-
أنا بجد زعلان منكوا
بجد زعلان منكو جداً جداً
ثلاث نقاط هاتكلم فيها من خلال متابعتي للمنتدى بدون أي رد واحد خلال العشرين يوم إلي فاتو
أولاً موجة الغضب والعند والكبر إلي راكبة بعض الأعضاء وواللي من خلالها بقت معظم الردود عدائية ومكابره وإن كانت متخفية في إسلوب مؤنق محترم إن كان فيما يخص السيارات أو غيرها وكمثال موضوع الحوادث اللي فجأه ظهر إن نص المنتدى مبيحبش مواضيع الحوادث مع انها ماليه المنتدى من سنة ونص إشمعنا اليومين دول كرهناها وأيضاً الخناقات والأحزاب اللي انتشرت كتحيز لفئة معينة أو ماركة معينه من العربيات أو لمجرد التحيز لعضو معين
إنتشار مواضيع الفرقعة وحب الظهور وإلي محتواها غير واقعي وفي اعتقادي أي طفل صغير مستحيل يصدق اللي فيها وفيها تضليل كبير ولن استحي اني أذكر مواضيع بعينها لو طلبتو
الانقياد التام من بعض الأعضاء الجدد وبعض القدام لأي رأي على هواهم حتى لو كان خاطئ وكأن صاحب الرأي أينشتين زمانه ولا يخطئ ودة بيزود الطين بله
بصراحة معدش في الهيكل المنظم و كتر الفتي و الفذلكة ووراهم العند و المكابرة و الخناقات
لا انتظر ردود من أي عضو ولكن أتمني إن الحال يتعدل وكلكوا عارفين إنه مش مظبوط
أكن احترامي لكل الأعضاء عامةً وبعضهم خاصةً واتمنى الإصلاح
Thanks
Eng.Sherif Shaker
-
عندك حق في كل كلمة قولتها .....التذكرة مفيدة للكل و أنا أولهم ....جزاك الله خيرا يا باشمهندس
-
قبل اي حاجه حمد الله على سلامتك وعودا حميدا يا باشا
وكل سنة وحضرتك وكل الاعضاء بخير
والله لو زعلان فده حقك ..
لان كلنا مضايقين من حال المنتدى في الفترة السابقة ..
بس اظن اننا قررنا نخرج من الحالة دي وخلاص .. لاننا جميعاً اكبر من كده.. والجاي احسن باذن الله تعالى ..
مع احتفاظ كل واحد برأيه ... :)
تحياتي
-
يا باشمهندس زي ما كنا اتكلمنا في الموضوع ده في المقابله
المشكله ان فيه ناس بتشوف ان عربيتها هي احسن ما في الوجود
و ناس بتشوف ان الفرقعه دي بتجذب الانتباه و للاسف فعلا بتجيب نتيجه و تبقي النتيجه معروفه للكل بس البيه بيقاوح
و ناس لو حد اعترض عليها او قال كلمه مش عاجباه سيل الشتائم و الكلام اللي ملوش لازمه ينطلق في وشه
و ناس متربصه بناس تانيه تلاحقها في كل موضوع
شكاوي بالهبل
و نفسنه بالهبل برضه
حاجه تزعل الصراحه
فين ايام المنتدي اما كان هادي و جميل
ساحه لتبادل المعلومات
تصدق ساعات بحس بانقباض وانا داخل مع اني مقدرش افوت يوم الا لما ادخل
بس بقيت احس اني متضايق
فيه فعلا شخنات زياده بس مستخبيه و احيانا تظهر
عامه اتمني ان كل ده يروح مع نسائم رمضان
و النفوس تهدي
و الكل يفتكر اننا اخوات
و الا هييجي اليوم الا تبقي فيه المقابلات لتصفيه الحسابات و الناس تروح تتخانئ في الربوه :(
-
يا رجالة حلينا نعيش حياة في اللذيذ و بلاش مشاحنات و خناقات مفيش حاجة مستاهلة و كفاية شكاوي بقي قسم الشكاوي اتهري:d
-
be koooooooooooooooooooool
-
-
اكيد فيه حاجة غلط واضم صوتى لصوت نايل ستورم ان المنتدى فقد كتير من هدوءه ومش عارف هل بقت المعلومات المفيدة قليلة ولا من كتر المواضيع الفارغة تاهت
-
انا مش شايف ايه حاجة غلط ، انا شايف جو حوار عادى جدا
لكن ببساطة اللى شايفه ان سبب ظهور هذة الخلافات بحجم اكبر بكثير من حجمها الحقيقى هو تدخل اطراف تخجل من المواجهة والتصريح بما قوله فتلجأ لتلميحات لا لزوم لها على الأطلاق
مع ان الطبيعى ان لما حد ميعجبوش حاجة معينة يقول بصراحة انها مش عاجباه ويحدد اسبابه وتتم المناقشة وكل طرف يدلى بدلوه، وكل رأى له انصاره ويبقى الخلاف بعيد عن العلاقات الطيبة بين اطرافه
لكن الكارثة الكبرى هى من يهوون الصيد فى المياه العكرة و يلقون بكلامهم كله جزافا وتلميحا ليشعلوا الخلافات اكثر وعندمايشعر شخص ما بأن التلميح موجه اليه ويشكو من ذلك فأن اسهل ما يفعله صاحب التليمح هو ان يقول(والله ما كان قصدى عليك) ، والغريب ان هؤلاء عادة ما لايكونون طرفا فى اى خلاف، لكن يظهرون فجأه فى منتصف الخلافات بلا داعى لكى يلقوا الأحجار على ما ركد من مياهها لتتحرك وتحيا، ولا هدف لهم من هذا سوى الظهور وحقيق مكاسب لاعلاقة لها بالخلاف الأصلى او التنفيس عن اشياء بداخلهم لا يعلمها الا الله وهم
لو اختفى هؤلاء فستبقى اجواء الخلافات صحية وديمقراطية، لذلك فهؤلاء هم من يستحقون ان تبحث عنهم وتوجه لهم كلامك فهم سبب تضخم الخلام، لكن الخلاف فى اطار حضارى هو طبيعة كل المجتمعات المتحضرة
ملحوظة بسيطة: كان يمكن لادارة المنتدى انهاء كل هذة الخلافات بحذف مواضيعها نهائيا بكبسة زر واحدة، ومع ذلك فان المواضيع بقيت بخلافاتها ونقاشاتها واقتناع كل طرف بما يراه دون اخلال بالعلاقات الطيبة، ولذلك فانا اوجه كل الشكر لادارة المنتدى على هذة الروح الديمقراطية التى اتمنى ان تستمر
-
يا جماعة مواضيع الشكوى من أحوال المنتدى بأت كتيرة اوي اليومين دول.. بدل ما نهدر وقتنا في كتابة مواضيع شكوى طيب ما تيجوا نصلح. ماهو المنتدى ده احنا.. يعني احنا اللي بنبوظ و احنا اللي هانصلح و المنتدى مش هايقوم غير بينا.. ما ينفعش نفضل نلقي باللوم على بعض و كإننا احنا الملايكة اللي مش بنغلط و "الناس التانيين" همه اللي وحشين و مبوظين المنتدى.
الكلام مش ليك بالتحديد يا باش مهندس.. الكلام عام و يار يت فعلا نبدأ نصلح من أنفسنا عشان ينصلح بينا المنتدى.
Content Relevant URLs by
vBSEO 3.6.0 PL2