الموضوع: الجمال ولا النسب والعائله ..... ساعدونى !!!!

افتكرت كلمه لعماد حمدى كان بيقولها لفيلم كانت تقريبا لبعد الحليم حافظ

كان بيقوله وهوا تقريبا بيزعقله

ياااا ابنى انا لما كنت فى سنك عرفت بنات ومشيت مع بنات كتيييييييييييير

لكن لما جيت اتجوزت

اتجوزت امك

هوا ممكن الاتنين ينفعوا بصراحه بس واحده للمصاحبه والتانيه للجواز

اختار انت بقى

المشاركة الأصلية كتبت بواسطة shady_hamdy

للاسف هى دة المعادلة الصعبة البنت الجميلةو خصوصا لو مستوها الاجتماعى كمان عالى هدوخك و هتتعب علشان تعرف تسيطر عليها لانها عارفة انها جميلة و البنت العادية هتريحك جداا لانها عارفة انها عادية

كلام مقنع وده فعلا اللى كنت حاسس يسه مع الأول

المشاركة الأصلية كتبت بواسطة no comment

انا مبحبش اتدخل ابداً برأى فى المواضيع اللى زى دى لما بقرأها
رغم ان الواحد بيستفذ بطريقة فظيعة

لكن لو بتتكلم جد ... يبقى انت محتاج تتعالج مش محتاج رأى من حد

فيين المقارنة ... هاتولى مقارنـــــــــــــة
هيسب الناس بقى تكمل
ولا اقولك علشان ما ابقاش دخلت وخرجت بدون تعليق مفيد بالنسبالك


يذهب الجمال الشكلى بعد الزواج ... ويتبقى الدين والطباع والاصول والتربية

ربنا يوفقك لما فيه خير وصلاح لك ... على حسب نيتك

رغم ان كلامك جامد شويه
بس كفايه اخر سطرين دوول فيهم كل حاجه

المشاركة الأصلية كتبت بواسطة amdd

ياراجل ايه بس اللى مش عارف
الموضوع يا اخويا واضح زى الشمس وخد بالك كويس والله ما بالجمال ابدا لانك بكره هتتعود عليه ومش هتلاحظه ابدا
اولا : ابعد عن الاولى نهائيا ومتعرفهاش انك هتخطب واحده تانيه واقطع اى علاقه بيها
ثانيا: مادام الاهل موافقين على الثانية وكمان اهلها وعندك القبول لها مستنى ايه ..وزى مابيقولوا دا نسب يشرف
ثالثا: متفكرش كتير فى اتجاهين فى وقت واحد ..اتجاه فيهم خاين وصدقنى هيخونك بعد كده واتجاه فيهم من كلامك مفهوش مشاكل
رابعا: من اخ كبير بكرر تانى ومليون واسمع كلامى مش بالجمال صدقنى بعد الزواج مبتقولش انا اتزوجت اجمل واحده لكن بتقول انا ربنا رزقنى انسانة محترمة ومتدينة وخلوقه واهلها بيحبونى واهلى كمان بيحبوها وكفايه انها مستحملانى
خلص الكلام بس خليك على تواصل معنا فى موضوعك وقلنا بتفكر للخطوه الجايه ازاى
اه نسيت امسح الاولى من هارد ديسك دماغك واعملها شيفت ديليت

اللى يبيع مره يبيع مليوووووون ده اللى انا حاطه قدامى الفتره دى

المشاركة الأصلية كتبت بواسطة أبو صلاح

ياباشا لو على الجمال مراكز التجميل مخلتش حاجة ومش حرام ده هتبقى مراتك

ابحث عن الاخلاق والاهل اولا

اكيد ..... بس اقولها لازم تعملى عمليه تجميل ؟؟!

المشاركة الأصلية كتبت بواسطة ahmedalaahosny

من رايي المتواضع الاخلاق اولا طالما البنت دي مابتسيبش صلاة تبقي تمسح مية واحدة زي خطيبتك الاولانية وكمان التربية والذوق حاجات لايمكن تشتريها

من ناحيه التربيه والأخلاق والعيله لا توجد مقارنه من الأساس

أستاذى الفاضل ... أعتقد إن المقارنه محسومه لصالح الثانيه و الإخوه فى المنتدى ماشاء الله قالوا لك كل المفيد مش هأقدر أضيف على كلامهم أى حاجه... وكما قال الرسول عليه الصلاة و السلام:" تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك."

- الجمال ده شىء نسبى للغايه بمعنى اللى أنا شايفه جميل ممكن بالنسبه لغيرى قبيح و لأخر عادى هى مسألة أذواق مش أكثر... اما الجمال الداخلى أو جمال الروح و جمال العشره فلا يختلف عليه إثنان

- سؤال بس هل تعتقد إن فى إنسانه تكون مخطوبه لشخص و بعد ما يفركشوا الخطوبه ممكن إنها تتخطب لشخص أخر فى مدة أسبوع من غير ماتكون عارفاه من قبل كده و تكون عقدت مقارنات بينهم و بناءا على كده أخذت قرارها إنها تسيب الأول و تتخطب للثانى؟؟؟!!!!!(أعذرنى)

المشاركة الأصلية كتبت بواسطة hossam_elwani

عايز رأيى انجز وتوكل على الله المعانى الحقيقيه فى صحة النسب والخلق وياسيدى بكره الجمال فيها كأنثى حيظهر فى بيتك وتتغير نظرتك ليها

ربنا يقدم اللى فيه الخير

المشاركة الأصلية كتبت بواسطة horas3000

خلينا كده ناخد الموضوع من ناحيه تانيه

المقارنه بين واحده اقل منك في المستوي الاجتماعي و المادي لا و ايه لعبيه و اخلاقها عليها علامات استفهام
بواحده بنت عيله و حسب و نسب زي ما بيقولوا و فوق كده احترام و اخلاق و دين و الاهم من كل ده تفكير متوافق معاك

فكر كده في وجهة النظر دي و قول انت هتختار مين تبقي شريكه حياتك و ام عيالك

المقارنه لاتوجد من الأساس الا من ناحيه الجمال اكتر من كده يبقى حرااااااااااااااااااااام عليا

المشاركة الأصلية كتبت بواسطة مزمار وحيد

أخي الحبيب
بما إنك صليت بطلب إستخارة الله فعليك الان ان تجعل الامور تسيير بشكل طبيعي وتعلم جيداً بداخلك أنك طلبت راي الله وعونه وتوفيقه فاي شىء سيحدث فى الموضوع سيكون هو الخير الذي أراده الله عز وجل لك وكمان حاول تكرر الاستخاره كل فتره إذا استطعت ، وبعد هذا التصرف المثالي عايز أبلغك رأي رجاله كتير وكمان شيوخ افاضل أصحاب علم وفقه أن الجميع متفق أن جميع النساء فى مسأئله الجمال الظاهر ليس بينهم اختلاف أبدا بعد الزواج ولكن عليك أن تنظر بعين المستقبل إن شاء الله هل ستكون شخصية الزوجة المنتظره وكذلك شخصيتك أنت مكملين لبعض وممكن تكون تفاصيل الحياة بينهم إزاى ويا ترى لما يكون في اولاد حنقدر مع بعض نربيهم بشكل يرضى الله وينفع المجتمع وبالتاكيد هناك أفكار واشكال كتير ممكن تتخيلها لشكل الحياة والمسئوليه حيكون إزاى

والله المستعان فلا حول ولا قوة إلا بالله العَلي العظيم

ونعم بالله

المشاركة الأصلية كتبت بواسطة amr011111

هي الاولانيه ديه مش هتريحك طول عمرك
حاول تكرهها علشان متفكرش فيها وتوقف حياتك عليها
ماديه وكفايه انها اتخطبت بعدها بشهر
ولو اتجوزتها لو جبتلها نجمه من السما مش هترضى
والله اعلم

حقيقه واكتشفتها فأكتر من موقف

المشاركة الأصلية كتبت بواسطة mahmoud_afifi

انا في نفس سنك بالظبط وهقولك رأيي.
الجمال اه مطلوب بس ممكن تتنازل عنه في حالة توافر شروط اخرى (الدين-الاخلاق-الاهل). لو الجمال موجود كمان يبقى bonus :))
اما بالنسبه للبنت الأولى بلاش منها خالص لأن الجمال هيزول ويتبقى قدامك قرد لا مؤاخذه :) وكمان قرد شمال لا مؤاخذه برضه :))

ههههههههههه
زى اخويا الصغير يقولى لولا الحظ مال مكناش قابلنا الشمال ( بيرمى عليا )

المشاركة الأصلية كتبت بواسطة khaled online

باشا... أنا قريت فعلا كل كلامك وطلعت منه بالآتي:
خطيبتك السابقة انت حبيتها لسبب واحد بس جملها. غير كده مفيش. والأنقح إنك مش مآمنلها بدليل إحساسك بالذنب (ودي حاجة تحسبلك) إن انتم بتتكلمو بعد ما هي اتخطبت
البنت اللي والدتك اقترحتها عليك فيها كل حاجة الشاب يحلم بيها (حتى موافقة وترحيب أهله بيها موجودين) بس انت مش متقبل شكلها بتاتا
والتصرف إيه طيب؟
أولا انسى خالص الأولى. باختصار كده مش هتنفعك (ولو إنك ماقلتش إيه سبب الفشكلة وغريبة إنها فشكلت معاك السبت واتخطبت السبت اللي بعده يبس مش موضوعنا)
ثانيا البنت التانية، لو انت هتقدر تحبها (مش بس تتقبلها) لأ تحبها زي ما هي كده بشكلها العادي جدا ... وكمان تحبها لشخصها (والقبول الحمدلله موجود ودماغها وتربيتها داخلين دماغك) يبقى اتوكل على الله واقرأ الفاتحة معاهم وفرح نفسك وأهلك وأهلها
لكن أنا حاسس إن المشكلة إنك خايف تتقدم للجديدة وانت مش قادر تنسى القديمة، ودي حلها إنك تعرف إن حرام تظلم بنات الناس وتتقدم وانت لسه قلبك متعلق بحد تاني وإن الحد التاني ده باب مقفول حرام على رجولتك زي مانت نفسك قلت إنك تفتحه تاني
وبيس يا مان

والله ابدا
ولو على سبب الفركشه هقولك زى ماقالت بالنص : انا مش حاسه نفسى معاك
بالكلمه وبالنص كده

المشاركة الأصلية كتبت بواسطة maka

اقراء موضوع معايير اختيار زوجة للمهندس احمد فودة ahmed1981

تم

المشاركة الأصلية كتبت بواسطة abo malek

أظفر بذات الدين!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
القرار ده بتاعك أنت لوحدك.أبقى طمنا عليك ومتنساش تعزمنا كلناااااااااا.

بس كده تنورونى كلكو اكييييد

المشاركة الأصلية كتبت بواسطة buddha

الاخوة الاعضاء الافاضل ..... قالوا كل حاجة

من الاخر خليك فى ال اخترهالك اهلك هتريحك
وبالنسبة للجمال فعلا مطلوب والحمد لله فى مراكز تجميل زى ما الناس قالت وديها فى مركز تجميل محترم وهتبقى ملكة جمال

بالنسبة للاولى (فى وجهة نظر انا مقتنع بيها تماما كل ما الشخص يبقى جميل جدا لازم بتطلع فية عيوب ملهاش حدود وغير مقبولة نهائى)
وفى حاجات تانية بس لا يصح انى اقولها .... افهمها انتى بقى

فهمت ..... وصل المعنى كاااامل

المشاركة الأصلية كتبت بواسطة المنسي

حط الاتنين فى كفتين وقارن بينهم فى كل حاجة المستوى الاجتماعى - التدين - الاخلاق - وحاجات من دى بس ابعد عن الجمال لان الجمال متفاوت ومش كل واحدة حلوة تبقى كويسة ومش كل واحدة وحشة تبقى مش كويسة

والله مفيش مقارنه خااااااااااااااااااالص غير من ناحيه الجمال بس اكتر من كده يبقى بظلم التانيه وبظلم نفسى