-
خلاص كرهت اللانسر
كنت حكيت عن قيادتى لسيارى قريبى نيو اكسنت موديل 2011 و بعد مركبتها فعلاً ندمت اندى دفعت فى اللانسر 128000 و كان ممكن اوفر و اجيب اى عربية كورى ارخص و اليكم انطباعى بعد القيادة علماً بان سيارتى لانسر كلاسيك 1600 موديل 2013 اوتو و ماشية 2500 كيلو :
1- طبعاً التكييف لا يقارن اساساً النيو اكسنت اسقع بكتيييير حتى فى الشمس
2- باور الاكسنت ناعم جداً بايد واحدة تلفه غير اللانسر خالص لدرجة انى حسيت ان الباور عندى مش شغال
3- العفشة ناعمة لاقصى درجة ممكن تتخيلها عكس اللانسر
4- سحب ممتاز معرفش عشان العربية مانيوال و انا اوتو و لا ايه بس السحب جبار و اعلى من اللانسر
5- فرامل يدوب تحط رجلك تقف و مشوار دواسة الفرامل اقل بكتير من اللانسر
6- صوت الموتور اهدى بكتير ن اللانسر
اما النقاط الايجابية للانسر
1- طبعاً اللانسر اوسع بكتير بالذات فى الخلف
2- ارتفاع اللانسر عن الارض اعلى
3- عزل الهواء فى اللانسر احسن
مش عارف هو الواحد لما بيتعود على العربية بيكرهها و لا ايه بالذات ان كان عندى قبل ى لان برده بس 2008 ياريت نسمع ارائكوا و يارب يطلع كل كلامى تهيؤات لانى فعلاً مش طايق العربية دلوقتى
-
يا ريتك كنت اشتريت نيو صني
-
حد يطلع من لانسر يجيب لانسر برضه
بس بصراحة رغم كرهى للانسر بالمقارنة مع النوبيرا مثلا ( اللانسر بتاعه الحاج )
الا ان اللانسر افضل من الاكسنت ار بى بمراحل حتى بعفشتها الناشفة و كراسيها المتعبة ممكن الاتنين يتحلوا ( اظبط ضغط اطاراتك و املى نايتروجين و ممكن بكاوتش طرى الموضوع يتحل نسبيا برضه )
-
ليه بس مفيش اي داعي انك تندم علي خطوة عملتها
حب العربية علشان تاخد وقتها معاك علي خير
ولما تحب تغير هيكون ليك الحرية
وقول الحمد الله
تحياتي ..
-
الراجل بيتكلم عن النيو اكسنت .......
و اللانسر مش احسن من الار بي بمراحي يعني .... ال ار بي لا يعبها غير ان الثبات ضعيف
-
-
البومه الميزه اللى فيها انك لو حبيت تبعها الصبح مش حتشر فيها كتير استمتع بيها شويه وبعدين ابقى بيعها وهات اللى نفسك فيه
-
باشا انت حسستني انك بتقارن بي ام ب 128
انا صحابي واحد معه نيو اكسنت 2011 اتوماتيك
والتاني معه لانسر 1600 اتوماتيك
اولا الانسر عفشتها انعم بكتير من الاكسنت
التكييف افضل في الانسر
الانسر اوسع زي ماحضرتك قلت
التقفيل والخامات افضل
الحاجه الوحيد هي ان الاكسنت سحبها افضل من الانسر جايز فرق الوزن او عشان صحبي بتاع الاكسنت معودها على ال200 والسرعات الهبله دي فالعربيه سحبها حلو
وعلى فكره صحبي اللي معه اللانسر ده كان معه سيراتو 2009 اخر الشكل القديم قبل ماجيب الانسر
وبيقولي تكيف اللانسر احسن بكتيييييييييييير من الكيا وكمان استهلاك البنزين فيها افضل
-
استمتع بيها ومتعملش مقارنات كتير
-
هههههههههههههه انتة بتقارن النترا بلانسر يا باشا معلش يعني ازاي تقارن كوري بياباني بص هقولك الملخص الي معاة الهونداي هيتمتع شوية حلوين اوي تكيف ودلع ونعومة بس اتفرج كمان كام سنة بعد ما العربية تشقي وتتعب شوية وتبدأ تفك وتغير قطع غيار وتخش في معمعة العربية المستهلكة بقا والي حاجتها بدأت تتغير شوف الفرق وشوف الانسر بقا وهيا زي الاسد وبتعمر اكتر من الكوري حتي في قطع غيارها وقوة تحملها الياباني يكسب بمعني كلمة يكسب معلش يعني انتة لو نزلت بلانسر بتلاقي الناس هتموت وتشتريها لو حالتها نضيفة ولو نزلت بلكوري هتلاقي زبونه بس قليل غير الياباني ياراجل بص لقدام اوي متبوصش لدلوقتي بص لقداااااااااااااااااااااا ام انا لسة شاري بومة 2007 ومانول اقسم بلله بحمد ربنا عليها عربية محترمة بمعني الكلمة ما بالك انتة لسة شاري زيرو واستبترونك و1600 وبتقول عليها مش عارف اية طب علي فكرة بقا تقل الدركسيون في البور ميزة معناة ان العربية ثابته اية رأيك بقا انا ركبت بي ام 316 بتاعة صديق ليا سوقتها لقيت دركسيونها اتقل من الانسر ضعفها تقريبا قالي دا عشان الثبات صدقني لانسر عربية محترمة وبكرة لو العربية كملت معاك بأذن الله سنين وسنين هتعرف قيمتها سيبك من شوية التلميع بتاع الكوري ونعومته دا الهدوء الي بيسبق العاصفة شوف دول الخليج تلف تلف وترجع لليباني رغم ان الكوري اكتسح عندهم فترة كبيرة لاكن الاصلي اصلي وكله بيشكر في الياباني نصيحة اخ بلاش الافكار الي في بالك واوعا تكرة العربية انتة معاك جنية دهب وسيبك من الفالصو الي اسمة الكوري دا شوية وهيروح اتمني اكون وصلت كلامي ليك واتمني ان محدش يزعل مني من اصحاب العربيات الكوري بس والله مش انحياز لاكن دا رأي شخصي واسف اوي لو حد زعل مني او اضايق مني اعتبروني اخوكم واشكركم
Content Relevant URLs by
vBSEO 3.6.0 PL2