العربية ماستحملتش حر النهاردة
النهاردة نزلت بالعربية الساعة 12 وكانت كل مشاويري في المهندسين والدقي والعجوزة ...كان معايا والدتي وهي منتقبة فالحر بالنسبالها كان ممكن يعملها حاجة ...شغلت التكيف ودي تانيتالت مرة اشغله من بداية الصيف ده لقيته مطلع نسيم مش هوا ساقع مع اني جايبه على ال low و عامل المروحة على 5 (climatroniic(والتكييف قاري ان درجة الحرارة 29 ومش راضية تنزل نهائيا ...انا لما جبت العربية شهر 9 اللي فات مكنش فيها نقطة فريون ولما شحنته كان تلااااجة وكان بيشبر الازاز على المروحة الاولى بس دلوقتي بيطلع نسيم فكده الفريون وش اتسرب وفيه تسريب في دورة التكييف لني ماعتقدش ان الفريون ممكن يتسرب طبيعي في خلال 6 شهور
قلت خلاص نسيم نسيم احسن من مفيش وبعد حوالي 1 في الزحمة والقرف بتاع المهندسين فجأة لقيت لمبة ال abs نورت بس مفيش زمارة تنبيه وقامت اختفت بعد 3 ثواني بعديها بكام ثانية نورت تاني واختفت وعملت كده يجي 4 مرا لغايية لما هووووب لمبة الايرباج نورت ...انا كنت قاعد بشد في شعري الصراحة لاني مش فاهم ايه علاقة الايرباج بال abs
المهم كملت مشاويري واللمشض تنور وتافل لغاية لما قربت من البيت الاتنين نوروا على طول
نزلت ولدتي وقمت رايح راكن العربية وفتحت الكبوت لقيت حوض الماتور بيطلع شووووب سخن جدا و العربية سخنةجدا بصيت على قربة المياه لقيتها تمام وكان عداد الحرارة على 90 عادي جدا
شغلت العربية على الكونتاكت ولمض العطال كلها اشتغلت وبدأت تطفي لغاية لما كلهم طفوا بما فيهم abs و الايرباج ...قعد افكر فيه فيه ايه...قمت شغلت العربية وسبتها شوية لقيت لمبة الاabs بتنور تاني ..قمت قعد ادوس بنزين واعلى ال rpm محصلش حاجة لغاية لما لحظت حاجة غريبة حصلت
العربية كانت طول الطريق لما اكون واقف ال rpmبيبقا بين 1000 والشرطة اللي تحتيه اللي المفروض يكون عليها ولو نزل عنها يرجع تاني للنص بينهم ...لما دوست بنزين جامد والعربية راكنة عند البيت برده ال rpm كان بين الشرطتين لغاية لما مرة واحد العربية حسيتها هديت ولقيت ال rpm رجع على الوضع الطبيعي بتاعه اللي هو على الشرطة اللي تحت ال 1000 دورة ولمبة ال abs منورتش تاني ولا الايرباج وقعد سايب العربية دايرة شوية ومحصلش حاجة تاني
ده ممكن يكون ايه خصوصا اني بقالي فترة ببقا واقف في اشارة مثلا وفجأة احس بنتشة والاقي ال rpm على سنة صغير جدا