جيلي ck 11

**abdo1001** · 21-08-2008 12:42 AM

السلام عليكم ورحمة الله وبركاتة

إخواني في الله أرجوكم المساعدة

ما هو رأي الخبراء في السيارة جيلي ck 11 صينية الصنع حيث إنني أرغب في شرائها و للعلم أنا أرغب في شراء الأتوماتيك منها ؟

أرجوكم المساعدة

**Hacker5** · 21-08-2008 12:52 PM

مش عارف واللهى
بس جيلى اول مانزلت كانت واخدة سمعة وحشة جدا من السيارة جيلى الفروتة مع التوكيل القديم
لكن التوكيل الجديد توب جير موتورز شادد حيله بكتير من التوكيل السابق و ان ضمانه 5 سنين او 100000 كم

و دة طبعا عشان يرجع الثقة للعملاء بعد اللى عملة التوكيل القديم
و هي فعلا سعرها اقل سعر سيارة اتوماتيك فى نفس الفئة

و من ناحية التوكيل متقلقش التوكيل مصحصح مع العربيات دى دلوقتى
بس العربية معرفش اذا كانت حلوة او لاء
محدش جربها
حضرتك ممكن تستخير ربنا و ربنا يكرمك
و تقدر تروح تتفرج عليها فى المعرض الرئيسى فى شارع البطل احمد عبد العزيز
و مبروك مقدما

**muslem** · 24-08-2008 04:07 AM

انا اتفرجت عليها فى المعرض قبل ما اشترى العربيةالحالية اللى معايا دلوقتى و كانت ارخص من عربيات كتير بس الصراحة تقفيلها وحش اوى صيني فعلا من النوع الردئ و متورها كمان صيني زى ما قالوا لى فى التوكيل و انا حاليا لا اثق فى المواتير الصيني لانها فى طور التطوير ممكن بعد شوية اثق فيه اذا اثبت نفسه و لازم بقي حضرتك تشوف حد يملكها ممكن تعرف منه اكتر و تشوفها على الطبيعة كمان

**osamahalem** · 16-09-2008 04:34 PM

انا ليا رأى وحضرتك تقبله او لا تقبله كما شئت ان شايف ان الجيلى دا حاجة جميلة جدا بس لما سيادتك تجيبة من التلاجة فى يوم حر وتأكلة بالف هنا وشفا انما معاليك تركبة وتروح بيه مشوار موعدكش

**صفوت منصور** · 09-11-2008 04:58 PM

الإخوة الأفاضل:

رداً على الأخ اسامة - أحب اقوله.

انا معايا الـ سىكى 1 من سنتين. وشغالة 100/100 وماقليتش اى حتى.

اقولك حاجة كمان - انا سافرت بيها إسماعيلية ست مرات رايح جاى - صد رد يعنى ومشغل تكييف وكاسيت ومعليه على الآخر . ولا الهوا

الموضوع انه انت محتاج تصون العربية ومتتمنظرش بيها - يعنى تحبها هتحبك.

تجرحها هتجرحك.

شكراً

**د.محمود صلاح** · 16-12-2008 08:49 AM

تجربتى مع سى كيه ون مرييييرة جدا اشتريتها من التوكيل القديم كاملة فرامل مانعة لإنغلاق وجنظ و1600 ب 64 الف فى 6 \ 2006
وبعتها لما التوكيل قفل ب 43 الف بعد 13 شهر استخدام
غيرت علبة الدركسيون فى التوكيل مجانا لأنها جابت زيت
غيرت زجاج جانبى ب 110 ج وغيرت جزء فى الطابلوه المكسو بطبقة جلد ب 125 ج لأنه سقط عليه نقطه امير اتلفته
اقصى سرعة 160
لا تسخن
التكييف جيد جدا
عزل صوت ردئ جدا
الموتور بيجعر وصوته مسموع جدا
عزل فتحات التكييف ردئ جدا
السى دى كويس
الكاوتش صينى وكويس ولا مرة اتخرف منى
البورده بتاع الزجاج تلف منها مقاومة جعلت الزجاج الجانبى لايعمل وصلحتها عند كهربائى شاطر