الموضوع: دبلومة فى معهد الاحصاء ...حد عنده معلومات

السلام عليكم

أولاً بالنسبة لأفضلية دبلومة نظم المعلومات أو علوم الحاسب فى معهد الدراسات الإحصائية .. دة بيتوقف على دراستك السابقة أولاً: الدبلومات كلها سنتين هناك .. وبعد كدة تميهدى ماجستير .. تقدير جيد = 75%
بمعنى

دبلومة علوم الحاسب: الدبلومة زيها زى دبلومة نظم المعلومات فى التيرم الأول (التيرم الأول موحد على الكل ماعدا مادة واحدة)
وبعد التيرم الأول هتاخد مواد فى التخصص CS ومواد من برة التخصص OR او IS أو Math أو StatA
مواد علوم حاسب مواد فى رأى الشخصى:
مواد قديمة شوية .. بمعنى إنك هتدرس علوم الحاسب من البداية .. فى حاجات ملهاش إستخدام فعلى لو حضرتك Developer .. وفى حاجات هتستخدمها زى CS 507 ودى مادة Database ..

دبلومة نظم المعلومات: نفس المواد الثابتة فى التيرم الأول .. ماعدا مادة واحدة .. بعد التيرم الأول: مواد IS مضاف إليها مواد OR و StatA و Math و CS
المواد جيدة .. لكن مش كلها .. بس فيها حاجات مفيدة وهتعلمك إطار نظم المعلومات الخارجى وكيفية بناء نظام معلومات بشكل عام .. عكس CS واللى بتهتم بمكونات الحاسب نفسها وطريقة عملها


بالنسبة للمقارنة بين معهد الإحصاء و أماكن أخرى
معهد الإحصاء الدراسة فية مش سهلة إطلاقاً والمواد فعلاً صعبة ونسب النجاح مش كبيرة .. وهو فى المجمل مكان كويس .. لكن المقارنة بينة وبين أماكن أخرى صعبة عشان الفرق فى الفلوس
الدبلومة فى معهد الإحصاء أول سنة: 750 جنية .. وتانى سنة 550 جنية تقريباً
أما الأماكن الأخرى بيتهيألى أسعارها هتبقى أعلى من كدة بكتير ..

أما بخصوص النقابة .. فى حالياً نقابة إسمها نقابة مبرمجى مصر .. أو حاجة كدة .. دى لسة تحت الإنشاء والغرض منها إن يكون فيها خريجى دبلومة معهد الإحصاء


لو عندك أى سؤال إتفضل

السلام عليكم

شكرا جدا على الافادة المهمة
بارك الله فيك

لكن انت كده حيرتنى اكثر بان الدبلومة تقريبا هتكون بلا فائدة كبيرة

انا مهتم اكثر بالبرمجة وبالشبكات لكن انا فى الاصل الكلية بتاعتى كانت نظرى بعيد عن الحاسبات والهندسة تماما

لكن انا باخد كورسات دولية مايكروسوفت وسيسكو وكده

ولقيت ان البلومة هتكون مفيدة لانها هتخلينى اتعمق فى المجال وكمان فرصة انى ممكن احضر دكتوراة فى يوم ما :)

طيب هل فى دبلومات ممكن تكون سنة حتى لو غالية فى مكان اخر بس الواحد يوفر الوقت اكتر ويكون ليها قيمة زى mba مثلا يكون فى حاجة كده بالنسبة لعلوم الحاسب :)

والمشكلة اكبر انى سمعت ان مستوى الدكاترة حلو لكن مبيراعوش ان فى ناس ممكن متبقاش فاهمة وبيشرحوا مرة وخلاص

انا كده كده مكمل فى سيسكو ومايكروسوفت سواء شبكات او برمجة

لكن انا طمعان فى حاجة ماجستير او دكتوراه كمان وليه لأ فهل ممكن اى بدائل للدبلومة دى من وجهة نظر حضرتك

وشكرا ليك جدا على افادتك القيمة

وعليكم السلام ورحمة الله وبركاتة

مبدأياً طالما مهتم بالشبكات يبقى نظم المعلومات فى معهد الإحصاء أنسب لك إن شاء الله

لكن انا بصراحة معرفش أماكن تانية بخصوص الدبلومات

هى الدبلومة مفيدة على فكرة .. لكن يمكن سنة أولى متكونش بالنسبة لى مفيدة .. وممكن تكون مفيدة جداً لحضرتك
لإنك هتدرس فيها
1- مبادئ علوم حاسب - CS 500
2- مبادئ الإحصاء - StatA 500
3- رياضيات - Math 500
4- مبادئ بحوث العمليات - OR 500
5- برمجة C++ - CS 503

دى أسماء المواد فى التيرم الأول بالأكواد الخاصة بيها فى معهد الإحصاء
انا اتعلمت منها طبعاً .. لكن دى بتبقى البداية الموحدة على الكل
وبعد كدة فى التيرم التانى فى مواد إختيارى وانت بتقرر
وبعد كدة فى مشروع فى السنة اللى بعدها
وبعد السنتين دول فى تمهيدى ماجستير
دة اللى انا اعرفة ..

وربنا يوفقك إن شاء الله