الموضوع: تقرير حصري بالصور عن الكيا كارينز2014

الانطباعات الاولي عن العربية .... فخمة فئة luxury من بعيد تجذبك جدا ليها
شكلها انسيابي جدا عامل ذى السهم وبسيط بمقدمة السيراتو او الريو الشكل الجديد للكيا اللى راكب علي كلة

شكل الجنوط اخيرا مختلف عن الشكل الكلاسيكي الحالي للكارينز (اللى انا كرهتة ) الكاوتش مقاس سيدان عادي

العربية من جوة بجد تتميز بجودة فائقة فى الخامات المستخدمه ودة يمكن من الاسباب الرئيسية لارتفاع السعر يعنى الباب للتابلوة للمسند كلة جلد فى قماش فى فينيل طرى نادرا ماتلاقي حتة بلاستيك اللى كانت بتميز الكورى زمان وكنا بنعيب علية

فرامل اليد بقت عادية مش رجل الفتيس 6سرعات الجديد الدركسيون سوبر مالتي فانكشن شوفوة فى الصور

حاجة حلوة فى الدركسيون انة تليسكوبك يعنى تقربة جدا منك ويكون فى فرق اقل من شبر بينك وبينة او ترجعة لورا براحتك (كنت بشتكي من المشكلة دى فى عربيتي الحالية)

الجديد ان القعدة بتاعت العربية دى ممكن تخليها ذى الحالية مرتفعة ولفوق وممكن تفضل ترجع الكرسي لتحت كائنك راكب سيدان عادى لدرجة ان الدركسيون يبقى اعلى من مستوي صدرك

برضوا لاحظت ان الكرسي ممكن ترجعة لورا لحد مارجلك تكون مفرودة تماما انا طولي (177سنتة) وبرضوا ورا يكون واسع وفى برااح جامد

لو انتقلت للكنبة الخلفية بقي حتلاقيها slide ذى الكرسي اللى قدام ترجعة لقدام ولورا (القعدة مش الضهر) والضهر قدام وورا بالضبط كائنك راكب فى كرسي امامى نفس الحركات لدرجة ممكن تنيم الكرسي للاخر ذى قدام

لاحظت ان دة مفيد جدا انة بيوسع للكرسيين اللى ورا مساحة او يضيقها

كمان فى مخدع ضخم فى النص بحامل كوبيات وفتحات تكييف خلفية للركاب اللى ورا.

الكرسيين اللى ورا (الصف التالت) ينفعوا لاطفال فقط. وممكن يتقفلوا وتبقي الشنطة فىىنفس حجم الحالية

العربية كلها ميزتها انها مش متشال منها حاجة يعنى من اول فئة المانيوال لحد الهاى لاين كل مواصفات اﻷمان اساسية.

الموتور 140حصان GDI بتاع السبورتاج ب ECO DRIVE

العيوب بقي من وجهة نظرى انا بس..... ان العربية ارتفاعها عن الارض 15 سنتى بس يعنى اقل تقريبا بنسبة 0.6 سنتى عن الحالية ودة انا مش فاهمة بالذات انك حاطط كرسيين ورا يعنى العربية حتشيل 7 مستريح فالمفروض تكون عالية بزيادة كمان.

مجملة العربية غالية بس لو فكرت شوية حتلاقي انها لا تقل شئ عن مثيلاتها او منافسيها الاوروبيين يعنى جودة الخامات واحدة سقف بانوراما مواصفات امان تقفيل اكثر من رائع وموتور محترم وضمان طب تقل اذاى مش عارف.

يعنى لو جبنا منافس اوروبي ليها حيتميز ب اية زيادة غير ال ESP اللي ممكن نشوفة فى الخليجي كمان.

اسيبكم مع الصور ولاحظوا المساحات والقعدة السيدان انا مصورها مخصوص ﻷن القاعدة المرتفعة كل راكبي الكارينز الحالية عارفها.























ودى صورة للحالية



اتمني قدرت اوصل لكم تقرير مختلف كائنك انت اللى قاعد جوة العربية مش تقرير مكرر


شكرا لكم

Sent from my GT-N7100 using Forum Runner