شعورك ايه وانت بتتفرج على مجلس الشورى وهوا بيتحرق؟
شعورك ايه وانت بتتفرج على مجلس الشورى وهوا بيتحرق؟
سبقتني في كتابة الموضوع ده
طبعا حزين على بلدي و تراث بلدي
بصرف النظر عن رأيي في نواب المجلسين
بس الوطن هو الوطن
انا حزين على حاجتين بالتحديد
الاول : انة اذا كان مبنى مهم بهذا الشكل , و مبنى قصير و على بعد خطوات نقطة اطفاء , ومع كل هذا لم تنجح جهود الاطفاء بسبب سوء الادارة و التخبط فى ادارة الازمة , يبقى الوضع اية اذا حدث حريق فى اى مبنى اخر و مبنى سكنى عادى , و ما هوة الحال بالنسبة لكل الامبانى الاثرية الاخرى ما هوة الحل فى حالة حدوث حريق مشابة , معنى كدة من مافيش اى حاد امنى على حياة و ممتلكاتة بعض المستوى المتواضع اللى ظهرت بية المطافىء بهذا الشكل .
الثانى : حزين طبعا لفقدان اثر مهم و رمز زى دة و حتى مش معروف كان فى اية فى المبنى من وثائق و مخطوطات لا تعوض طبعا .
ربنا يستر على هذا البلد
طبعآ فى الأول إتخضيت لما شفت المنظر ده فى التليفزون
و إستغربت لما لقيتهم لحد الساعة 12 باليل لسه مش عارفين يطفوا فى النار
و الله زعلت اوى إن منظر مصر قدام دول العالم بقى سىء و حاجة تكسف
ساعتها حسيت بالخوف و عدم الأمان
ربنا يسترها معانا كلنا بس لا قدر الله لو حصل اى حاجة مشابهة فى عمارة سكنية ... إيه اللى هيحصل؟؟
الحريق ده عكس أد إيه ضعف قوات الإطفاء و الطوارىء فى مصر و إن مفيش اى خطط طوارىء لمواجهة اى حادث
و بقى عندى إحساس قوى بما إن كل حاجة أصبحت فى حالة فوضى و إسترخاء و ضعف و غياب لأى تخطيط
إيه اللى يمنع إن يكون جيش مصر فى نفس الظروف؟؟؟؟
إحنا كنا فاكرين ان المبانى الإدارية فى مصر عليها حماية كاملة و فى اول مشكلة ظهر الواقع و هو ان مفيش اى حاجة من اللى بيقولوا عليها
طيب لو اى دولة قامت بأى حركة ضد مصر هيحصل إيه؟؟ و إيه اللى هينكشف ساعتها؟؟
ربنا يستر
أهم حاجة تكون طفاية الحريق فى العربية سليمة و رابط حزام الأمان و كمان شايل مستشفى فى شنطة عربيتك
اكيد زعلان علي الضحايا حتي ولو مصابين
و زعلان علي المبني الاثري
بس كده!!!!!!!!!!!!
زعلان علي البلد واللي وصلتله
أنا عن نفسي انتابتني عدة أحاسيس في نفس الوقت
1-احساس بالحزن الشديد على دمار مبنى أثري و رمز للدولة(مجلس الشورى-ثالث سلطة تشريعية).و طبعا عشان الناس اللي اتصابتز
2-احساس بالغضب و الغيظ الشديد من الطريقة اللتى تم التعامل بها في أطفاء النيران و كأننا في القرن ال 19 (كما قريت في الصحف: ان عملية الاطفاء استمرت أكثر من 9 ساعات........دا لو فرقة فيلم (اسماعيل يس في المطافي) جابوها كان ممكن تنجز أحسن من كدهز
3-احساس بالسخرية الشديدة من أجهزة الدولة المختلفة خصوصا أني من فترة وجيزه شاهدت( و كنت في منتهى السعادة و الله من اللى شوفته) حفل تخرج الدفعة "معرفشي رقم كام كده" من الكلية الحربية أو الجوية" مش فاكر قوي" و كان حاضر الحفل السيد رئيس الجمهورية و عدد من السادة الوزراء و تخلل الحفل استعراض لعدد كبير جدا من أحدث عربات و مركبات و طيارات و أجهزة الاطفاء- اللى مش عارف قوة دفعها للمياه قد كده و اللى بتوصل للدور ال 280 واللى بطفي النار بالريموت و معرفشي ايه و ايه و ايه.......فين كل الحاجات دي؟؟؟؟؟؟؟ ولا هيا كانت موجودة و معرفناش نستخدمها صح؟؟؟؟؟ و لا دي مجرد -للعرض فقط- ولا ايه....حاجة تجنن...صح؟؟ .
4-أحساس بالخوف و عدم الأمان لتكرار ما حدث-لا قدر الله- في أي مكان أخر في مصر" عماره سكنية-مدرسة-مستشفى........الخ"
5-أحسا س بالضعف و الخيبه - قد كده احنا متخلفين قوي كده لدرجة ان مبنى مجلس الشورى غير مجهز بأجهزة انذار و أطفاء ألي أو مجهز بس للاسف الجهزة مش شغالة أو عقيمة أو كانت محتاجة صيانة أو أو أو.....
6- تنامي الشعور باليأس من أشياء كتير في البلد "مع اني و الله بحب مصر جدا و أتمنى تبقى أحسن بلد في العالم".
كنت جمب المبنى وهو مولع ولصعوبه الحركه المروريه وقفت يمكن نص ساعه جمب المبنى منظر النيران مرعب
حزنت مش على المبنى
حزنت على المصريين كلهم وعلى مصر وعلى الاهمال اللى وصلنا له مبنى بالاهميه دى ميكونش فيه اجهزه انذار مبكر ضدد الحرائق والله عيب اوووووى وحاجه تكسف
فعلا مصر ماشيه سمك لبن تمر هندى
مين اللى وصلنا الى كده
ده اللى حزنى لان التخلف والاهمال وصل لكل شى فى البلد
دة تصغير لحال البلد كلها...
محدش بيبص لقدام و ياخد اجراء لتفادى الخطر
ساعة وقوع المصيبة محدش بيعرف يتصرف
الاعلام المحلى فى الطراوة فى حين ان الحدث على الهواء فى كل الفضائيات
كل واحد بيلقى باللوم على التانى فى اسباب الحادث
فى النهاية المسؤلين الكبار بذلوا المجهود لاحتواء الازمة و هما الابطال
يا جماعة دى رسالة من الله لعل اللى بيفهم يتعظ منها... "لو ولعت مش حتعرفوا تطفوها"... و مكان الحريق بيبين اوى الرسالة لمين... ربنا يهديهم
MMamdouh
شعور غريب .... مش عارف اوصفة ....حزن علي المبني ..... تساؤل عن السبب ...... حسرة علي الاهمال الذي اصبح في كل شيء .....ولا اخفي عليكم .. بعض الشماته في الحكومة ..لكن برضه ما يهونش عليا اشمت في مصيبة زي دي
الغريب ان في الفنادق والاسواق و المنشآت .... بيشترطو تركيب نظام اطفاء وانذار آلي ......فين الكلام دة ...... وبيجربوه الجماعة بتوع الدفاع المدني بمنتهي الحرص ....و بيعملو بروفة لتشغيله ......الكلام ده يظهر انهم تغاضو عنه في مجلس الشورى كمجامله للمجلس الموقر ....... ودي النتيجة ..
وعلي رأي واحد ..... بكرة يلمو من الناس فلوس باي مسمي عشان يجددو المبني