-
يا باشا دا مصر عندها ثروات مش موجودة في اي حته بس اللي يعرف يستغلها صح
انت عندك تلت اثار العالم وعندك شواطئ بحر احمر وشواطئ بحر متوسط , لو اشتغلت علي دول سياحة بس حتبقي اغني دولة فى العالم
بس حط بقي امن وامان واعمل منتجعات علي اعلي مستوي ومتاحف عالمية واحترم اثارك وحطها فى اماكن خمس نجوم وانت تدخل عمله صعبة وانت قاعد زي الباشا
-
ما يمكن عندنا بترول بس لسه لم يستكشف بعد
-
نقطة فى لغز الموضوع .... الكثافة السكانية
نقطة قاتلة لو لم تستغل جيدا
-
ان الله يرزق من يشاء بغير حساب
-
احنا عندنا ثورة بشرية كبيـرة واغلي شئ
لكن المشكلة اننا مش بنثتثمر ده
مجرد رأي ..
-
مين قالك ان احنا ما عندناش بترول
سينا مليانة - الصحراء الغربية مليانة - ابار فى البحر و حاجات لم تستكشف بعد
غير كده بجد مصر فيها كمية موارد طبيعية - و سيبك من البشرية خالص - لو اسُتغلت صح بجد مصر هتبقى من اقوى 10 اقتصاديات فى العالم
اذكرلك منهم الى انا اعرفه - رمل السيليكا بيتصنع منه كل حاجات الكترونية حاليا اجود انواعه موجوده فى سينا
الرمل الاسود - معرفش بيتعمل بيه ايه بالظبط بس حاجات كتيره يعنى
فوسفات - نحاس - دهب - حديد
فى مادة فى سيناء مش عارف اسمها ايه بالظبط بيتصنع منها طلاء الصواريخ و كان هايتعمل عليها مشروع كبير جدا من كام سنة بس اتوقف بسبب وزاره البيئة و ان المشروع ده عشان هياخد ماسورة مياه من البحر الاحمر هيبوظ البيئة البحرية فيها - قمه الاسبهلال و التعنت بصراحة -
ده غير الاراضى الصالحة للزراعه عندك
غير كمية الاشعاع الشمسى المنتشر فى مساحة مصر - سرعات الرياح الى موجوده فى بعض المناطق
بتقع على بحرين و فى وسطها نيل - بغض النظر اننا بنستورد مأكولات بحرية يعنى -
و فى حاجات تانية كتير كده فى مصر بس انا مش فاكرهم دلوقتى بالظبط بس امكانيات كتيره جدا جدا جدا جدا و لا تستغل اى استغلال اساسا الى احنا بنعملة ده هرتله مش استغلال خصوصا فى السياحة
Content Relevant URLs by
vBSEO 3.6.0 PL2