امامي سيارة صني موديل 2000
1300 كربراتير كاملة مانيوال
رشة برا حالتها نضيفة
ماشية 150 الف
تعملها كام؟؟
عرض للطباعة
امامي سيارة صني موديل 2000
1300 كربراتير كاملة مانيوال
رشة برا حالتها نضيفة
ماشية 150 الف
تعملها كام؟؟
تعمل 46 _ 50 حسب الحالة
اظن مش هتزيد عن 45 الف خالص و الله اعلم
قبل ماتشترى النيسان صنى بص على الموضوع ده !!؟؟؟
http://www.nilemotors.net/Nile/356205-a.html
تبقي تمام اوي ..... بس حاول تخدها علي 47 _48 عشان ماتخصرش فيها كتير و انت بتبعها
العربية دي ركوبة ولا اروع ..... من العربيات الجميلة جدا حمالة اسية و صينتها قليلة
بس لو معرفتش تخلص فيها بالسعر دة شوفلك لانسر كرستالة 1300 cc بردو وعربية لا جدال عليها و قطع غيرها ارخص من النيسان بكتير
انا كده احترت اكتر يعني الحدفة موجودة كمان في الموديلات القديمة؟
و لو موجودة ؟ رخمة يعني اوي ؟
طب ينفع كده محدش عبرني
????
انا عندى عربية نيسان صنى 2002 بسم الله ماشاء الله لا بتحدف ولاحاجة ولسة مشتريها من حوالى شهر ونص عاملة 51000 جنية بص من الاخر حلوة واكشف عليها فى بنزينة شل وارفعها وان شاء ربنا يكرمك بحاجة حلوة
اولا شكرا على اسلوبك وانت عرفت منين انى مركبتش النيسان صنى بتقرى البخت ؟؟؟
ثانيا حضرتك لو قريت فى المنتدى هنا كتير من الأعضاء بيشتكوا من نفس العيب فى الصنى غير ان فية 2اصدقاء ليا بيشتكوا من ثبات العربية على الأرض وسقت العربيتين دول كذا مرة وكل شوية ظبط زوايا لدرجة ان فية واحد باعها وجاب تويوتا علشان هو بيحب يركب يابانى علشان عربيات ناعمة فى المطبات ومش معنى ان عربيتك ظبطتها تبقى برضة دى مشكلة فى الموديل دة وجب التنبيه عنها علشان اللى حيشترى يجرب العربية كويس ويتاكد من خلوها من الحدفة او الميل اللى هو عيب تصنيع اصلا مش مشكلة لواحد حصلت فى عربيته !!
لا مش بقرأ البخت
لكن في تاريخ شراء النيسان صني في المنتدى وناس كتير جدااااااا مبوسطة ومقتنعة بالعربية
ومازالت مبيعاتها جبارة
على وجهه نظرك المفروض كل مالاقي حد معاه نيسان صني جمبي ألاقيه بيترقص بالعربية وأبعد عنه هههههههههه
حتة بقا إني ظبط عربيتي فمش عقبة وارد إنك تشتري عربية وتصرف عليها عشان ترضيك
في قسم سكودا عندكو كان في حد بيشتكي من الاوكتافيا
وكلكو اتهتموه بالمؤامرة والرشوة :ma:عشان ثقتكو فالعربية
http://www.nilemotors.net/Nile/355869-a.html
اهو نفس القصة احنا واثقين ان مشكلة الحدفة دي فردية ولو موجودة مش بتبقا موجودة بالمستوى اللي كان بيشتكي من العضو في المشاركة اللي أرفقتها
وإلا أي حد بيكتب يقول عاوز اشتري اوكتافيا اقوله خد بص على العضو في قسم اوكتافيا العربية مش مريحاه متشتريهاش صح ولا غلط