المشاركة الأصلية كتبت بواسطة samdino
مش عارف حاسس ان فيه ناس مسمعتوش صوتها فهحاول اتكلم عن نفسي
الناس اللي معاها اطفال ..الموظفين اللي كانوا بيجمعوا القرش ع القرش عشان يشتروا عربية ..مش مهم بالنسبة ليهم الشكل اد ميهمهم المضمون وبصراحة عاوز من العربية كل حاجة ممكن تقدمها .. وهو ده اللي لقيته في اللانسر وعشان كده بانصح اي واحد بيها من غير كتر كلام لاني دورت في معظم عربيات الفئة دي بالسعر ده وملقيتش ...
انا كنت عاوز عربية 1600 موتور قوي ياباني اوتوماتيك وسائل امان كويسة عفشة كويسة وتستحمل مطبات مصر الشاهقة المفاجئة ومتحفش معايا في كل مطب ..استهلاكها للبنزين معقول ..شغل الميكانيكا فيها مش معقد وممكن ابيعها بسهولة ..
عربية محترمة جدا ..تشيلني في البلد وفي السفر واثلاها زي ما املاها براحتي ...تتحمل معايا البهدلة اللي بقت اساسية في الحياة في مصر مش عاوز بسكوتة انا عاوز وحش باختصار عربية عملية 100% وده اللي كنت بادور عليه
العربية دي هي اللي كنت عاوزها والحمدلله عليها وربنا يبارك فيها ويكفيني شرها