شعورك ايه وانت بتتفرج على مجلس الشورى وهوا بيتحرق؟

**دموع الثلج** · 21-08-2008 02:35 PM

وعلي رأي واحد ..... بكرة يلمو من الناس فلوس باي مسمي عشان يجددو المبني

وبدات مسيره جمع التبرعات لصالح الساده الوزراء منكوبى الدوله من حريق مجلسهم الموقر

سمعت امبارح ان فيه مباراه هتقام بين فريقين مش فاكرهم وهيخصص دخلها لصالح اعاده اعمار المبنى
وبكره تامر حسنى يعمل حفله ويخصص دخلها للمجلس وهلما جررررررررررررجرررر

مش عارفه ليه حاسه بعد فتره هسمع الخبر التالى (( تمت هدم و ازاله انقاض مجلس الشورى المنكوب ))
ويدخل الوليـــــــــــد بن طلال يشترى الارض وهـــــــــــوب تلاقى فندق 500 نجمه
او السفاره الامريكيه او غيرها

**sab3aawy** · 21-08-2008 03:09 PM

حسيت ان الطريق من الشغل فى المهندسين الى بيتى فى مدينة نصر هيكون زحمة فرحت قضيت الليلة عند حمايا فى ستة اكتوبر

غير كدة محسيتش بأى حاجة. دى بلدهم يا عم مش بلدنا

**ahmedfawzy14** · 21-08-2008 03:13 PM

عرفت تانى يوم الحريق صباحا
وكنت فاكر الموضوع صغير

بس بعد كده عرفت ان الموضوع كبير
واكيد حزنت شوية

**egyfantom** · 21-08-2008 03:32 PM

الغريبه انى محستش باى حزن على المبنى ،

بس حزنت على حال البلد واللى وصلت له

والغريبه انى قريت فى الجرايد النهارده ان مبارك يأمر بترميم المبنى على نفقة الدوله !!!!!!

هوه كان المفروض انه يترمم على نفقة مين ؟؟؟؟!!!!!!!!

سؤال محيرنى جدا

ولله الأمر من قبل ومن بعد

**sniper2010** · 21-08-2008 05:36 PM

يا جماعة آراءكم كلها لها احترامها و تعكس مدى وطنيتكم ¤¤¤
بس أنا هعقب على نقطتين
الأولى عبارة عن سؤال للمهندس سبعاوي: امال انت بلدك إيه?
لازم يكون عندنا انتماء و وطنية رغم كل الظروف

الثانية : الناس اللي اتكلموا عن الجيش _ _ _ ما يصحش أبدا اللي انتوا قلتوه خاصة إن الجيش هو أكثر مؤسسة في الدولة انضباطا و كفاءة و حتى لو كان كلامكم صحيح (مع إني ما اعتقدش إنه صحيح) برضو ما ينفعش نقول كده _ _ _ دي من أساسيات الوعي الأمني و الحرب النفسية _ _ _

ما هو الجيش عبارة عن مين : أنا و انت و فلان و فلان كل المصريين _ _ _ لما نبقى مش واثقين كده نبقى مش واثقين في نفسنا و ما ننساش إن جيش مصر هو الجيش الوحيد اللي مدحه النبي صلى الله عليه و سلم

**egawady** · 25-08-2008 02:25 PM

http://www.flickr.com/photos/gemyhoo...01806544/show/

صور الحريق ----
فضيحتنا بقت بجلااجل

**محمد ابراهيم 1** · 25-08-2008 03:59 PM

أنا زعلت على المصابين والمتوفى لرحمة مولاه
زعلت على المبنى الأثرى
زعلت على حال البلد وعدم القدره على إدارة أى أزمه حتى لو بسيطه
زعلت على الفلوس اللى حتتصرف على إعادة بناؤه واللى من دم الشعب المسكين ده

فرحت فى المجلس اللى ملوش أى لازمه ولا قيمه ولا وجود فى الدول المحترمه

**solycar** · 25-08-2008 04:25 PM

غريبة

الناس كلها زعلانة

امال انا ليه كنت قاعد اقول : احسن يارب ولعها كمان و كمان !!!!!!!!!!!!!!!!!!!!!!!

**Dr Ahmed** · 25-08-2008 04:54 PM

معلش مع إحترامى
أنا مزعلتش خالص إلا على الغلبان اللى إتوفى وهو بيطفى النار لكن إن شاء الله شهيد
اللى حسيت بيه: قرف
قرف من العجزة اللى بيطفوا النار بالجردل من الطيارة
وقرف من الأغبياء اللى سايبين مبنى فيه وثائق شديدة الخطورة بدون تأمين وبدون نسخ منها إلا النسخة اللى المسئول إياه قال فى التليفزيون إنها محفوظة فى الميكرووييف!!
قرف من الجزم اللى نايمين على ودانهم وسايبين المبنى يولع كام ساعة قبل ما يحسو
قرف من الاعلام المصرى الخايب
قرف من الحكومة والداخلية اللى بتمسك فى الهايفة فقط أما الأساسيات فلا
وبصفتى غريب فى البلد فمش هدفع ولا مليم للى هيشحتوا عليه لأن اللى غلطان يستحمل غلطه
وأنا لو مسئول هعلّق ييجى خمسميت واحد مسئول عن الكارثة دى من عنيهم فى ميدان عام ويا إما هونجا أو الموت!!!
والمؤسف إن معنديش أمل 1% إن الحادثة دى هيتعلموا منها أى شئ
بكرة المتحف المصرى يولع
وزى ما قلت فى موضوع تانى إن كابلات السد العالى- اللى متأمن ضد الصواريخ - الحرامية بيسرقوها!!!
بطييييييييييييييييخ يا بلد بطييييييييييييييخ
وأقــــــــــرع

**MTAK** · 25-08-2008 05:11 PM

اكتر حاجة زعلت عليها
الناس اللى انا منهم
لانى بصيت للامام شوية
ورأيت فيما يرى النائم

ان المجلس لازم يتجدد بمعمار يعتبر تحفة معمارية للاجيال القادمة
و كمان لازم تركب منظومة امن صناعى و سموك ديتكتور على اعلى مستوى من الحساسيه لاى دخان حتى لو كان سيجارة عامل النظافة الكليوبترا
انما لو المارلبورو بتاعت العضو الكبير ممكن يصهين عنها مش بقولوكوا جهاز على اعلى مستوى
رايت ايضا الملحق الذى سيحدث بعد كل ما سبق
من حملات شعبية لأعادة الاعمار و تبرعات الشعب لمجلس نواب الشعب
و شيدى حيلك يا بلد
و ايييييييييييييييييييييييي ييييييييييييييييييييييييي يييه