الموضوع: كنت امبارح فى انترفيو - ياريت اخوانا المبرمجين ينضمو لينا

هقول لك ‘نت تستلم الشغل لو المرتب عجبك ماشى لو الشغلانه على هواء اوكى استمر ولو ماعجبتهمش لأن العين هتبقى عليك شويه هما الىى هيسيبوك خلاص ودور على غيرها و بالتوفيق

سعيد جداا بردودكم - و كده انا مجبر انى اقولكم شويه معلومات زياده شويه
اولا انا مش صغير انا بقالى فى الشغلانه دى 9 سنين تقريبا و متفهم جداا مطلب البرزنتاشن دى و اهميه ان يبقى عندى مرونه انى اتعلم حاجات جديده - انا اعتراضى على الموضوع نفسه
يعنى مثلا كان ممكن يطلب منى برزنتاشن عن اسلوب n tiers مثلا او اى تكنيك بنشتغل بيه مثلا
اهه حاجه اقدر اتكلم فيها باسلوب علمى وواضح و حيبقى فيها رسومات و شغل و انا شخصيا عملت قبل كده برنتاشن فيها و عرضتها على زمايلى فى ميتنج فى شركه سابقه
لكن موضوع يبقى عن " صفات المبرمج الناجح "؟؟ موضوع مقفول و نوعا ما حيقلب لموضوع تعبير من بتوع العربى بتاع زمان !!!

مثلا انا من اكتر الانترفيوهات اللى افتخر بيها كان انترفيو فى ميكروسوفت دبلن , ايرلندا
كان الا انترفيو عن طريق الموبيل و بعد كده نسقت معاهم مواعيد امتحانات تيكنيكال على كذا مرحله علشان يبعتهولى فى وقت محدد و احله فى خلال ساعتين و ابعت الرد عليهم و نجحت فى ده كله لكن سقط فى اخر امتحان تيكنيكال معاهم للاسف كان امتحان عن Testing skills (حتى انا كنت عامل موضوع بسأل فيه عن المعيشه فى دبلن ازاى) - لكن طول فتره الانترفيوهات و الامتحانات بتاعتهم (الحوار ده اخد شهر تقريبا) كنت فعلا بستفيد و حاسس بقيمة كل سؤال هما بيقلوهه
لكن بصراحه معظم اسأله حسيت فيها بأستعراض عضلات - يعنى مثلا كان بيسألنى نصا كده "اخدت ايه فى الكليه "
طبعا كنت بعصر دماغى علشان اقوله اسماء المواد - فقولتله كومبايلر
يقولى اخدت ايه فى الكومبايلر --- ده ايه الرخامه دى ياجدع هو انا لسه متخرج امبارح !!!

ثانيا بقى انا كنت زمان بشتغل فى شركه و الشخص ده (اللى عملى الانترفيو - اسمه ابو بكر على فكره ) كان شغال فيها و سابها من قبل ما انا اروح هناك - يعنى احنا الاتنين ما اتقبلناش قبل كده لكنى كنت بسمع عنه كتير لأنه كان من ركائز ادارة الشركه دى - الشركه دى كان فيها مشاكل اداريه كتير ملخصها دون الدخول فى التفاصيل ان الاداره كانت بتتعامل بحجم هى مش قده و بتبنى احلام فى الهواء و بتفترض صحتها و تتعامل على اساسها
طبعا الشركه دى اتقفلت لأنها ماقدرتشى تقاوم الازمه الاقتصاديه اللى حصلت فى 2008
و بصراحه انا حسيت فى شخصيه الراجل ده نفس مشاكل الاداره اللى كنت بلمسها فى الشركه اللى اتقفلت زى الاستعراض و الغرور و حفظ كلمتين نظرى و التنطيط بيهم بصرف دون الاهتمام بتطبيقهم و دون الاهتمام بالحجات الجديده اللى بتنزل كل يوم