الموضوع: جريت وول فلور اوتوماتيك

عايزة اشتري جريت وول فلور اوتوماتيك كسر زيروووووووو اية رأيكم فيها و يا تري ممكن الاقي طلبي عند حد ..؟؟

السلام عليكم

أنا أمتلك سيارة جريت وول فلوريد موديل 2010 مانيوال بقالها معايا سنتين ونصف تقريبا

من ناحية التحمل والإعتمادية والتسارع والثبات:
العربية دى ممتازة بجد لإنى بواقع شغلى بسافر كتير الغردقة أو شرم أو الإسكندرية وكمان انا سواقتى خشنة شوية والعربية الحمد لله تمام .

من ناحية الوكيل (عز العرب):
أسوأ أسوأ أسوأ توكيل ممكن تتعامل معاها - قطع الغيار غير متوفرة لديه تماما فيما عدا تيل فرامل او سيور فقط وكمان نوعيات سيئة جداً

من ناحية الوكيل الثانى (البافارية):
دول بقى كبيرهم يبصوا على العربية فقط ولو لا قدر الله فيها حاجة كبيرة يبعتك على طول على عز العرب (يعنى كإنك بتلف فى دائرة مغلقة)

قطع الغيار فى السوق:
تقريبا منعدمة بس فى نفس الوقت ممكن تلاقى حاجات كتير تتماشى مع التويوتا
يعنى مثلا أنا لسة مغير شوية حاجات بسيطة فيها مثل تيل فرامل امامى وفلتر هواء وبنزين وسير دينامو وسير باور كله تويوتا.
ولكن مثلا عندى مشكلة بقالى شهور أبحث عن قاعدة الموتور الخلفية وغير متوفرة ومش لاقى حاجة تمشى معاها خالص.

أرجو أن أكون افادتك