ياجماعة ياريت حد يفيدني لاني محتار خااالص انا معايا جيتا 2009 عاملة 68000
اغير زيت الفتيس ولا لأ ...
عرض للطباعة
ياجماعة ياريت حد يفيدني لاني محتار خااالص انا معايا جيتا 2009 عاملة 68000
اغير زيت الفتيس ولا لأ ...
طبعا لازم تغيره وبسرعة لأن الفتيس كده ممكن يبوظ
زيت الفتيس الاوتو بيتغير كل 30-60 ألف كيلو حسب العربية او سنتين ايهما اقرب ولابد ليك انك تغيره....
تحياتي
Sent from my LT18i using Forum Runner
تسلمو يا رجالة بس ليه ناس كتير بتقول انه time life وبالعكس تغييره مش كويس
فعلا زيت الفتيس الأوتو بالذات بيتغير كل من 30-60 الف كم او كل سنتين زي ما قال د/ حازم
ودة هيبقي واضح في الكتالوج بتاعها
زيت المانيوال هو اللي يمكن فيه شوية كلام
الزيت اعتقد عند فتح الباب ب170 الكيلو
اهم حاجة لو هتجيب زيت تتأكد انه الأصلي بتاع فولكس
في موزعين كتير اوي للزيت دة (اي تاجر كبير لقطع غيار فولكس - او اسكودا)
تحياتي
خليك في الهاشميه في أحمد سعيد بيبعوا الأصلي والكيلوا بحوالي 250 جم
الف شكر ليكو يا رجالة
بس واضح كده اني فعلا لازم اغير زيت الفتيس لاني باثق في كلامكم جدا
وكمان واضح ان التوكيل مبيفهموش حاجة ونصابين
اللي خلاني اطلب النصيحة ان على 64000 كده الفتيس نتش تلات اربع ايام وسمعت في مرة خبطة جامدة وكان الفتيس مور وبقى على ال n
بس اللي سكتني ان الفتيس رجع طبيعي خالص وكشفت عليه كمبيوتر عند واحد عندنا وقالي متقلقش خالص تلاقي الفالف علق ولا حاجة
كدة تبقي في بدايات الموضوع فروح بسرعه وغير الزيت علشان الموضوع ميكبرش ويبقي زيت بس
وياريت لو كمان تفك الفتر تنظفه
علي وجه السرعة..غير زيت الفتيس والفلتر معاه..إوعي تنسي الفلتر
بجد يا رجالة الف شكر ليكم كلكم على النصيحة وانا هاغير الزيت والفلتر ان شاءالله في اقرب فرصة
وياريت لو حد عنده خبرة كبيرة يتطوع ويحط موضوع عن ةتغيير زيت الفتيس ويثبته عشان في ناس كتير بتمشي ورا التوكيل اللي بجد منه لله
يا ريت تحكلنا تجربتك عن تغيير الزيت اشتريته منين وغيرته فين ؟؟
طيب والمانيوال نفس النظام ولا يتزود وخلاص؟
كيلو الزيت الاصلى ب ٢٥٠ جنيه و هتاخد ٤ كيلو وغيير الفلتر بحوالى ١٥٠ جنيه
أنا غيرت الزيت Jetta 2009 على 40000 كيلو
حطيت زيت أقل جودة موبيل و مشيت نصف ساعة بهدوء ونزلت الزيت (لغسل الفتيس و البلوف)
و بعدين أستخدمت الزيت الأصلى سعر الكيلو 225 جنية مع تغيير الفلتر (مصفة الفتيس) و جوان جديد للكارتيرة الموضوع مأخدش نصف ساعة أستخدمت 4 كيلو
عارف أنى موسوس بس أنا بحب العربية تفضل بحالة الزيرو
حافظ على الفتيس و لازم تغير زيت أصلى فقط
منين أجيب زيت الفتيس الاصلي
محلاته فين بالضبط
العربيه جيتا 2008
هو انا اعرف الزيت الاصلي ازاي
انا كنت سألت في فرع من فروع ليكوي مولي قالوليلي ال atf سعر الكيلو 55 جنيه والماني طبعا
ازاي بقى ب 250 جنيه؟؟؟ وهل الليكو مولي ممكن استعمله
لو عاوز تبقى فى المضمون خصوصا فى موضوع الفتيس, فيه واحد اسمه احمد زاهر كل ورش فولكس تقريبا عارفاه متخصص صيانة فتيس الفولكس, ولما فيه حوار فى الفتيس بينصحوا انك تروحلوا. او ممكن تستسهل و تروح على هانى سمير فى الاربعين.
زيت الفتيس الأضمن هتلاقيه عند اشرف الشهابى فى دمشق و هيقولك تجيب اد ايه و تعمل ايه بضبط ,و هوا راجل محترم و مبيبعش غير الأصلى, يعيبه بس غلو قطع غياره. الاختيار الثانى هوا الهاشمية فى العباسية. فتح الباب لا انصح بالتعامل معاه بتاتا.
الأخ البيسأل على ليكوى مول, حرام عليك يا راجل,عربيات فولكس ليها زيت فتيس الخاص بيها و كما ليها مياه تبريد خاصة بيها.
يبقي كتر الف خيرك
ابعتلي العنوان و نمرته من فضلك علي الخاص
مين هاني سمير ده اللي في الاربعين
سمعته كويسه ده ؟!
اعذرني بس مليش في الالماني خالص !
بصراحة يا باشا متعاملتش معاهم, و انا عملت موضوع فى قسم الفولكس فيه اسماء و اماكن الورش و المحلات الاتعاملت معاهم و انطبعاتى عنهم.
ده رقم احمد زاهر اخصائى الفتيس ال فى صقر قريش فى المعادى: 01002221256
و ده رقم ورشة هانى سمير الفى الاربعين: 01000057808 - 01222278741 - 01222354589
سيدى العزيز
حالاً عليك بالتغيير ان لم تكن فعلتها فاكثر ما اصاب الناس بالحيرة هو فتيس الجيتا اللى بيتغير اكتر من زيت الموتور والسعر من 26000 جنيه وبعد بحث ولف وحرفيين وتوكيل توصلت للأتى
1 - يجب تغيير زيت الجيتا الاوتوماتيك كل 50000 كيلو بحد اقصى علشان اكتر من كده فى مصر هيكون شكراً
2 - حاول على قد ما تقدر متهبدش الفتيس ده فى الغيار علشان حنين قوى
بالتوفيق
شوف يا سيدى زيت الفتيس لازم يتغير وفى نقطه انت واغلب ملاك الفولكس الجديد مش واخدين بالهم منها لانى انا وقعت فى الخطأ دا والميكانيكى الى بتعامل معاه فهمنى اتعامل مع الفتيس ازاى فا لازم وحتمى وضرورى
انك لازم تمشى على الفتيس وهو مانيوال وتنقل النقلات على ار بى ام وهو على 3 ولازم تمشى مشوار طويل وحلو فا انت جرب دى وبعدها رجع الفتيس اوتو هتلاقى ان النقلات اختلفت خالص وان العربيه بقت انعم بكتير من الاول وانا لما بكون مسافر بعمل دا وبمشى بالعربيه مانيوال على الطريق فا دى نقطه انت تخلى بالك منها وزيت الفتيس انت تغيره مع الصيانه الجايه وادامك حل من الاتنين يا تحط زيت الفتيس الاصلى الى بيمشى ل 70 الف كيلو او تحط الزيت الى بيمشى 40 الف وانت وظروفك واتمنى انى اكون قد افدتك
لم أجد قطع غيار للسيارة عند الهاشمية و قالى ان عنده موديلات حديثة فقط و نصحني بالشراء من الشهابي
باشا أخر تعامل مع الهاشمية يجى من سنة كنت بجيب منو قطع غيار للبورا بما انها بتاخد نفس قطع غيار الأوكتافيا a4 و ديه فيه منها موديلات لغاية 2008 عادى.
الأنا فاهمو الحضرتك معاك باسات قديم, تخوفى انك احتمال متلاقيش كل حاجتها عن الشهابى, و لو لقيت هتلاقيها حراقة اوى هناك, حاجات الموتور و الفتيس واحدة و مشتركة مع البورا و الأوكتافيا, حاجات العفشة و الفرامل هيا المختلفة. رايى تتمشى فى دمشق و تسأل بس نصيحة ابعد عن فتح الباب. فى واحد اسمو حاجة فورد و شغال فى الفولكس, ده موجود فى شارع داخلى و انتا مشى فى دمشق, قبل متوصل للشهابى يجى ب 50 ولا 100 متر (الشهابى هيكون على شمالك لو وصلتلو) هتلاقى شارع يمين داخلى, اول متخش هتلاقى الراجل على الشمال, اعتقد حاجاتو كويسة.
فى بردو واحد موجود ورا السلاب مدينة نصر, تمشى فى مكرم وتخش يمين قبل السلاب, هتعدى التقاطع و هتلاقى جامع على شمالك, تعدى الجامع و تخش شمال بعد الجامع مباشرة,هتلاقى محل على اليمين متخصص سكودا و ممكن تسأل عندو بردو و حاجتو كويسة.
الماكينات لا تعرف ماركات
لكن يفرق معاها معايير ومواصفات
يعنى لو مواصفات الزيت الأصلى للعربيه موجوده فى فولكس فقط تبقى فولكس اخترعت نوع زيت جديد
بس حتى لو ده حصل لازم يعدى على نفس الهيئات المختصه بالمعايير عشان تصنفه
محدش يعرف نوع الزيت الأصلى ومعيار الجوده ليه