السلام عليكم
ان شاء الله كمان كام يوم عيد جوازي الثالثث و عاوز افكار لهدايا ومفاجأة اعملها للمدام فياريت اي مساعدة من سيدات المنتدى ( ربنا ما يرميكم في ديقة :inlove: )
عرض للطباعة
السلام عليكم
ان شاء الله كمان كام يوم عيد جوازي الثالثث و عاوز افكار لهدايا ومفاجأة اعملها للمدام فياريت اي مساعدة من سيدات المنتدى ( ربنا ما يرميكم في ديقة :inlove: )
ضره من سوريا
مفبش غير الدهب
بوكيه ورد
شوف ناقصها اية وهاتهولها + بوكية ورد , بعد كدة تنزل بليل تعزمها فى مكان كويس ويفضل يكون على النيل
وكل سنة وانت طيب ياباشا وعقبال عيد الزواج المائة
انا فى راى بوكيه الورد دا اساسى.....وعلى حسب بقى ممكن برفان اصلى , ساعه شيك ...اللى شايفه مناسب ليها او هى محتجاة.
وبردوا على حسب الامكانيات ممكن تخرج تتعشوا بره فى حتة شيك او انك تجيب تورتايه حلوه كدا فى البيت ويسلام لو عليها صورة من فرحكوا .
وعقبال كل سنه ان شاء الله.
طب انت جبت ايه السنتين اللى فاتوا؟
خروجة + بوكيه ورد
احسن حل.... حقها ناشف.... انت خلاص عديت مرحلة الرومانسية و داخل فى خانة المخضرمين خلاص
كل سنة وانتم على خير وسعادة
والهدية حسب نوعية مراتك وحسب الميزانية
يعني فيه زوجة رومانسية ، وفيه زوجة عملية ، وفي زوجة إجتماعية ، وفيه زوجة ست بيت ، وفيه زوجة عاملة ، وفي زوجة مادية
انت حدد نوعية زوجتك واختار لها الهدية المناسبة على آد إمكانياتك ، وأهم من الهدية طريقة التقديم ولفة الهدية
ودي شوية هدايا اختار منها اللي يناسبها ويناسبك:
Cd *أغاني رومانسية ، ودي هدية مش مكلفة .
*هدية فضة : ودي برضوا هدية قيمة ومش مكلفة ، ولو معاك فلوس أعلى شوية يبقى هدية ذهب ( خاتم / حلق / ... ) :36_9_4:
*اكسسوارات ، وفيه محلات كتير دلوقتي وفي كل المولات .
*محفظة جلد طبيعي أنيقة وشبابية
*طرحة لو محجبة أو اسكارف أو كوفية لو مش محجبة
*طاقم فُرش للشعر و طاقم فُرش للماكياج وبعض أدوات الماكياج:makeup:
*بيبي ليس للشعر
*إزازة بيرفيوم من اللي بتحبه
*شوية شمع رومانسي مطبوع عليه بعض كلمات الحب والغزل مع بعض الشيكولاتة قلوب :beat5:
*علبة مجوهرات أنيقة لتحفظ فيه اكسسواراتها والحاجات اللي بتهمها
*سهرة في مكان رومانسي أو حضور حفلة أو نزهه بالمركب في النيل ، ولو عندكم أطفال يا ريت تسيبه يومها مع والدتك أو والدتها :babyroll:.
وأوعى تسمع كلام أ / JapRuleZ ، وأيه كم الأعضاء اللي عاملين له لايك دول :mahf(5):، أنتوا كابسين على أنفسنا حتى في عروض هدايكم :N_no[1]:
كل سنة وانتم طيبين