فاتورة كهرباء و مياه العماره

**ahmedselaraby** · 19-05-2013 01:58 PM

السلام عليكم و رحمة الله و بركاته

ديه أول مره أكتب فى القسم الإجتماعى و لكن من غلبى و الله

أنا من سكان مصر الجديده اللى راحت عليهم خلاص بعد ما ظهر المدن الجديده الرحاب و التجمع و مدينتى و .......

المهم عشان ماطاولش عليكم

انا مستغرب جدا من أسعار فواتير الكهرباء و المياه بتاعت العماره و ليس فاتورة كهرباء الشقه ,, هناك فرق

احنا عماره مكونه من ستة طوابق (6) , كل طابق فيه شقتين فقط , عندنا أسانسير واحد و موتور مياه واحد

و كمان عندنا تايمر timer لكهربة السلم يعنى لو نور السلم ولع يقعد دقيقتين والع و يطفى اتوماتيك عشان التوفير

مفيش انتركم و خلافه

فيه لمبه واحده فى كل دور لإنارة بسطة السلم لأن السلم مش كبير أصلا

فاتورة الكهرباء للعماره كل شهر بتعدى ال 1000 جنيه

يعنى كل شقه بتدفع فى الشهر قرابة ال 100 جنيه كهربة سلم فقط

مع إن . . .

عمارة والدى اللى ساكن فيها فى مصر الجديده بردوا : ثمانية أدوار (8)

الدور فيه أربع شقق مش اتنين زيينا

عندهم ماتورين مياه مش واحد زيينا

معندهمش تايمر لنور السلم يعنى بيفضل والع علطول لحد ما البواب بيطفيه بليل

عندهم اسانسيرين اتنين مش واحد زينا

كل دور فيه لمبتين نور سلم أو لمبه كبيره عشان السلم كبير

و مع ذلك العماره كلها بيجيلها فاتوره 500 جنيه فقط لا غير أو بتدور حوالين هذا الرقم أعلى أو أقل حاجه بسيطه

ده بالنسبه للكهرباء أما بالنسبه للمياه حدث و لا حرج

عندى كل شقه بتدفع 94 جنيه أو هوالين هذا الرقم ,,, المهم يعنى فى التسعينيات

و طبعا لما سألت كذا واحد لقيت ان الارقام ديه مبالغ فيها جدا

و عندى ما شاء الله على جيرانى , كل واحد مشغول و مش فاضى للكلام ده ,, ما دام معاه فلوس يدفع فخلاص بيدفع دون نقاش و مكبرين دماغهم على الاخر و كل واحد عامل فيها عبده المهم اللى الفلوس عنده ملهاش عدد و مش حيجى يتكلم فى فاتورة كهربا و لا ميه مع انى عارف و متأكد ان بالأرقام ديه ,, فيه مشكله

قلت العداد بايظ الاقى مرات البواب تقولى دول لسه مغيريين عداد المياه ,, يا جماعه فيه مشكله و لا كأنى فى ترب

و أكتر حاجه بتغظنى بجد فى البواب و مراته انهم ساعت التحصيل بيبقوا منشكحين أوى و على وشهم فرحة الدنيا زى ما يكونوا فرحانين فى سكان العماره و شمتانين فيهم

و سؤالى هنا : عايز أعمل شكوى أو محضر أو زى ما تسموه , بس أخلص و ماحسش انى بينضحك عليا

أكلم مين و الرقم كام و أدفع كام و أروح فين و هل محتاج أخد أجازه من الشغل و لا لاء للموضوع ده , انا أجازتى الجمعه فقط

أقصد حد حصل معاه الموضوع ده قبل كده و عرف يتصرف ,, يا ريت الرد يكون بالتفصيل الممل ,, اهم حاجه التفاصيل عشان انا معملتش الموضوع ده قبل كده

**Colin Chapman** · 19-02-2016 12:25 AM

يواصل قطاع البترول التوسع التدريجى فى مشروع تشغيل محطات الوقود بالطاقة الشمسية، ضمن خطة ترشيد استهلاك الطاقة على مستوى الجمهورية، حيث تستهدف شركة "صيانكو" إحدى شركات القطاع خلال السنوات القادمة، تشغيل كل محطات "شركتى مصر والتعاون للبترول" بالطاقة الشمسية، إضافة إلى تطبيق التجربة على شركات القطاع الخاص، التى ترغب فى ذلك من أجل تخفيف الأحمال على الشبكة القومية للكهرباء. صيانكو: انتهاء دراسات خاصة بتشغيل 18 محطة تموين سيارات للعمل بالطاقة الشمسية وقال المهندس جمال حسان رئيس مجلس إدارة والعضو المنتدب لشركة "صيانكو، إنه تم الانتهاء من الدراسات الخاصة بتشغيل 18 محطة تموين سيارات وقود، لتعمل بالطاقة الشمسية بمحافظات "القاهرة والمنوفية والغربية والسويس وشمال وجنوب سيناء". وأضاف رئيس شركة صيانكو، فى تصريحات خاصة لـ"اليوم السابع"، أنه تم تنفيذ وتشغيل 7 محطات تابعة لشركتى التعاون ومصر للبترول بمحافظة القاهرة، بالإضافة إلى 3 محطات لهيئة إمداد وتموين القوات المسلحة بمحافظات "القاهرة وشمال وجنوب سيناء"، مؤكدا أن ذلك أدى لتخفيف الأحمال عن الشبكة القومية للكهرباء بما يقرب من 300 ميجا وات سنويا. تكلفة تنفيذ المحطات من 300 ألف جنيه إلى 500 ألف وأشار المهندس جمال حسان، إلى أن التكلفة الاستثمارية للتنفيذ تختلف من محطة إلى أخرى، ولكن بتقديرات تتراوح بين 300 ألف جنيه إلى 500 ألف جنيه كحد أقصى حسب نوعية ومواصفات التشغيل التى تتطلبها المحطة. ونوه إلى أن هناك مميزات اقتصادية وأمنية واجتماعية تستدعى تطبيق تجربة الطاقة الشميسة، موضحا أن الدافع الاقتصادى يتعلق بعدم تحقيق خسائر فى المحطات وتوفير عائد لها عندما تنقطع الكهرباء، كما أن المحطة تستطيع استرداد تكلفة التنفيذ خلال عامين على الأكثر، إضافة إلى ترشيد الاستهلاك للدولة. وتابع: "أما الناحية الأمنية تتعلق بأن إنارة الشوارع ومحطات الوقود يساعد على حل مشكلة المرور، وعدم تكدث السيارات فى الشوارع، عندما تنقطع الكهرباء، إضافة إلى شعور المواطنين المارة وفى المنازل بالطمأنينة والأمان، والجانب الاجتماعى هو أن المحطات يمر عليها المواطنون وبالتالى سيحدث تسويق ودافع للجمهور، لتطبيق التجربة فى المنازل، حتى ولو بأجزاء معينة لتقليل تكلفة تشغيل كل المنزل".

"البترول" تواصل ترشيد الطاقة بمحطات الوقود.. "صيانكو" تنتهى من دراسة تشغيل 18 محطة تموين سيارات بالطاقة الشمسية تشمل القاهرة والمنوفية والغ

**amr011111** · 19-02-2016 09:55 PM

غالبا والله اعلم هتلاقى القراءة المسجله فى الايصال اعلى من قراءة العداد الفعليه والله اعلم

**هيثم مجدي** · 19-02-2016 10:51 PM

زي ما الاساتذة قالولك. بالاضافة انك بفرض لقيت القراءات سليمة ممكن برضه تبلغ في شركة الكهرباء. لأن الرقم مبالغ فيه. ممكن يكون فيه سرقة كهرباء. انا العمارة عندي نفس تقسيم عمارتك والسلم بيجي 20 جنيه في المتوسط.

عداد المياه اللي اعرفه ان مفيش قياس فعلي للمياه في مصر. بتدفع حسب المنطقة اللي انت فيها. عندي الفاتورة ثابته في الصيف والشتاء مفيش فرق. وناس كتير اعرفها كدا