للأسف معرفتش اخد النمر بس علي كل حال العربيه دي أكيد مسروقة
عرض للطباعة
للأسف معرفتش اخد النمر بس علي كل حال العربيه دي أكيد مسروقة
اللهم ارزقنا الامن والامان
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
الحمد لله ربنا رحمني من الطريق الهباب دة
لاني سافرت الشرقية من خلاله مرتين وبس
هوة أقصر فى المسافة بالنسبة لي بس انا افضل امش دائري طريق بلبيس الصحراوي
هوة اطول من الزراعي حوالي 30 ك بس احسن ومريح اكتر من الزراعي
بصراحة ربنا يكون فى عون الناس اللى بتمشي عليه يومياً
والله فى مرة وانا ماشي بالليل على الطريق دة فوجت بتوكتوك ماشي عكسي فى نص الطريق
أة والله العظيم فى نصف الطريق
وفجأة لقيته قدامي ومكنش ينفع ارمي يمين او شمال
قولت توكلت على الله مستعد اشوطة بعربيتي بس ربنا ستر على أخر لحظة ويميني فضي رحت رامي يمين
ربنا يستر طريقنا جميعا
والله الواحد صعبان عليه حال البلد
الزراعي بعيدا عن البطلجه بقي زي الزفت
ناس زي البقر بتعدي من غير مابتص وبعد كده تموت يطلعو اهاليهم يقفلو الطريق تيجي الشرطه تعمل 20 مطب عشان تسكتهم
انا كنت بروح كفرالدوار من الأسكندريه مفيش مطب واحد ومفيش غير 2 او 3 يوتيرن عشان الحوادث
بعد الثوره بقي كل خطوه في يوتيرن وكل كيلو في حوالي 15 مطب والله مش مبالغه
الطريق بقي مستفز وكل بيت تقريبا عامل قدامه 10 مطبات مش عارف ليه
العربيه مش بتلحق تاخد الغيار الرابع الاقي مطبات
انا فكر مره انا اخدت الزراعي وكنت طالع من زاكر حسين عند جامع السلام الساعه 9:30 والساعه 12 الا بع كنت في كفر الدوار ومكنش في غير مطبين تلاته في قويسنا وبعد كده طيرات
الطريق دة ممتاز ممتاز ممتاز
حضرتك بس الى مش متعود عليه
انا بعتبرة رالى الفراعنه وبطير عليه 140-180----واعيش
والرجاله الى فى البيجو دول كانوا عاوزين سيجارة وحضرتك فهمت غلط
والمطبات دى اختبار للعفشه والفرامل والقدرة على المناورة
دة احلى حاجه فيه انك تقعد تخيط الميكروباسات الى ماشيه 140 والنص نقل وتحرق دمهم
ويا سلام لو لقيت جرار قاطع الطريق او جاموسه بتعدى
هنا بقه يبان السواق الصح ودى تحكمه فى العربيه
وهل هيستعمل فرامل ولا هيعتمد على المناورة
شوف الصح انك تنزل بالسرعه وفى اخر لحظه تعمل مناورة صغيرة وتفادى الجاموسه او الجرار انته ورزقك بقه
ولو كان توتتوك متعبروش اصلا لانه بيفادى نفسه تلقائى
ربنا يسترها علينا جميعا