-
عايز اشترى عربية
المبلغ المتاح / من 40 لحد اقصى (43)
نوع العربية / مستعمل
إمكانية التقسيط فى حالة الزيرو / يفضل بدون تقسيط
خبرتك فى السواقة وسكك الصيانة / جديد
شكل العربية / هاتش باك ولو عربية بشنطة مش فارقة
الموديل / فوق ال 2000
إستخدام السيارة فى الاغلب / داخل المدينة
انتقالاتك بالعربية / فى الاغلب لوحدي وأحيانا معاي ناس
الكماليات المرجوة / جميع الكماليات
إستهلاك البنزين / يفضل قليل
قطع الغيار / فى المعقول
اماكن الصيانة / ممكن ميكانيكية - يفضل الاتنين
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة قة
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ............
ملاحظات اخرى / أنا أول مرة بفكر اشتري عربية ، بس اصبحت ضرورية في حياتي علشان اروح بيها الشغل كل يوم وبعد كده الكورسات بتاعتي ، بس انا قلقان اشتري عربية وتكرهني في العربيات بعد كده ، انا معنديش اي خبرة في انواع العربيات ومودلاتها وايه هي السنوات اللي بتكون فيها بعض الموديلات أحسن من غيره ، بس المنتدى افادني كتير اني اكون فكرة مبدئية عن العربيات ... انا ميال لعربية بدون اي خبرة هوه بس مجرد احساس انها عربية كويسه ( كيا-ريو) ، ارجوا النصيحة من فضلكم
-
الاختيارات دي من وجهة نظري شخصيا وترتيبها على حسب الاولويو
كيا (شوما (أفضل) - سيفيا ) 1999 2002
دايو نوبيرا 1 أو 2 مو 1998 حتى 2004 ممكن عاى حسب الحالة
لانوس (بس شخصيا مش بحبها لقلة امكانياتها وانها ضيقة وسعرها زي سعر العربيات الفول اوبشن اللي فاتوا)
-
تمام يا باشا ، بالنسبة للكيا ، اخبار قطع الغيار ايه ؟ ، سعرها وتوافرها في السوق ، وايه رأيك في العربيات الهاتش باك زي البولو ، الباليو ؟
-
بالنسبة للكيا قطع غيارها موجودة ف اي مكان وبنفس اسعار دايو
بس ان كماليات الشوما مش هتكون موجود ف كل المحلات بس كدا بس حاجتها موجودة ف كل مكان حضرتك تقول انت من فين وادخل قسم كيا رجالة كيا هيقولو لك على اقرب المحلات
اما بالنسبة للبولو او اي حاجة تانية انا رديت ف حدود معلوماتي ومحبش ارد عن حاجة معرفهاش
العربيات دي اسئل حد يكون ركبها او عارفها انا بتكلم على الشعبي والسوقي بالدرجة الاولى
وربنا يوفقك
-
-
لو سمحتم ايه رأيكم في الهيونداي أكسنت ، إيه أهم مميزاتها وعيوبها ؟
في عربية Hyundai Accent LC موديل 2005 بتعمل 47 ألف ، رأيكم ايه في السعر ؟
-
لو مكانك هجيب a113 فابريكة برا و جوا و عداد قليل ف حدود 40 ألف
-
مجرد رأي مش أكتر
و متستعجلش و دور على مهلك
Content Relevant URLs by
vBSEO 3.6.0 PL2