| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: الافضل من حيث الاعتمادية وقوة الصاج انا بدخلها بردو والعمر الطويل لا يقل عن 10 سنوات

المصوتون
90. أنت لم تصوت في هذا الإستطلاع
  • تويوتا ياريس 1300 كاملة اتوماتيك

    41 45.56%
  • لانسر 1600 كاملة اتوماتيك

    49 54.44%
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية ye7ia2007

    رقم العضوية : 15850

    تاريخ التسجيل : 05Aug2008

    المشاركات : 55

    النوع : ذكر

    الاقامة : cairo

    السيارة: toyota Yaris

    السيارة[2]: fiat 125

    دراجة بخارية: لا

    الحالة : ye7ia2007 غير متواجد حالياً

    افتراضي الياريس جميلة واللانسر بردو جميلة انا تعبت ومش عارف اقرر ياريت تساعدوني - Facebook Twitter whatsapp انشر الموضوع فى :

    hasad">

    يا جماعة الياريس بسم الله ماشاء الله عليها جميلة وعجباني موووت وانا كنت خلاص ناوي عليها ان شاء الله بس فيه ناس بتلعب في دماغي من ناحية اللانسر ال 1600 اتوماتيك بعد ما كنت خلاص نويت وكان كل بس اللي في دماغي اجيبها مانيوال احسن ولا اتوماتيك بالنسبة للسعر مش فارقة بس كنت عايز اعرف للكفاءة وطول العمر مين حيبقي احسن وخصوصا في شوارع مصر كل اللي طالبه يا جماعة دلوقتي منكم للي حيدخل علي المنتدي ويحب يشارك يفهمني مين افضل انا مش بسافر كتير وشغلي قريب من البيت الي حد ما بس وعايز حاجة واسعة ل 5 افراد وتكون طبعا موفرة في البنزين وقطع غيارها في المعقول انا عن نفسي معجب جدا بالياريس انتو ايه رايكم يا جماعة انا لو استقريت علي الياريس اجيبها اتوماتيك احسن ولا مانيوال مع العلم اني مش بجري واخد غرز والكلام ده انا في اللذيذ خالص وياريت بردو يا جماعة للي اشترو قسط يفيدوني هل فعلا البنك اللي بتقسط معاه لازم تفضل العربية باسم البنك لنهاية فترة القسط وهل بيبقي البنك معاه توكيل وممكن يتسحب منك العربية لو اتاخرت في قسط انا سامع الكلام ده وقالقني جدا ارجو الافادة معلش يا جماعة انا اول مرة اشتري عربية جديدة وفي انتظار ردكم


  2. #2

    الصورة الرمزية eng/muhamad

    رقم العضوية : 885

    تاريخ التسجيل : 08Jun2007

    المشاركات : 2,786

    النوع : ذكر

    الاقامة : zagazig

    السيارة: no car

    السيارة[2]: no car

    دراجة بخارية: no

    الحالة : eng/muhamad غير متواجد حالياً

    افتراضي -

    1- واضح ان حضرتك معجب جدا بالياريس
    2-حضرتك بتسال على الكفاءه و طول العمر اعتقد تويوتا مفيش عليها كلام فى الموضوع ده
    3- حضرتك طالب عربيه موفره فى البنزين
    كل الحاجات دى نخليك تجيب الياريس من غير تفكير
    4- بالنسبه للاوتوماتيك و المانيوال فحضرتك بتقول ان استخدامك داخل المدينه مش سفر و ان حضرتك مش بتاع جرى و غرز يبقى اكيييييد تجيب اوتوماتيك و خصوصا ان اتوماتيك فى الياريس حلو جدا مش بتحس انه تقيل
    و بصراحه انا رايى الشخصى ياااااااااااااااااااااااا اااااريس

    على رأى أبو مروى
    ان لم تكن ذئبا أكلتك الذئاب

    Eng/ Muhammad Hamdy
    civil engineer



  3. #3

    الصورة الرمزية smileee

    رقم العضوية : 9566

    تاريخ التسجيل : 25Apr2008

    المشاركات : 39

    النوع : ذكر

    الاقامة : cairo

    السيارة: kia

    السيارة[2]: yaris

    دراجة بخارية: N/A

    الحالة : smileee غير متواجد حالياً

    افتراضي -

    el yariss 3arabeya motarama gidan we mowafera fel banzin gidan
    we el salon bita3ha orayeb men el lancer
    el tawkil bita3ha momtaz
    tab3an eshtery el automatic a7san ketiiir
    el 3arabeya ma3aya men 2006 we zay el zero
    kaman el lancer shakl adim
    da ra2yii bi montaha el sara7a
    we rabena yewafa2ak
    salam


  4. #4

    الصورة الرمزية mazen86

    رقم العضوية : 2301

    تاريخ التسجيل : 24Sep2007

    المشاركات : 272

    النوع : ذكر

    الاقامة : mansoura

    السيارة: PUMA 2008

    السيارة[2]: PUMA 2008

    الحالة : mazen86 غير متواجد حالياً

    افتراضي -

    خمس افراد بص حضرتك

    انا مقدرش اقول كلمه علي اليارس لانها عريبة توفير بنزين وكل حاجة ميه ميه

    خمس افراد انصحك بعربية واحدة وعن تجربة مش هتحك في مطب ولو محمل تلات افراد ورا

    والشنطة مليانه

    الانسر 1600 سبورت العفشة الرياضية روعة مش هتحك في مطب ابدا

    جبت العربية دي بعد الكرولا بصراحة فرق شاسع بالنسبة للمطبات نفس الحمولة ونفس المطبات

    ومطبات من صنع الاهالي والكرولا كانت بتحك واللانسر معملتهاش معايا ولا مرة الحمد لله

    بس استهلاك البنزين اليارس تكسب

    بس كعفشة وعربية واسعة الانسر تكسب

    طبعا انا بكلم علي البوما الشكل القديم

    انا كنت جايب الخليجي ب118 الف

    المصري بتعمل 123 تقريبا

    انا مش عارف الصراحة حضرتك معاك كام

    اتمني اكون محيرتش حضرتك

    شكرا


  5. #5

    الصورة الرمزية limo

    رقم العضوية : 201

    تاريخ التسجيل : 25Apr2007

    المشاركات : 1,938

    النوع : ذكر

    الاقامة : cairo

    السيارة: RENAULT CLIO 1.2 2003

    السيارة[2]: lancer1.6 AT2008

    دراجة بخارية: لا يوجد

    الحالة : limo غير متواجد حالياً

    افتراضي -

    اسأل نفسك سؤال
    هل انت محتاج متور 1600 سى سى ؟
    لو الاجابه اه هات لانسر 1600
    لو مش فارقه معاك هات ياريس او لانسر 1300 بس خليك فى الياريس احسن
    انا عملت كده كنت محتاج متور 1600 علشان السفر وعزم العربيه يكون جامد فجبت لانسر 1600
    بالنسبه مين عموما احسن الانسر ولا الياريس
    انا ركبت ياريس 2006 مانوال هاف ولانسر 1300 مانوال ولانسر 1600 اوتو بتاعتى
    الياريس مميزاتها
    عربيه لذيذه جدا لو ركبتها فتره هتحبها اوى
    متورها وده اكبر ميزه فيها هوه هوه متور الكورولا القديمه بنظام vtti الى بيساعد على خفض استهلاك البنزين بصوره ملحوظه
    عدم وجود مقب فى الكنبه الخلفيه بيخلى الراكب الى راكب فى النص رجله مسترحيه جدا
    باور كهرباء ناعم -كماليات مناسبه للفئه السعريه الى محطوطه فيها العربيه

    متور اداءه كويس جدا بالنسه لفئه ال 1300
    -كراسى عاليه ومريحه جدا

    عيوب
    صاج واكصدمات ضعيفه جدا - غرفه محرك صغيره
    انا الحقيقه مجربتش العربيه على الطريق بس صاحبى الى معاه بيقول انها حلوه لغايه 120 او 130 بعد كده بتكون خفيفه و عايزه سواق محترف ده كلامه
    برضو بيقولى ان قطع غيارها مش موجوده بره التوكيل (يقصد المحلات العاديه مش المحلات المعتمده من الوكيل )الكلام ده كان من شهر 3 مش عارف دلوقتى ايه النظام
    -فى واحد تاجر عربيات اعرفه بيقولى ان الانسر مطلوبه عنها فى اعاده البيع
    -خامات التأفيل اقل كتير من الكورولا القديمه واقل شويه من الانسر بس فى المجمل العربيه تقفيلها كويس جدا على سعرها
    -صوت الكاوتش مسموع فى الكابينه


    الانسر 1600 اوتوماتيك
    -فتيس cvt مريح جدا فى السواقه بس عايز تعود
    -متور 1600 هيسعفك لو بتسافر كتير عزم العربيه يكون جامد
    -اعاده بيع سريعه جدا نظرا لثقافه المصريين ان العربيه ده عربيه الاحلام
    -قطع غيار متوفره فى كل حته
    -عربيه ناعمه

    عيوبها
    -شايف ان الباور تقيل شويه عن الكورولا القديمه
    -عفشه ناشفه شويه بس مع التعدود هتحس انها طريه
    -استهلاك بنزين عالى جوه البلد
    بتعمل فى حدود 9 كليو فى اللتر
    - تقفيلها كان المفروض يكون احسن من كده بس هوه احسن فى حجات بسيطه عن الياريس
    -الثبات ان اقصى سرعه مشيت عليها كانت 130 وكانت كويس مش قادر احدد ثباتها حلو ولا وحش دلوقتى
    -قطع غيار غاليه والتيل سعره 385 جنيه وبيعد من 15 الى 20 الف كم بس
    الفرامل فى الاتوماتيك كانت المفروض انها تكون احسن من كده
    هيه حلوه جدا فى الفرمله الفجائيه بس الفرمله العاديه عايزه تدوس جامد
    -صوت الكاوتش مسموع بالكابينه

    موضوع اتوماتيك ولا مانوال ده بيرجه ليك بالدرجه الاولى
    انا مثلا عندى عربيه اوتوماتيك وعربيه مانوال وعمرى ما قلت لأ المانوال احسن ولا الاتوماتيك احسن
    لانه ده ليه متعته وده ليه متعته
    شوف انت ايه بالنسبالك هيكون احسن
    المانوال مثلا سحبه احسن من الاتوماتيك -تكايف صيانته اقل -توفير فى البنزين والتيل
    الاتوماتيك مريح جدا فى الزحمه وغير الزحمه
    الاوماتيك فى ال 1300 سحبه بيكون ضعيف لان المتور صغير
    اما ال 1600 فالاتوماتيك بيكون ضعيف معاه برضو بس علشان المتور قادر يشيل نفسه شويه ويشيل الفتيس الاتوماتيك معاه فتحس ان سحبه احسن من ال 1300
    هتحس بالكلام ده برضو لو جربت عربيه 1800 او 2000 سى سى فى مقابل ال1600 هتحس برضو ان المتور عنده قدره يشيل نفسه ويشيل الفتيس معاه اكتر فى ال1600 وهكذا

    ربنا يوفقك ويفك حيرتك وان شاء الله لو اخترت ياريس او لانسر مش هتندم باذن الله


  6. #6

    الصورة الرمزية ابوشريف

    رقم العضوية : 1678

    تاريخ التسجيل : 04Aug2007

    المشاركات : 553

    النوع : ذكر

    الاقامة : minya

    السيارة: lancer1998

    السيارة[2]: yaris2008

    الحالة : ابوشريف غير متواجد حالياً

    افتراضي -

    انت اول حرف فى اسمك y يبقى استخير ربنا وتوكل على الله وهات ياريس

    عربيه هتحبها من اول يوم ومش حتخليك تندم ابدا


  7. #7

    الصورة الرمزية sa3dawy

    رقم العضوية : 4046

    تاريخ التسجيل : 09Jan2008

    المشاركات : 2,916

    النوع : ذكر

    الاقامة : Egypt,mansoura

    السيارة: ..

    السيارة[2]: Yaris 2oo8 a/t f/o

    الحالة : sa3dawy غير متواجد حالياً

    افتراضي -

    يا باشا انا بنصح حضرتك تركب الانسر وبعدها تركب الياريس هتحس بفرق واضح..الياريس حقيقى عصرية اكتر وتكنولوجى جديدة وكفاية انها شكل جديد وخد بالك الانسر البوما دى اصلا انقرضت فى العالم كله وسعرها المفرووض ارخص من الياريس فى اى مكان تانى غير مصر حيث اناه شكل قدييييم...ثانيا الفرق بين ال 1300 وال 1600 كلام فاضى الناس هنا فى مصر بيحسسونى ان ال 1600 دا موتور كبير وكده لا هما الاتنين قريبيين من بعض ...بس لو عندك استعداد تدفع زيادة انصحك انك تجيب الياريس ال 1500 الخليجى بجد تحفة وطبعا فى هذه الحالة الياري هتتفوق من كل النواحى لانها كده(1500) وان كان الفرق برده مش كبيير اوى زى ما الناس متخيلة...لما تكون العربية 2000 سى سى انا معااك ان فى فرق لكن غير كده دا مش منطقى خالص..الياريس الباور بتاعها كهربا بجد والعربية ناعمة جدا وقيادتها ممتعة بجد ..الحاجة الوحيدة الى الانسر بتتفوق فيها ان الثبات افضل نسبيا بس الياريس ال سبورت ال 1500 ثباتها طبعا لاغبار عليه...

    My lil Baby xD


  8. #8

    الصورة الرمزية Hosam_Optrawy

    رقم العضوية : 13687

    تاريخ التسجيل : 27Jun2008

    المشاركات : 14,730

    النوع : ذكر

    الاقامة : Cairo - Doha

    السيارة: Optra 2008 A/T

    السيارة[2]: Kia Cerato K3 TopLine

    دراجة بخارية: -

    الحالة : Hosam_Optrawy غير متواجد حالياً

    افتراضي -

    بعد كل اللى حضرتك قلته ده
    بالنسبه لطبيعة شغلك واحتياجاتك
    يبقى ياريس اوتوماتيك بلا منازع
    وتوكل على الله

    [aldl]http://s17.postimg.org/ygne2hebj/F2000045710.jpg[/aldl]


  9. #9

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    الاتنين حلوين
    لكن واضح انك ميال للياريس
    عموما الياريس عربيه جميله جدا
    و كل يوم بحمد ربنا انه وفقني و جبتها
    انهارده كنت بيها في اسكندريه
    و راكب معايا في العربيه 6 افراد
    يعني كنا 7 افراد في العربيه
    خالي و والدتي و مرات خالي و اولادهم التلاته واحد في تانيه ثانوي و بنت في اولي اعدادي و طفل في 5 ابتدائي و انا
    غير الامتعه في الشنطه ورا
    يعني ما اقولكش العربيه محمله ازاي
    و مسافر في عز الحر (الساعه 1 الضهر)
    مشغل التكييف طول الطريق من المحله للاسكندريه و كمان جوه البلد ما فتحتش شباك قبل 8 بالليل.
    بصراحه رائع
    و ماشي طول الطريق براحتي لو عاوز اجري بتجري معايا و بتسحب كويس
    بصراحه انا شايفها عربيه ممتازه.
    الغريب بقي
    امبارح كنت في القاهره في شغل و كنت واخد عربيه خالي (كورولا 2007)
    بقالها معاه كام شهر و انا اول مره اسوقها
    حسيتها تقيله في سحبتها بالمقارنه بالياريس اوي
    و ثباتها اقل غير الباور بتاعها تقيل.
    لا الياريس بصراحه داخله دماغي


  10. #10

    الصورة الرمزية hero

    رقم العضوية : 167

    تاريخ التسجيل : 24Apr2007

    المشاركات : 1,982

    النوع : ذكر

    الاقامة : A lot of Places

    السيارة: Lada2017

    السيارة[2]: Yaris

    دراجة بخارية: NA

    الحالة : hero غير متواجد حالياً

    افتراضي -

    hasad">

    البيت قريب من الشغل ...سفر قليل...يبقي ياريس بلا نزاع..
    الياريس هاتوفرلك في البنزين دوة البلد....وهاتها اوتوماتيك علشان تريح دماغك من زحام البلد...
    بالنسبة لعدد الافراد الياريس هاتاخد 5 مرتاحة جدااا وما تقلقش ....
    وان شاء الله لما تجيبها هاتنبسط منها جداااا.....

    وربنا يوفقك..

    -----------------------------------------------------------------------

    "رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"
    ------------------------------------------------------------------------



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. عايز عربيه بالمواصفات دي و مش عارف اجيب ايه ، ياريت تساعدوني!
    بواسطة othmanelshaikh في المنتدى قســـــــــم المقارنــــات
    مشاركات: 23
    آخر مشاركة: 10-10-2011, 11:58 AM
  2. عايز عربيه بالمواصفات دي و مش عارف اجيب ايه ، ياريت تساعدوني!
    بواسطة othmanelshaikh في المنتدى قســـــــــم المقارنــــات
    مشاركات: 38
    آخر مشاركة: 12-04-2011, 06:39 PM
  3. مشاركات: 14
    آخر مشاركة: 11-04-2011, 05:10 PM
  4. قصة جميلة
    بواسطة mrwho1982 في المنتدى المنتــــــدى الاجتمــاعى
    مشاركات: 5
    آخر مشاركة: 19-07-2010, 12:50 PM
  5. يا جماعة ياريت تساعدوني بجد انا تعبت
    بواسطة devilishtigers في المنتدى قســـــــــم المقارنــــات
    مشاركات: 2
    آخر مشاركة: 03-10-2009, 12:32 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2