بسم الله الرحمن الرحيم
لو سمحتو انا محتار اشتري بيجو rcz ولا بي ام دبليو 316i ولا مرسيدس c180 و طبعا كلهم موديل 2013 فياريت حد يكون عنده خبرة فيهم او يكون جربهم احسن وينصحني اعمل ايه بس انا عموما بحب اسم بي ام دبليو بس انا ميال اكتر من ناحية البيجو rcz عشان 200 hp وانا بحب الجري وكده بس عايز اعرف في الشكل العام مين احسن ومن ناحية الثبات والامان وكده يعني وشكرا
في رايي بي ام دبليو طبعا شكل جميل وطابع شبابي
البيجو ال RCZ بصراحه عايزه واحد دماغه فيها لان لو قارنتها مع حاجه تانيه الناس هتقولك اعادة البيع و التوكيل و ....... فأنا شايف ان ال c 180 بعيده عن المقارنه و ال BM متنساش انها 136 هورس باور. متهيألى المقارنه اوقع مع الشيروكو(بما انها نفس الستايل) و بما أن ناس كتير جدا متخوفه من الفتيس ال DSG فأنا ارشحلك البيجو لو دماغك فيها أو ال BM لو عايز تبقى فى المضمون بس هتكون كسبت علامة BM و خسرت 64 هورس باور. و الله أعلم.
شكرا بجد يا جماعة علي الردود بس انا زي ما وضحت بحب الجري والسرعة وفي نفس الوقت عايز حاجة يكون توكيلها كويس مش يتعبني يعني انا معرفش حاجة عن توكيل بي ام ولا فولكس ولا بيجو بس بصراحة برضو شكل الشيروكو مش عاجبني خااالص يعني انا من الاخر محتار بجد بين بي ام وبيجو بس ياريت حد يوضح الثبات فيهم ايه وبالنسبة للبيجو هي فعلا ضيقة جدا زي ما الناس بتقول كده لدرجة ان اللي يركبها لازم يكون شخص رفيع جدا ولا الكلام ده مبالغ فيه شوية وبالنسبة لاعادة البيع ميهمنيش خالص لان انا مش بفكر ابيع اصلا اي واحدة منهم لو جبتها في الوقت الحالي يعني بس بالنسبة لقطع الغيار هتكون اغلي في مين وبرضه هل الاتنين بياخدو بنزين ٩٥ ولا ايه الكلام عشان انا ساكن في العجمي وهروح بيها الكلية في ابو قير يعني مشوار بعيد ف موضوع البنزين ده يفرق معايا شوية و شكرا
الشيروكو معدتش بتنزل كانت اخر دفعة في 2012 المفروض انها هتغير شيب مش عارف هينزل مصر امتا ماتبوص علي المرسيدس a الجديدة
مش عارف اجمع معلومات عن a class بس اعتقد انها هتبقي غالية وكمان 1800cc يعني بنزين كتير واكيد 95 يعني حرااام بصراحة بص هي تقريبا البيجو انسب حاجة انا لقيتها بس لو تعرف تفدني باي معلومة عنها وعن توكيلها وقطع الغيار وبالنسبة للعفشة بتاعتها ايه الكلام وياتري هي عربية تستحمل برضه شويه المطبات دي وكده ولا ايه وانا اصلا معظم مشاويري هتكون طرق سريعة ياريت تفدني باي معلومة تعرفها بجد
بصراحة معرفش حاجة عن الrcz بس اللي اعرفو ان المرسيدس a بتبدا من 298 الف ياما تعمل زية وتجبللك حتة اوبل استرا gtc عربية ممتازة وواخدة تقيمات برة حلوة متفوقة علي الفولكس شيروكو انا كونت محتار بينها وبين الشيروكو مستعملة بس قولت خليني في الجديد احسن وكمان الفتيس ال dsg كان مخوفني