بص انت الى حتدفع فلوس و انت الى حتركب العربيه فكك من موضوع اعاده البيع ده مركبش عربيه 5 سنين و ازعل نفسى فيهم عشان افرح يوم ما اجى ابيعها و لا ارتاح و اتبسط 5 سنين و ازعل يوم ما ابيعها لو بعتها
كده كده الى بيبيع خسران
عرض للطباعة
بص انت الى حتدفع فلوس و انت الى حتركب العربيه فكك من موضوع اعاده البيع ده مركبش عربيه 5 سنين و ازعل نفسى فيهم عشان افرح يوم ما اجى ابيعها و لا ارتاح و اتبسط 5 سنين و ازعل يوم ما ابيعها لو بعتها
كده كده الى بيبيع خسران
لو عاوز عربية الشغل الي فيها معروف وقطع غيار رخيصة و اعتمادية واعادة بيع يبقي اللانسر لو عاوز حاجة شكل جميل طابع شبابي تميز في الركوبة ان مفيش كتير معاهم العربية يبقي لينيا
اللينيا عربية تحفة بس قطع غيارها و توكيلها و اعادة بيعها يخوفوا
بالنسبة للانسر , فانا لا انصح بشرائها بالسعر ده بصراحة خالص , مبالغ فيه جدا جدا جدا جدا جدا جدا
مافيش معنى خالص انك تجيب عربية عشان قطع غيارها ارخص و توفر في قطع الغيار , فتدفع في سعرها 20 الف جنيه زيادة , دفعت مقدما اللي جايبها عشان توفره
انا باتكلم نسبيا سواء سعرها قبل ما كله يغلى او بعده
العربية بتجهيزاتها بتكنولوجيتها القديمة من 2003 بكل ما فيها قبل ما كل حاجة تغلى كان عدلها 100 او 110 الف بالكتير اوي , و كانت باكتر من كده بحبة حلوين لدرجة ان الفئة اللي في النص فيها كانت بسعر الشارك اول فئة مع الفرق الشاسع بينهم كعربيتين
بالنسبة للكورولا فانهي كورولا ؟ ماليش في التويوتا اوي بس الكورولا الحالية نازلة في 2008 فالاغلب انها تكنولوجيا احدث , و ان لم تكن فهاتبقى مبالغ فيها هي كمان, اظن البوما تتقارن بالتويوتا 2006 مثلا و ممكن تكسبها فعلا
لكن طالما هانقارن فقارنها باللانسر برده الشارك , قارنها بالسوبارو امبريزا الحالية (انا متعمد اتكلم في الياباني بس) , و بعدين قارنها مثلا بالنيسان صني القديمة , هتلاقيها اقرب للنيسان صني القديمة اللي كانت ب103 الف اعلى فئة (باستثناء انها اتوماتيك عادي فقط) و ده الطبيعي لأن هي كمان متصممة من زمان اوي
و باكرر تاني , انا لو باجيب عربية عشان قطع غيارها رخيصة فاقوم ادفع فيها 20 الف زيادة مقدما يبقى الوفر اللي وفرته في قطع الغيار راح في جيب الوكيل
العيب مش على العربية هي عربية خدت فترتها و نجحت فيها نجاح هايل , العيب على الوكيل اللي بيبالغ في سعرها و على الناس اللي بتشتري برده
فعلا هى أقرب ما يكون الى نيسان صنى القديم اللى ثبت أيضا انها واحدة من أقوى العربيات، الأمبريزا تخفة بس نفس مسكلة اللينيا.
اللانسر مش فطع غيار فقط، هى السيارة الأكثر إعتمادية عالميا
Warranty Direct turns 15, names Lancer most reliable car - Car Reliability Search | Reliability Index | How reliable is your car?
و الناس بتشترى من غلبها لأن الكثير من العربيات ذات التكنولوجبا الحديثة كثيرة المشاكل زى ال دى اس جى و العك بتاعه