الموضوع: انت بتركن ليه تحت البيت بتاعي-مقال لظاهرة صعبة ف الشارع المصري

انت بتركن ليه تحت البيت بتاعي

الصراحة الموضوع ده منتشر في مصر فقط دون جميع دول العالم
كل واحد جايب تحت بيته عمودين حديد وجنزير وقافلك الرصيف وعاملهاك الباركينج بتاعه واللي تلاقية مثبتلك عمود بقفل في الارض واللي يحط براميل اسمنت واللي يخلي البواب يمشي الناس اللي بتركن مكانه واللي يدخل عربيته في مدخل العمارة واللي يطلع فوق الرصيف واللي يخرب جنينة ولا يقطع شجرة عشان يركن مكانها و.............
وتلاقي ناس في غاية الابدع في موضوع الركن ده
اصلا هي دماغه واقفة علي طول عمرها ما اشتغيلت غير في موضوع الركنة
والراجل الغريب عن المنطقة ودخل ركن مكان واحد يرجع يلاقي كاوتشه مفسي واللي مجرحله العربية واللي ركن عليه صف تاني وطلع نام في بيته ومش عايز يخرجه واختراعات في الانتقام والاذية والغل
وفي ناس عندها كيف انه عايز يبص من الشباك يلاقي عربيته تحت البيت طاب ماتخدها في حضنك احسن
طاب يا ابني هو ده شارع بابا – منطقة ماما – حديقة تيتا مش فاهم هو بيعتبر تصرفه ده ايه انا مش فاهم
طاب انت لما جيت انتقمت مني لما ركنت مكانك

وانت رايح شغلك بتركن ليه بقي مكان اصحاب العمارات اللي حوالين شغلك ما هي هي نفس الفكرة وانت خارج مع اصحابك بتركن ليه مكان سكان المنطقة وانت رايح مول ولا فرح ولا فندق ولا مستشفي ولا نادي
وانت رايح الرحاب ليه بتقرف وتركن مكان السكان اللي سابولك ام البلد ودفعوا دم قلبهم عشان يسكنوا هناك برده وراهم وراهم

ده انت بجح وتنح يا اخي

ليه بتركن مكان السكان !!!!
ابوس جمجمتك الفريدة من نوعها فهمني اصل فهمي علي ادي !!!!!!!!!!!!!!!!!!
بص يا تلميذي ( انا بعتبرك تلميذي لانك لا ترتقي ان تكون في مقامي )
انت تعاني من انعدام وجود الفص الايمن من المخ
لقد حرمت نفسك من استخدام هذا الفص من المخ فقعد يتقلص يتقلص لحد ما راح وتلاشي
(زي فكره السمكة لما قعدت تعوم وبطلت تمشي علي رجليها لحد ما رجليه قعدت تصغر وتلاشت وبقت ديل )
( وزي فكره الزرافة لما قعدت تشب عشان تاكل من الشجرة فراسها طولت )
غير اصابتك ببعض الامراض النفسية ( ان لم يكن كلها ) التي تجعلك خطر علي المواطنين الطبيعيين الامنيين
لذا ارجو ان تدعوا بهذا الدعاء حتي يشفيك الله ويرحمنا من بلائك
( ربي إِنْ لَمْ يَكُنْ بِكَ غَضَبٌ عَلَيَّ فَلاَ أُبَالِي وَلَكِنَّ عَافِيَتَكَ هِيَ أَوْسَعُ لِي )
تلميذي انك من المفسدين في الارض
الهاتكين لحرمات الناس الاصحاء عقليا ونفسيا
اتعلم انك لا تفهم مفهوم الحرية وما هي حدود كل شخص في مجال حريته
وانك تبغي علي حريه الاخرين
والحرية دة اللي بنتكلم عليها مالهاش علاقة بالحكومة والسياسة
ده الحرية الطبيعية التي اوجدها الله في فطرة الناس
السؤال بقي هل كان اباك يعذبك وانت صغير هل كانت امك تحرمك من لعبك
هل كان اخاك الكبير ياخد لعبك هل كنت تنظر الي الاطفال الاغنياء بامتلاكم لعب كثير فقررت تمتلك الرصيف او الشارع لتعويض نفص فيك هل كانوا يبيعون لعبك وانت صغير فتصي من النوم متلاقيش اللعب فزادت عندك حد الخوف والهلع فبقيت تركن عربيتك تحت الشباك عشان كل شويه تبص عليها
مش عارف ايه هو التحليل المضبوط لهذا السلوك العجيب
ارجو ان تزور دول العالم الخارجي وتري تصرفاتهم تجاه ركن العربيات
صدقني هتحس بضئالة نفسك
ندعو الله ان يشفي كل مريض
وان يرحمنا برحمته وينير للناس بصيرتها

نحو مجتمع افضل

برده الموضوع قلب دين في الاخر

عودتكوا بالعافية