معرفة عيوب دايهاتسو شاريد

**tamernt** · 20-08-2008 09:29 PM

أرجوا معرفة عيوب السيارة دايهاتسو شاريد موديل 91/92/93
وهل هى ينفع فى السفر الكتير أم لا لإنها 1000سىسى وشكرا

**banboty** · 20-08-2008 10:42 PM

1000 سي سي و 3 سلندر و واطية حبتين و لكن عربية ممتازة .. ناعمة وصالونها ممتاز ,قعدت معايا اكتر من سنة و كانت بتسافر زي الفل
مشكلتها اذا كان فيها تكييف , بيأثر في ادائها بصورة كبيرة كأنك راكب موتوسيكل

لو تعرف تلاقى 1300 و 4 سلندر بحالة نظيفة , يبقى احسن بمراحل

**pp900** · 17-09-2008 01:17 AM

بتوفر فى البنزين بشكل رهييييييب وطبعا عيبها انها 1000 سى سى واكيد ماتور من سنه 91 حيكون اتهلك

انا معايا شاريد 85 داخل البلد ممتازة وتلف بيها كل مكان ومش بتسحب بنزين وقطع غيارها رخيصه وموجوده وطبعا يابااااااااانى وده الاهم ;)

انما سفر معتقدتش انها تكون كويسه فى السفر الدائم ممكن سفر المناسبات بس لكن سفر كل اسبوع اعتقد ده صعب جدا علي ماتور قديم من 85 او من سنه 91

**cybrarian** · 15-10-2008 02:45 PM

طبعا انا دخلت الموضوع متأخر شوية، لكن اسمحوا لي اني اقول رأيي عن تجربة الشاريد.

انا عندي شاريد 91 والعربية بصراحة ممتازة جدا جدا من حيث الميكانيكا، اعطالها بسيطة وعادية، وافتكر اني مصلحتش اي حاجة في الميكانيكا غير الحاجات الدورية زي طقم الكهربا، لكن غير كدة مفيش ميكانيكي لمسها.

وأوجز مميزاتها في الاتي:
- برغم انها 1000 سي سي الا انها صاروخ على الطريق.
- التكييف ممتاز كأي تكييف ياباني.
- موفرة جدا للبنزين.
- صالون واسع جدا، اوسع من الشاريد الجديد.
- العربية مش بتسخن نهائي.
- الموتور صوته واطي زي العربيات الجديدة.
- ناعمة جدا في السواقة.

وطبعا لكل شيئ عيوبه، ومن عيوب الشاريد العفشة، طبعا العربية واطية فده بيعرض العفشة للتلف سريعا، وطبعا مع شوارعنا الجملية والمطبات الحلوة ، انسى العفشة.

بشكل عام العربية رائعة، وانا قبل ما اشتريها كنت مخطط استخدمها سنة بالكتير وبعدين اغيرها لاني دي اول عربية ليا، لكن بصراحة بعد ما لقيت الشاريد ومشيت بيها كام شهر قررت اني اغيرها بعد 3 سنوات ع الاقل.

**أبو عبدالله** · 15-10-2008 03:14 PM

المشاركة الأصلية كتبت بواسطة cybrarian

طبعا انا دخلت الموضوع متأخر شوية، لكن اسمحوا لي اني اقول رأيي عن تجربة الشاريد.

انا عندي شاريد 91 والعربية بصراحة ممتازة جدا جدا من حيث الميكانيكا، اعطالها بسيطة وعادية، وافتكر اني مصلحتش اي حاجة في الميكانيكا غير الحاجات الدورية زي طقم الكهربا، لكن غير كدة مفيش ميكانيكي لمسها.

وأوجز مميزاتها في الاتي:
- برغم انها 1000 سي سي الا انها صاروخ على الطريق.
- التكييف ممتاز كأي تكييف ياباني.
- موفرة جدا للبنزين.
- صالون واسع جدا، اوسع من الشاريد الجديد.
- العربية مش بتسخن نهائي.
- الموتور صوته واطي زي العربيات الجديدة.
- ناعمة جدا في السواقة.

وطبعا لكل شيئ عيوبه، ومن عيوب الشاريد العفشة، طبعا العربية واطية فده بيعرض العفشة للتلف سريعا، وطبعا مع شوارعنا الجملية والمطبات الحلوة ، انسى العفشة.

بشكل عام العربية رائعة، وانا قبل ما اشتريها كنت مخطط استخدمها سنة بالكتير وبعدين اغيرها لاني دي اول عربية ليا، لكن بصراحة بعد ما لقيت الشاريد ومشيت بيها كام شهر قررت اني اغيرها بعد 3 سنوات ع الاقل.

ممكن تشاركنا هنا ان شاء الله
وشكرا على التقييم

**CryptonX** · 15-10-2008 04:26 PM

المشاركة الأصلية كتبت بواسطة cybrarian

- صالون واسع جدا، اوسع من الشاريد الجديد.
-

فعلا انا كنت مستغرب دي جدا .. الشاريد القيدمة واسعة جدا و عريضة جدا ..

الا انا عرفت ان الشاريد الي كانت موجودة اليومين دول مش شاريد و لا حاجة .. دي سيارة اصغر من الشاريد و لكنها تسوق في بعض البلاد هلي انها الشاريد الجديدة .

**mohamed_rhem** · 19-10-2008 05:43 PM

وانا كمان معايا شاريد 90
بقالها حوالي سنه ونص
والحمد لله زي الفل
بسافر بيها كتير وبروح بيها اي حته شرم مثلا او الصعيد
وللعلم الطريق الطوالي مبيبهدلش العربيه ومش حمل نهائي
العربيه ناعمه جدا وواسعه وبجري بيها قصاد اي حد رغم ان اقصي سرعه 160
والتكيف ثلاجه صحبح بياثر علي العربيه في السرعات القليله انما مش متوسكيل
انا فكرت كتير اشتري زيرو لانسر مثلا او سيريون بس بصراحه
انا شايف ان running costحتزيد قوي
بصراحه عربيه قطع غيارها مقارنه بالجديد ببلاش
ابو اياد

**rayespioneer** · 21-02-2009 02:48 PM

العربية الشاريد عربية محترمة جدا جدا وحمالة قاسية بشكل هايل وسعرها رخيص جدا بالنسبة لعربية يابانى 100% بالامكانيات اللى فيها وعيوبها قليلة جداً وتنحسر فى إن ما حدش يعرفها فهى فى إعادة البيع مظلومة جداً وثانيا الشاسية الضعيف ودى صفة غالبة فى عربيات كثير أما بالنسبة للعفشة فهى قوية جدأ بس تركب لها الأصلى وليس اليابانى فقط تريحك جدا وبالنسبة لأنها عربية قريبة من الأرض فأنا عربيتى معليها من ورا ومن قدام ومعظم العربيات الجديدة بتعدى جنبى بتحك فى المطبات وأنا بعدى المطب ذى الفل بس تعلية العربية بيأثر شوية على عمرالمساعدين بس مش قوى وسعر تغييرالمساعدين استيراد معقول أهم حاجة يكونوا كويسين وبالنسبة إلى المقولة التى تقول إن تعلية العربية بتخليها تعوم تقدر تظبط الموضوع ده وتجنطها بجنوط أسبور تبقى ذى الفل وبالنسبة للسرعة فهى صاااااروخ مع إنها 1000 سى سى بس أنا معرفش لو فيها موتور 1600 سى سى كانت تعمل إية كنت باجيب بيها 140 بسهولة أول ماجبتها بس بعد 6 سنين ما بقتش أعرف أعمل الموضوع ده لأن الموتور خف وما كنتش أقدر أزود عن كده لأن العربية كنت خايف تتطير بية من الأرض، وبالنسبة للسخونية فهى ما بتسخنش مطلقاً وبالنسبة للاعطال مافيش أعطال سوى تغيير الزيت والسيور وأطقم الكهرباء والسبب الوحيد اللى فكرت أغيرها علشانة هو إنها بقت صغيرة فى ظل وجود أسرة يعنى بنتزنق فيها ولما جيت أبيعها اليومين دول ماحدش عايز يأخدها والله ناس هابلة خليهم يشبعوا من الفيورا والـ 128 مع احترامى للجميع.