سواق الفيرنا احسن سواق ( موضوع للنقاش ) الجاد

**verna2008auto** · 19-05-2013 11:19 AM

السلام عليكم ورحمه الله وبركاته
بعد كل خير وتحية وسلام عليكم جميعا

بعد سماعي خبر (( وفاه )) خط الانتاج للمحبوبة فيرنا
وذلك لان المدعو غبور ها يوقف ( تجميعها )
فا حبيت اتكلم عن محاسن (( الفيرنا )) وسواق الفيرنا
وكمان (( ان الفيرنا حماله اسيا )) ندخل في الجد

بالنسبة ليها .. فعلا اتشربت واتعرفت من كل الصنايعية .. وما فيش حد (( يستجري ويقول ما بيشتغلش فيها ))

بالنسبة لقطع غيارها (( مرطرطة ) علي القلب واعتقد ان بعض قطع غيار للكيا تشتغل عليها كمان
بس لازم برده نستنضف المكان اللي بنجيب منه قطع الغيار عشان المضروب كتير وربنا يستر علينا

بالنسبة لاتعاب اللي ها يشتغل فيها ان كان ميكانيكي او عفشجي .. حنينه بالمقارنه لاي عربية تانيه

بالنسبة لتحديد اعطالها ..(( بقت سهله )) ومافيش فيها معضلات كبيرة

وندخل في الجد ..
بالنسبة لسواقها .. سواق جامد مالي هدومه وعربيته .. وما حدش يقدر يقربله علي الطريق

بس لسة الناس مش بتخاف من عربيته

ومنه الخلاصة سواق الفيرنا يقدر يعمل التالي

1- يفادي اطفال بيلعبو بالطوب وبكاوتش عربية فاضي ( ربنا يستر )

2- يفادي بلاعات (( خارجه عن المستوي الطبيعي للطريق )) و ( غطسانه جامد عن الطريق )

3-يفادي ( دقشوم ودبش وظلط ) طريق لسة بيعملوه بقاله حوالي 3 او اربع سنين ما خلصش

4-يفادي مطبات معموله اصلا عشان (( تدشمل العربيات ))
عمركو شوفتو في اي حته مطب ممكن العربيات تقف عليه كله وهوا لسة ما خلصش

اذا السواق المصري عموما سواق جامد بس سواق الفيرنا مخصوص اجمد منه ..(( انا متحيز طبعا للفيرنا ))حد لية شوق في حاجه

اسيبكم علي خير
( فيرناوي مش قديم اوي )

**khaabas** · 19-05-2013 11:43 AM

موضوع مهم جدا يا مومبيك ( واسمحلى اقتبس منك كلمة مومبيك )
سواق الفيرنا سواق محترف بطبيعته ومحترف بالفطرة من الأخر عفريت الاسفلت
اما سواق الاوروبى دايما معطل الطريق ورامى نفسه فى وسط الطريق ويمشى بالعربية محسسك انه ماشى على قشر بيض وسبب ...... ولا بلاش لحسن اتوقف ههههههههع

**verna2008auto** · 19-05-2013 11:51 AM

المشاركة الأصلية كتبت بواسطة khaabas

موضوع مهم جدا يا مومبيك ( واسمحلى اقتبس منك كلمة مومبيك )
سواق الفيرنا سواق محترف بطبيعته ومحترف بالفطرة من الأخر عفريت الاسفلت
اما سواق الاوروبى دايما معطل الطريق ورامى نفسه فى وسط الطريق ويمشى بالعربية محسسك انه ماشى على قشر بيض وسبب ...... ولا بلاش لحسن اتوقف ههههههههع

الكبير كبير ..والنص نص نص نص يا مونشير

اعتقد ان سواق الاوربي بيكون خايف من نقطه (( مين ها يفهم في عربيته غير التوكيل )) ومصاريفها كمان اكيد ها تكون مولعة نار
عشان كده بيقي (( فعلا فارش الارض قشر بيض وماشي عليه ))

ودي ميزه مش موجوده في عربيه اخري غير الفيرنا ( واللانوس ) معلش لازم برده الواحد يقول اللي لية واللي علية

مش كده واله ايه

**khaabas** · 19-05-2013 11:53 AM

طبعا يا كبير
انا كنت فرناوى وافخر بكده والله
من الاخر الفيرناوى حامى الديار ومجير الصبايا الاحرار واللى ما تنطفى له نار :)

**AhMeD MeTwAlY** · 19-05-2013 12:26 PM

هههههههههههههههههههه
ايه الكلام الي انا شايفه دا الي انا سامعه ده
يفادي ايه ويعمل ايه الله يباركلك في صحتك في عربيتك
دا الفيرنا مرجيحه بعد 120 ههههههههههههههههههه
وتقف علي المطبات دا بطلت الزحف في مصر
حضرتك بتتكلم عن الاوربي كدا ازاي مش هقولك حاجه لان بجد مفيش مجال للمقارنه نهائي مبتشوفش المرسيدس بتجري ازاي علي الطرق السريعه والبي ام والجولف يا راجل تقولي فيرنا
قوله حاجه يا حسين

**mhf_77** · 19-05-2013 12:37 PM

مع احترامى لكل ملاك الفيرنا اللى ردو واللى لسه هيردو
محدش بيخلينى اشتم بالاب والام وانا سايق الا سواقة الحريم وسواقين الميكروباصات و( سواقين الفيرنا) ههههههههههههههه (حد ليه شوق فى حاجه ) هه
صباح الفل يابرنسات والله الفيرنا هتوحشنا كانت عامله جو برضه وكانت بترقى نفسها وتبقى نمره واحد بالنسبه للعربيات الاقتصاديه الشعبيه الاعتماديه واللى هتسيب فراغ كبير جدا وغبور متخيل ان العبيطه بتاعة الصين هتملا مكانها ( عند امه ياادهم) شهادة حق للفيرنا مع واحد صاحبى وعارف انه (عربجى سواقه) كل وظيفته فى الحياه انه يدمر ويخرب العربيه اللى راكبها معاه فيرنا من الزيرو وقرب على ربع مليون كيلو وبسم الله ما شاء الله سحب وصوت الموتور بحالته وكان جايبها ب 65 الف وقولتله مره ان الموتور ب60 وباقى العربيه ب5 هههههه وربنا يباركلكم فيها بس بلاش الجرى عشان انا بلاحظ ان ملاك الفيرنا او معظمهم بيصدقو كلام العربيه لما تقولهم وتوسوس ليهم (اجرى)؟؟ فيسمعو كلامها ويجروها بمنتهى السهوله - لأن موتورها اقوى من وزنها ودى المصيبه بس ثباتها وفراملها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
ياجماعه ربنا يحميكو بس العربيه اللى تثق فيها مش هى العربيه اللى تجرى معاك وقت ماتحب - لأ - هى اللى تقف معاك وقت ماتحب
هل الفيرنا بتقف معاك وقت ما بتحب؟؟؟؟؟
ربنا يديكو خيرها ويبعد عنكو شرها

**verna2008auto** · 19-05-2013 01:03 PM

المشاركة الأصلية كتبت بواسطة khaabas

طبعا يا كبير
انا كنت فرناوى وافخر بكده والله
من الاخر الفيرناوى حامى الديار ومجير الصبايا الاحرار واللى ما تنطفى له نار :)

اي ناعم (( مومبيك )) (( مونشير )) فيرناوي قديم
دعني احييك ( قبل وبعد الاكل 3 مرات يوميا )

**verna2008auto** · 19-05-2013 01:10 PM

المشاركة الأصلية كتبت بواسطة AhMeD MeTwAlY

هههههههههههههههههههه
ايه الكلام الي انا شايفه دا الي انا سامعه ده
يفادي ايه ويعمل ايه الله يباركلك في صحتك في عربيتك
دا الفيرنا مرجيحه بعد 120 ههههههههههههههههههه
وتقف علي المطبات دا بطلت الزحف في مصر
حضرتك بتتكلم عن الاوربي كدا ازاي مش هقولك حاجه لان بجد مفيش مجال للمقارنه نهائي مبتشوفش المرسيدس بتجري ازاي علي الطرق السريعه والبي ام والجولف يا راجل تقولي فيرنا
قوله حاجه يا حسين

زميلي العزيز الله يكرمك .. احنا بنتكلم عن محاسنها .......
وعارفين ان (( موتورها جامد شديد قناوي

)) علي البودي بتاعها فا بتلعب با تيناج علي الفرامل الجامده

بس طبعا سواق الفيرنا (( عنده سنس ))

الفرامل وناصح بيفرمل ( قبل الهنا بسنه )

وعمرة ما بيلزق في اللي قدامه ابدا

يعني (( اشجب واحتج بشدة ))

الفيرنا علي قد فلوسها يا مومبيك ( حسين )
وسوقها زينه الرجال ومحترف الغرز والمطبات

**verna2008auto** · 19-05-2013 01:16 PM

المشاركة الأصلية كتبت بواسطة mhf_77

مع احترامى لكل ملاك الفيرنا اللى ردو واللى لسه هيردو
محدش بيخلينى اشتم بالاب والام وانا سايق الا سواقة الحريم وسواقين الميكروباصات و( سواقين الفيرنا) ههههههههههههههه (حد ليه شوق فى حاجه ) هه

(( اشجب واحتج بشده )) دي من قوه وبراعة سواق الفيرنا يا مومبيك .. بيستفز العربيات (( حتي الفيرنا للي زيه)

صباح الفل يابرنسات والله الفيرنا هتوحشنا كانت عامله جو برضه وكانت بترقى نفسها وتبقى نمره واحد بالنسبه للعربيات الاقتصاديه الشعبيه الاعتماديه واللى هتسيب فراغ كبير جدا وغبور متخيل ان العبيطه بتاعة الصين هتملا مكانها ( عند امه ياادهم)
فعلا دعني احييك بشده (( عند مامتوه يا ادهم )) الفيرنا مالهاش مثيل

شهادة حق للفيرنا مع واحد صاحبى وعارف انه (عربجى سواقه) كل وظيفته فى الحياه انه يدمر ويخرب العربيه اللى راكبها معاه فيرنا من الزيرو وقرب على ربع مليون كيلو وبسم الله ما شاء الله سحب وصوت الموتور بحالته وكان جايبها ب 65 الف وقولتله مره ان الموتور ب60 وباقى العربيه ب5 هههههه وربنا يباركلكم فيها بس بلاش الجرى عشان انا بلاحظ ان ملاك الفيرنا او معظمهم بيصدقو كلام العربيه لما تقولهم وتوسوس ليهم (اجرى)؟؟ فيسمعو كلامها ويجروها بمنتهى السهوله - لأن موتورها اقوى من وزنها ودى المصيبه بس ثباتها وفراملها

عندك حق .. شكلك سواق مومبيك يا مونشير ...
كلنا عندنا هنا ( سنس الفرامل ) :b4_095:
بس دايما الفيرنا بتعلمنا كل يوم (( سنس )) جديد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
ياجماعه ربنا يحميكو بس العربيه اللى تثق فيها مش هى العربيه اللى تجرى معاك وقت ماتحب - لأ - هى اللى تقف معاك وقت ماتحب
هل الفيرنا بتقف معاك وقت ما بتحب؟؟؟؟؟
ربنا يديكو خيرها ويبعد عنكو شرها

امين يا رب العالمين ..
بإسم الفيرناويا (( القدامى )) دعني احييك بشده وبعنف حتي تستغيث

**EslaM_NagY** · 19-05-2013 01:56 PM

هههههههههههههه

انا عامل فيها متواضع ومبرودش بس كدة حتخلينى اتنطط شوية

اينعم الفيرنا هى مفيهاش فرامل

بس شوف مين يستجرى يعدى من جنبك ويستفزك

كان لازمتها ايه جرعة الشر دى بس منا كنت كافى خيرى شرى

الموضوع: سواق الفيرنا احسن سواق ( موضوع للنقاش ) الجاد

LinkBack

أدوات الموضوع

عرض

سواق الفيرنا احسن سواق ( موضوع للنقاش ) الجاد - انشر الموضوع فى :

-

-

-

-

-

المواضيع المتشابهه

موضوع للنقاش الجاد

عيب سواق ولا عيب عربية؟

سواق ميكروباص

سواق درجة أولى بجد

تعمل إيه مع سواق نقل غلس؟؟

الكلمات الدلالية لهذا الموضوع

المفضلات

المفضلات

ضوابط المشاركة