000 عربية بسم الله ما شاء الله عليها رائعة بجد بس انا مش عارف فيه ناس بتقولي عفشة العربية ديه سبورتي بتبقي ناشفة بتحس بكل حاجة تحت الكاوتش وديه كانت نفس ماساتي مع الفيات :( مش عارف الكلام ده صح ولا لا بس عموما انا كدة كدة خلاص الحمد لله استقريت عليها وحشتريها من الهواري بالتقسيط ان شاء الله حدفع 50% واقسط علي 5 سنين فكنت عايز اسال علي موضوع كدة قالي عليه بيعمله البنك العربي الافريقي وهو ان البنك بيبقي عامل توكيل بالعربية لو حصل واتاخرت في دفع قسط تتسحب مني العربية وتروح عليا المقدمة اللي دفعتها وكلام غريب كدة فمش عارف الكلام ده في كل البنوك في نظام القسط ولا ده البنك ده وبس فلو حد يا جماعة يعرف حاجة عن الموضوع ده ياريت يفيدني ربنا يكرمكم بجد انا بجد سعيد اني اصبحت احد اعضاء السايت ده وبقيت من ضمن نادي الياريساوية لغاية ما اشتريها إن شاء الله وابقي عضو في النادي باه :) كل الناس بجد هنا محترمين وبيساعدو وبيحاولو يفيدو اي حد محتاج للمعلومة وبافاضة فبجد بجد ربنا يوفقكم جميعا ويكرمكم مش قادر اخص حد بالشكر بس بجد بجد يا جماعة اسمحولي اشكر جدا الاستاذ حازم خضر اكتر واحد كنت بشوفه في كل المناقشات وعجبتني اصلا من كلامه من قبل ما اشوفها اصلا لما إن شاء الله نخلص من الموضوع ده حبقي محتاج اعرف بعض حاجات باه كدة زي مثلا لو عايز اعملها فرش جلد صح اعمله فين ولو عايز اجيب دواسات واكسسوارات ليها بس إن شاء الله لما اجيبها إن شاء الله
انا استقريت خلاص علي اللون البترولي بردو احب اعرف رايكم والف الف شكر يا جماعة والله علي ردودكم

الف مبروك
ان شاء الله حتعجبك
و لعلمك انا كان معانا 125 ايطالي و بولندي
بس لا كانت بتسخن ولا حاجه و في منتهي الاعتماديه بصراحه رغم انها قديمه.
ما علينا
عفشه الياريس مش زي عفشه ال 125 نهائي
ال125 انشف منها بكتير و اثبت .
انما الياريس حتعجبك جدا جدا ما تقلقش
بالنسبه للقسط انا شاري من كونتاكت
و برضه عامل توكيل و معاهم مفتاح
بس الاجراءات الجديده مافيهاش موضوع المفتاح دا

الف مبروك لحضرتك مقدما الياريس

وربنا يحرسك من العين

انت كمان يا استاذ حازم 125 بصرة يا باشا بس انا لسه بعاني من بلاويها هيا اصلها حالتها تعبانة حبتين يعني وعموما الف الف شكر يا باشا والف شكر يا مازن

الـ 125 عفشتها ناشفة قوي لانها عفشة نص نقل...(ورق سوستة ) مش مساعدين...وممكن تتاكد بنفسك من كدة... والناس زمان كانوا بيحبوها علشان كدة...كنت ممكن تحملها اي شيء من ورا وتدخل بيها في اي مكان...لكن الياريس عفشتها زي اي عربية مساعد وياي ...والياريس تحديدا عفشتها مريحة جداااا وبالذات الخلفية ..

الله ينور عليك يا هيرو تمام يا باشا حافظها ورق مانا عندي ورقة منهم اتكسرت
والعربية مكنتش عارف فيها ايه ورحت لاكتر من عفشجي مش عارفين المشكلة منين والصوت ده بيجي منين اتاري انها كانت مكسورة من نقسطة التثبيت فمكنش باين الشرخ او الكسر وغيرتها بس غلبت والله يا خونا غلبت مع العربية ديه وكل ما اخلص من حاجة يتطلعلي مليون غيرها لما كرهت نفسي وكرهت السواقة وكرهت الميكانيكية والسمكرية والعفشجية والدنيا باللي فيها يا ساااااااااتر بس نحمد ربنا علي كل شئ
دلوقتي يا جماعة انا محتاجكم في خدمة مش عارف اذا كانت سهلة ولا لا كنت عايز اشوف صور لعربية حد خصوصا التابلوه والعدادات وشكل الكاسيت مع تحكم التكييف للعربية الكاملة اتوماتيك لاني في الصور اللي علي النت تتوه شوية فيه زراير عاملة زي المثلث وفيه زراير فوق بعضيها فمش عارف هل ده في مصر ولا بره ولا ده الموديل الجديد ولا القديم بس فكنت عايز اعرف شكل السنة دي اي واحد فيهم وشكرا ليكم كلكم يا شباب

ال125 يا باشا كانت عربيه قويه
لكن فعلا مشاكلها بدات تكتر لما قطع غيارها بدات تقل
مش عاوز اقولك ان مره العربيه اللي كانت معانا دي راحت من المحله للقاهره و من القاهره للاسماعيليه و من الاسماعيليه لبور سعيد و من بور سعيد للاسماعيليه و من الاسماعيليه للمحله في يوم واحد!!!!
تخيل بقي مدي قوتها و اعتماديتها
.............
ما علينا بالنسبه لزراير التكييف
اللي علي شكل مثلث دي بتاع السيدان و هيا دي اللي حتركبها باذن الله
اللي علي شكل خط مستقيم دي بتاع الهاتش باك
لعلمك التابلوه بسييييييييط جدا لكن فيه كل حاجه

تمام كدة انا فهمت وموضوع ان مفيش مؤشر حرارة ده عامل مشكلة ولا ايه النظام انا اعرف ان التويوتا عموما من افضل العربيات في معالجة الحرارة فبيتهيالي مش حتبقي مشكلة كبيرة يعني بس هو فعلا الواحد ازاي يعرف درجة حرارة العربية قد ايه علشان يفهم يظبط نفسه ازاي ؟

استاذ حازم انت كنت قلتلي انك بتقسط مع كونتاكت كنت عايز اعرف بس حاجة انا كنت ناوي اشتري من التوكيل علطوول حدفع 50% ان شاء الله والباقي اقسطه علي 5 سنين انا ناوي اني اقسط سنة وإن شاء الله داخلي مبلغ كويس ممكن اسدد بيه بقية قيمة العربية علي شهر 11 كدة السنة الجاية فكنت عايز اعرف انا بتعامل مع البنك الاهلي وليا شهادات عندهم معرفش اذا كانو بيقسطو عربية ولا لا فانت ايه رايك في موضوع القسط هل اقسط مثلا مع كونتاكت واعمل معاهم التامين علي العربية ولا خليني مع التوكيل مباشرة والبنك بتاعي او البنك العربي الافريقي اللي اقترحو اني اشتغل معاه؟

اقتباس:

---

المشاركة الأصلية كتبت بواسطة ye7ia2007

تمام كدة انا فهمت وموضوع ان مفيش مؤشر حرارة ده عامل مشكلة ولا ايه النظام انا اعرف ان التويوتا عموما من افضل العربيات في معالجة الحرارة فبيتهيالي مش حتبقي مشكلة كبيرة يعني بس هو فعلا الواحد ازاي يعرف درجة حرارة العربية قد ايه علشان يفهم يظبط نفسه ازاي ؟

---

بالضبط هو مش عامل مشكله
لكن عامل ليا انا مشكله لاني بحب اعرف كل حاجه في العربيه!!!
لكن عموما ما تخافش منها لان فيه لمبتين لمبه خضرا لما تبقي العربيه بارده
و لمبه حمرا لما العربيه تسخن عن معدلاتها الطبيعيه
هيا مره اللمبه دي نورت مني في التويوتا ايكو ايام الامارات بس كانت مهمله قوي
و نزلت زودتها ميه و اللمبه طفت

اقتباس:

---

المشاركة الأصلية كتبت بواسطة ye7ia2007

استاذ حازم انت كنت قلتلي انك بتقسط مع كونتاكت كنت عايز اعرف بس حاجة انا كنت ناوي اشتري من التوكيل علطوول حدفع 50% ان شاء الله والباقي اقسطه علي 5 سنين انا ناوي اني اقسط سنة وإن شاء الله داخلي مبلغ كويس ممكن اسدد بيه بقية قيمة العربية علي شهر 11 كدة السنة الجاية فكنت عايز اعرف انا بتعامل مع البنك الاهلي وليا شهادات عندهم معرفش اذا كانو بيقسطو عربية ولا لا فانت ايه رايك في موضوع القسط هل اقسط مثلا مع كونتاكت واعمل معاهم التامين علي العربية ولا خليني مع التوكيل مباشرة والبنك بتاعي او البنك العربي الافريقي اللي اقترحو اني اشتغل معاه؟

---

لا اعتقد ان التوكيل بيقسط عربيات هو بيبيع كاش
عبد اللطيف جميل بس هو اللي بيقسط و الفايده علي العربيات غير الدايهاتسو بتبقي اعلي 1%.
قسط مع كونتاكت و التامين بقي اختياري علي فكره مش اجباري
و انت ممكن بعد 6 شهور تسدد القيمه المتبقيه من السياره نقدا
لكن طبعا بتدفع انت مبلغ اعلي شويه
يعني انا من رايي
انك تاخدها علي سنه و نص او سنتين و تريح دماغك
علشان ما تجيش تسدد بعد سنه ولا سنه و نص تلاقي برضه حاسبين فوايد حتي لو قليله علي المبلغ المتبقي

انا اقصد الموزع المعتمد اسف مش التوكيل نفسه الهواري في المهندسين معروف هو بس مادام انت قلت كونتاكت يبقي إن شاء الله خير لو ممكن تديني رقمهم لو ممكن اتصل بيهم واعرف اقرب معرض ليهم اروح هناك اقعد مع الناس افهم منهم الموضوع باستفاضة اكتر واسال كل الاسئلة اللي في دماغي لحسن ده انا دماغي حتشت والله يا استاذ حازم انا عمري قبل كدة ما دخلت في موضوع شراء اي عربية ولا جديد ولا مستعمل ومعايا مبلغ مش عايز اقولك يعني حمووت عليه بس فعلا محتاج للعربية لانها الحاجة الوحيدة اللي ممكت تيسري حاجات كتير في شغلي بدل ما انا متعلق بال 125 اللي عمرها ما عملت واجب معايا ولا عارف اسافر بيها ولا عارف اعمل بيها حاجة ولو قرصت عليها سنة علي الطريق الدائري لازم ترجعني ندمان يا مش عارف الكاربيراتير اتسد يا مش عارف مطلعة ريحة شياط يا مش عارف اييييييه عربية ما يعلم بيها الا ربنا
معلش يا باشا ربنا يكرمك معاك واحد زنان شوية وحيتعبك الفترة الجاية لغاية ما يخلص ربنا يكرمك بس كنت عايز اسالك سؤال صحيح انا فعلا من ساعة ما تعلمت السواقة مجربتش اسوق اي عربية تانية نهائي غير ال 125 ديه ومرة سقت شاهين واتجننت معايا شوية علشان انا اللي مكنتش عارف اتعامل الحقيقة مع الدبرياج فيه ناس كتير قالولي مش حتعرف تتعامل مع العربية وحتتعب كتير علي ما تظبط معاها الا لو اتوماتيك حترتاح وكدة كدة موضوع التعود علي ابعاد العربية مادام حغير لاول مرة فبردو كدة كدة حاخد وقت علي ما تعود عليها كنت عايز اعرف انت بردو نقلت من ال 125 علطوول ولا جربت سواقة عربيات كتير وكدة يعني

للعلم انا بسوق بقالي 6 سنين

They say the yaris is unstable after 120 km/h?and the car always swims

اقتباس:

---

الفرق بين ال 1300 وال 1600 كلام فاضى الناس هنا فى مصر بيحسسونى ان ال 1600 دا موتور كبير وكده لا هما الاتنين قريبيين من بعض

---

الفرق بين لانسر ال1300 و 1600 فعلا كبير لأن الفرق مش فى قوه الموتور و بس لكن فيه فروق كتير و هسردهالكم.............

1-ال1600 جنوطها اعرض و 15 بوصه و ال1300 الرفع و 14 بوصه فقط

2-عفشه ال1600 فيها عمود اتزان فى الامام و الخلف اما ال1300 فى الامام فقط

3-مفيش 1300 فيها Abs انما ال1600 المواصفات المصرى فيها Abs

4-الاتوماتك بتاع ال1600 بتكنولوجيا Cvt انما اتوماتك ال1300 4 نقلات عاديه.

5-ال1600 كلها Glx انما ال1300 اغلبها Gl وده بيفرق فى فخامه الصالون و بعض الكماليات.

اقتباس:

---

المشاركة الأصلية كتبت بواسطة kareoke

They say the yaris is unstable after 120 km/h?and the car always swims

---

its a lill bit unstable after120km but it never swims !!

والله لو انت راجل غني هات يارس لانك بالكثير 3سنين وهتبعها لانة ضعيفة جدا والزمن هيسيب عليها بصماتة بسرعة (كلمة حق .هي شيك واسعة و سريعة و ثباتها مقبول و ياباني100%) (بالرغم من ان انا بحبها جدا) اما لوانت غلبان زي حلاتي توكل ع الله وهات لنسر 1600 وهتدعيلي (معمرة وبعدين علامات الزمن مبتبنش عليها بسهولة):err:او اصبر شوية و هات الكورولا كل حاجة فيها حلوة (عن تجربة):ph34r:

تويوتا ياريس 1300 كاملة اتوماتيك

بص لو انت زي ما بتقول عايز عربية موفرة في البنزين يبقي معلش ماتفكرش في ال1600 لانسر هات ياريس كاملة وهتعجبك ان شاء الله

motor lancer
thbat lancer
e3adet bee3 lancer
tawfeer banzeen yaris
3omr efterady lelmotor lancer
salon lancer
n3omet el3afsha lancer
power akhaf yaris
shakl enta wezo2ak

azon el2gaba wad7a

بص الاثنين حلوين بس لو لانسر 1600 يبقى اللانسر احسن
لو الاثنين 1300 خذ الياريس