ركبت جهاز تتبع للالنترا

**محمد التنجى222** · 19-05-2013 01:48 PM

بعد ماشوفت اخر فيديوا لسرقه الالنترا ع النت خلالل دقيقتين قررت انى اركبه وبالفعل تم التركيب بس السؤال هل كدا انا طلعت من ضمان الكهرباء والسؤال التانى الجهاز ده بيفصل طرمبه النزين هل ده يؤثر على حاجه مع
العللم انى وانا بجربه والعربيه دايره العربيه بتترج وبعد كده بتفصل فهل ده ممكن يؤثر على الماتور او طرمبه النزين

**khaabas** · 19-05-2013 01:52 PM

اسم الجهاز أيه

**AFT** · 19-05-2013 01:54 PM

لاقدر الله لو حصل حاجه في الكهرباء ,,,تصليحها هيبقى بره الضمان,,,,و
وسؤالي انت ليه مركبيت جهاز الفصل في التوكيل ؟؟؟

هو برضه بيفصل الطرمبه عن طريق الريموت.

**ABO MALEK** · 19-05-2013 02:16 PM

مبروك على العربية ويا ليت تفاصيل اكتر عن الجهاز-سعر-اداؤه-كيفية العمل-فعاليته من عدمها؟

**aymanshebl** · 19-05-2013 02:24 PM

لو التركيب نضيف و بطريقة محترفة مافيش مشكلة من الكهربا و فصل الطرمبة ما لوش ضرر كأن البنزين خلص بس كده و العربية بتترجرج او بتنتش علشان البنزين بيخلص من المواسير بعد طرمبة البنزين اللى الجهاز بيمنع وصول الكهربا ليها علشان ما تشتغل فمابيحصلش للطرمبة حاجة خالص و يا ريت مواصفات الجهاز و امكانياته و سعره و اسمه لو تكرمت

**M I D O** · 19-05-2013 07:10 PM

الف مبروك بس للاسف كدة خرجت ضمان كهرباء وكان الافضل تركبة في التوكيل

**khaledccie** · 19-05-2013 09:01 PM

مبروك على الجهاز وانا مركبة في عربيتى الالنترا الجديدة
وهو افضل وسيلة للحماية بنظرى حتى الان من السرقه لانة يعطيك الامكانية معرفة مكان العربية
وايضا توقيفها من خلال رسالة موبيل او من خلال الموقع

انا جيبة ب 1500 جنية من هذا الشركة

www.2findme.com

وهو جيد حتى الان والدعم بتاع الشركة جيد
فية ناس بتبيعة باقل من دة كتير
لكن عاملين زى الورش وفى الخفاء ومفيش موقع ليهم خاص ولا ليهم ضمان

انا عندى مش بيفضل البنزين انما بيقطع الكهرباء عن العربية والعربية لما تيجى تحاول تشغلها كل الشاشات بتبقى مطفية
معرفشى دية بتتعمل ازاى بس دة اللى عندى

طبعا علشان الفتى والكلام الغريب بتاع التركيب في التوكيل ( التوكيل عمرة ما بيركب حاجة للعربية انت جايبها معاك من برة وحتى لو مش عندة بديل ليها ) يعنى بيرفض يركبها تماما وكل التوكيلات اللى شوفتها نفس الموضوع مش عارف مين اللى بيفتى ويقول روح ركبها في التوكيل

وعلشان برضة يبقى الكلام واضح اى تركيب ولو لمبة في العربية بتبقى خرجت من الضمان الكهرباء

الكلام واضح يا جماعة وبلاش فتى

وانا عن نفسى موافق انها تخرج من الضمان بس يبقى عندى وسيلة امان كويسة احسن ما العربية كلها تروح لحرامى ابن حلال واشرب انا ورقة الضمان

وعلى فكرة ومن واقع تجارب طويلة مع التوكيل التوكيل ولا بيبص على شئ ولا بيدور انت مركب اية
ولا حد بيشوف ولا بيتكلم الا اذا اشتيكت من حاجة انت لاعب فيها وباين بس

وشكرا