الموضوع: تقرير مصور لصيانة ال 40,000 كم للألنترا md (الجزء الثالث : الغسيل و التكييف)

الأخوة و الاخوات الكرام ..

أسعد الله أوقاتكم ....

يسعدني و يشرفني أن أعرض علي حضراتكم خطوات الجزء الثالث و الاخير لصيانة الألنترا MD ل 40,000 كم و ذلك بعد ان انتهينا من الجزئين الاول و الثاني :

http://www.nilemotors.net/Nile/354745-40-000-md.html

http://www.nilemotors.net/Nile/355775-40-000-md-3.html

معلش أعذروني أني أتأخرت عليكم في هذا الجزء و لكن ذلك بسبب أنشغالي الشديد جدا في العمل و تواجدي خارج مصر خلال تلك الفترة

-----------------------------------
رابعا.. العناية بالهيكل و الصالون
-----------------------------------

و هنا هأتكلم عن مركز خدمة العناية الفائقة "ديتاليرز"

بداية اتصلت بالمهندس محمد سعيد و المهندس مصطفي لتحديد موعد و أتفقنا علي يوم الأثنين (يوم شم النسيم) و فعلا وصلت هناك قبل الظهر و علي الفور بدأ المهندس / مصطفي في التعامل مع الألنترا md

لحظة البداية

بعد أنتهاء عملية الغسيل و قبل التجفيف و البدء في عملية التشميع







الصالون بعد تنظيفه

عملية التنظيف و الغسيل استغرقت حوالي ساعتين و بصراحة ناس شغلهم ممتاز و محترمين جدا و معاملة من أحسن مايكون و الاهم أنهم فاهمين كويس هما بيعملوا أيه و عندهم ضمير جدا في شغلهم

أجمالي التكلفة (هيكل خارجي + صالون + محرك + شمع) = 145 جنيه بعد الخصم

-----------------------------------
خامسا .. العناية بالتكييف
-----------------------------------

هنا نييجي لأهم و أخر خطوة و دي عملتها بنفسي , طبعا التوكيل نظفوا الفلتر و لكني قررت أني أعيد عليه تاني و أعمل حاجة جديدة

و انا في مركز "ديتالرز" وجدت عندهم عبوة "سوناكس" لتنظيف التكييف فسألت عليها و أكتشفت أنها كمان بتعمل عملية تعقيم و أزالة للروائح داخل التكييف بشرط أن يكون الفلتر نظيف , و فعلا أشتريتها و أتجهت للرحاب

منظف تكييف السيارة من "سوناكس"
52.5 جنيه

المهم وصلت الرحاب كانت الشمس هادية و الجو طراوة و جميل فبدأت علي الفور عملية فك فلتر التكييف و تنظيفه كالتالي :

(1).. ده درج التابلوه


(2).. تفتح التابلوه و طبعا تفضيه من كل محتوياته


(3).. تبدأ في حل مسامير التثبيت


(4).. هنا الدرج هايفتح معاك للأخر و يظهر غطاء الفلتر


(5).. هنا هايظهر لك الغطاء الاسود الخاص بفلتر التكييف
تضغط علي الكلبسات اللي في الجنب و تسحبه للخارج


(6).. بعد كده هاتسحب الفلتر للخارج


(7).. كده الفلتر في ايدك تبدأ في تنظيفه بالهواء أو بالشفط عن طريق المكنسة في المنزل


بعد كده ممكن ترش الفلتر بمعطر قبل ماتركبه تاني في العربية

بعد أعادة تركيب الفلتر بدأت أهم خطوة و هي تنظيف دورة التكييف و تعقيمه و ذلك كالأتي :
1- تشغيل محرك السيارة
2- تشغيل التكييف علي أقصي درجة تبريد و أعلي سرعة للمروحة
3- غلق فتحة تجديد الهواء
4- تقديم الكرسي الامامي و أمالة ظهره للأمام لأقصي حد ممكن
5- وضع عبوة المنظف بعد رجها جيدا مكان الكرسي
6- غلق كل نوافذ السيارة و أبوابها
7- الظغط علي العبوة لتبدأ في أطلاق المنظف ثم أغلاق الباب و ذلك لمدة 15 دقيقة
8- فتح الأبواب للتهوية و أطفاء التكييف و المحرك

و بذلك تكون عملية الصيانة و العناية بالالنترا md قد أكتملت و لأشعر أن السيارة و قد عادت كالجديدة تماما

المشاركة الأصلية كتبت بواسطة hossam_elwani

الف مبروك على اكمال الصيانه

بس ليا سؤالين

الاول هو ايه اللزق الشفاف الى على الابواب والطابلوه ده ؟؟ ومنين وبكام؟؟

هاتستغرب لما أقول لك أن ده اللزق اللي العربية كانت جاية به و هيا جديدة من التوكيل
لسه محافظ عليه

الثانى انت كنت عامل الفرش فين ؟؟
الفرش ده شغل الحاج / أحمد مشعل الله (جينز كار) يبارك له

و يحضرنى نصبايه عمى معاه كارينز فرش بيج وكان جايبها شهر 7 الى فات يعنى مكملتش سنه وهو طبيب وعياله بهدلو الصالون بمعنى الكلمه يعنى من الاخر خلوه انتن مكان فى الارض وراح يعمله عند كار كير وقاله حيتكلف 800 جنيه هو السعر ده له اساس من الواقع ؟؟

طبعا 800 جنيه ده كتير جدا جدا جدا .... ياعم أدي "ديتالرز" أهو و ده شغله و دي أسعاره
و عندك محطات وطنية بتعمل شغل ممتاز و بنفس الاسعار تقريبا بس أنا بطلت أتعامل معاهم من أيام المجلس السمكري و تقدر تقول أني مقاطع الجيش و منتجاته هههههههههههه


انا شايف انك عملت شغل بسعر معقول عشان كده بسأل

تحياتى