سلام عليكم ياشباب
كنت عايز أخد رأيكم فى موضوع بشكل عام
لو انت محتاج 4 حاجات ومعاك مبلغ مايكفيش.. وقدامك اختيارين : اما تشترى ال 4 حاجات تقسيط أو حاجة واحدة منهم كاش.. تقسط 4 ولا تكيش 1 ؟
عرض للطباعة
سلام عليكم ياشباب
كنت عايز أخد رأيكم فى موضوع بشكل عام
لو انت محتاج 4 حاجات ومعاك مبلغ مايكفيش.. وقدامك اختيارين : اما تشترى ال 4 حاجات تقسيط أو حاجة واحدة منهم كاش.. تقسط 4 ولا تكيش 1 ؟
على حسب نوع الحاجه واهميتها وظروف القسط , يعنى حيبقى اد ايه فى الشهر وعلى مدة اد ايه وغيره.
اعتقد حضرتك اللى المفروض تحدد وتوازن بين احياجاتك و ميزانيتك, يعنى القسط حياثر عليك جامد ولا لا , هل حينفع اصلا ال4 قسط معاك , هل المقدم لو اتقسم على 4 حيخلى مجمل الاقساط اد ايه ؟؟
فى اسئله كتير حضرتك اللى المفروض توزنها. وعموما انا راى الشخصى ان لو الحاجه مش ضروريه قوى قوى يبقى ممكن تستنى لحد ما فلوسها تيجى.
والله المستعان.
محتاج و لا عايز ؟ فرق كبير
هو أنا باتكلم فى العموم ياباشا لأنى باشوف ناس كتير مدبسة روحها فى 100 قسط ومش عارف دول بيعيشوا ازاى..أنا شخصيا أفضل أشترى الحاجة كاش لو معايا فلوسها ..بس الناس مش زى بعضها عشان كده حابب أعرف رأى أكبر عدد من حبايبنا فى المنتدىاقتباس:
المشاركة الأصلية كتبت بواسطة ahmed_selmy
فرق كبير وكلام كبير مايطلعش الا من الكبيراقتباس:
المشاركة الأصلية كتبت بواسطة أحمد كمال
انا فاهم قصدك .. الاحتياج بيبقى ضرورة ملحة لكن عايز بتبقى رغبة قد تكون كمالية
لكن خد بالك هذا المقياس غير موحد عند الجميع.. يعنى أنا مثلا ليا واحد صاحبى حلم حياته يشترى أى فون 5 أبو 6000 جنيه وبيعمل شقلباظات عشان يشتريه ومحسسنى انه أمل حياته مع ان دى بالنسبة لى شخصيا حاجة أتفه من التفاهة وحرام أدفع 6000 جنيه فى أى تليفون مهما كان
مانا قصدي انت عايز الاربع حاجات و لا محتاجهماقتباس:
المشاركة الأصلية كتبت بواسطة محمد يوسف
يعني لو مثلا انت بتفرش بيت و بتتكلم في تلاجة و بوتاجاز و غسالة و تكييف يبقى انت محتاجهم .....
بس لو بتتكلم في Home theater و ايفون (زي ما انت قلت) و كده تبقى عايز .......
بطبعى محبش الاقساط يبقى حاجه واحده كاش احسن
كاش او جمعيات بس مش تقسيط مع البنك
و طبعا عشان ازنق نفسى فى التزامات (جمعيات) لازم الحاجه تكون اساسيه (مش ايفون مثلا) و يكون لازم اجيبها دلوقتى لان لو استنت ممكن تغلا او ميبقاش ليها لازمه بالنسبالى
أنا مبحبش حوار التقسيط ده..
بس مبحبش أتعامل بالكاش برضه.. فمقضيها credit حتى لو معايا المبلغ كاش..
لو الموضوع فى شراء اصل او عقار او حاجه حيفرق سعرها بعد مخلص القسط موافق انى اقسط طالما بدون فوايد
لو رفاهيات يبقى هفكر كتييير وبعدين كاش لو قررت انى فى احتياج ليها
كاش بكره حاجه اسمها قسط
طب ماهو الكريدت عبارة عن تقسيط مع البنك .. الا لو بتسحب من رصيدك يبقى كاشاقتباس:
المشاركة الأصلية كتبت بواسطة dede_dodo88
الشعب المصري بتاع الزنقه او زي مابيوقول لييلة الأمتحات
انا دلوقتي دايما بزنق نفسي عشان اعمل حاجه واحوش ومببعذقش الفلوس
وبالتالي ممكن تقسط ويبقي عندك 4 حاجات بدل حاجه واحده بس تظبطها عشان متزنقش نفسك بعدين وتضطر تبيع حاجه منهم بخساره
+111111111اقتباس:
المشاركة الأصلية كتبت بواسطة dede_dodo88
الكريدت غير التقسيط..اقتباس:
المشاركة الأصلية كتبت بواسطة محمد يوسف
التقسيط أنت مجبر تدفع أقساط دورية كل شهر مثلاً و لو التقسيط بفايدة فمش كل اللي بتسدده ده بيقلل من قيمة أصل المبلغ عشان في جزء بيروح لسداد الفايدة..
و حتى لو ربنا فرجها و حبيت تسدد باقي المبلغ دفعة واحدة ففي الغالب بيبقى في غرامة..
الكريدت أنا بشتري دلوقتي و بدفع بعدين براحتي
و بيبقى ليا فترة سماح أسدد فيها المبلغ بدون فوايد و لو عديت الفترة دي بيتحسب عليا فايدة..
و في الغالب بسيبه يحسب عليا الفايدة.. lol
بس الفكرة هنا أني مش مجبر أسدد في وقت معين + كده يعتبر أن معاك فلوس زيادة بمعنى أن الكاش اللي في جيبك لسة معاك بالأضافة أن ليك credit limit تقدر تستخدمه في أي وقت..
على فكره ناس كتير تحب التقسيط لانه بيطلع كمصاريف ومن رأيه انه لايشعر بالمبلغ زى ما بيدفعه كاش (مش هيفكروا فى الكاش حتى لو معاهم) فهيقسطوا الاربع حاجات
وناس تانيه لا تحب القسط نهائيا وانا منهم ولا حتى بحب الجمعيات :) ودول ملناش دعوه بيهم
وناس اصلا ظروف الدخل المحدود تضطرهم انهم يقسطوا مع ان نفسهم يشتروا كاش هيجيبوا كاش بالموجود معاهم وهيقسطوا الباقى
فأنا رأيى ان لو فعلا انت محتاج لحاجه ضروريه ولا يوجد كاش ممكن تقسط
لكن لو رفاهيه مثلا او حاجه عايز تجيبها وخلاص حب شراء لا اظن الموضوع محتاج انك تحمل هم القسط الشهرى لانك هتعمل له الف حساب
بكرة تندم يا جميلاقتباس:
المشاركة الأصلية كتبت بواسطة dede_dodo88
انا بقالي سنة باحاول اقفل ام الكريدت كاردز اللي فاتحة بقها
هييجي يوم هتكتشف انك 1- بتدفع فايدة جهنمية 2- جزء رهيب من مرتبك رايح لسداد الحد الادنى من البطاقات 3- اما بتسدد الحد الادنى الفايدة بتاكل اغلب الدفعة اللي انت سددتها و بالتالي اصل الدين محلك سر
اقتباس:
المشاركة الأصلية كتبت بواسطة أحمد كمال
هي دي فعلاً مشكلة ناس كتير مع كروت الأئتمان لأنها بتبقى مغرية و بتهرش في جيب الواحد كده عشان يستخدمها lol
بس الحقيقة الموضوع ده مش عاملي مشكلة و كل حاجة أنضر كونترول "under control" lol
بس طبعاً مبوصلش لمرحلة أني أبقى overlimit وللا حتى أقرب من الحد بتاعي,, يعني كل شهر كده برمي فيها مبلغ بس مبصفرهاش برضه..
بس مسيره يجي اليوم اللي أقرر فيه تصفير الكروت.. عشان نبتدي من الأول على نضافة lol
محبش الاقساط كاش كاش ثم كاش