عرض للطباعة
السلام عليكم ورحمة الله وبركاته
يا جماعة .... انا عندي مشكلة قرفاني ، ومش عارف اعمل ايه !!
العربية بعد ما بدورها بتترجرج جامد والدريكسيون بيترعش وحاسس ان في حاجة غريبة !،،
ومابتهداش الرجة جي الا لو زوت بنزين سنة ...، حتى لو العربية سخنة ، والمؤشر قبل النص برضو بتفضل تترج
كمان ساعات بتبطل مني ... مش عارف ليه !!
اروح لمين دلوني .... لا حول ولا قوة الا بالله ... اشحال انها زيرو :(
كل الماروتي كدا لانها كاربياتير
عادي اول ما تدور ترج وتطفي لازم تدوس شويه بنزين كدا لحد متبدا هه تسخن او تقف وبعديها تدور عادي
والرجه تقف الا لو الرجه الي بتتكلم عليها غير الي في دماغي
ده بيرجع لانها كاريباتير فبتاخد وقت على ما البنزين يوصل عكس الانجكشن
طب انا محتاج حد يكون معاه ماروتي وبيفهم فيها كويس ويجرب وشوف عربيتي ويقولي اذا كان ده طبيعي ولا ﻷ ؟
الان الرجة اللي حضرتك بتقول عليها دي بتحصل في الاول ماشي ، وبعد كده بتظبط ، وكان بيحصل معايا كده ، لاكن طول فترة التسخيييين بتترج وحتى لو المؤشر بتاع الحرارة راح قبل النص بشوية ، وتفضل برضو تترج ! .. ده طبيعيبرضو ، انا مش عارف !،،
بس انا بجد حاسس ان الموضوع ده جديد والعربية متغيره ومش مظبوطة معايا من ساعة ماغيرت الزيت موبيل وان 10000 في التوكيل وكمان لعبولي في الديبرياج ولما رحتلهم تاني معملوش اي حاجة جديدة .... روحت بيها لميكانيكي وقالي مافيهاش حاجة ...
بس انا دلوقتي حسيت انها بتترج اكتر من الاول ...
ممكن طيب عشان انا لسة كنت مركبلها كاسيت وسنترلوك وانزار؟.، ولا دول مالهومشي داعوة
انا مش عارف بصراحة
لاكن هرجع واقولك تاني ان الرجرجة دي مش بتسكت حتى ولو سخنت العربية لازم اطلع بيها !
وساعات وانا ماشي بتبطل مني برضو
متقلقش يا غالي .... دي مشكلة ظبط كهربة العربية , راجع مع التوكيل افضل .اقتباس:
المشاركة الأصلية كتبت بواسطة hhalawany
على الكهربا بتاعت العربية شوية و جرب كده شد الشداد بتاع البنزين على اقل درجة لو الرجة راحت يبقى لازم تعلى كهربة الموتور شوية
طبعا الكلام ده مش سليم 100% ولو العربية مظبوطه ولا بتترجرج ولا حاجة والكربيراتير فيه خزان بعوامه بيحوش البنزين لكن سبب الرجرجه الفعلي ان العربية 3 سلندر وده لو تسمع عن مصطلح عربيه متلته فعليا ماتورنا متلت علطول... ...اقتباس:
المشاركة الأصلية كتبت بواسطة mohamedhagrass
ايا كان...
لصاحب الموضوع حسام الغالي اللي مبيسمعش الكلام...
هههههههه
ياغالي عربيتك عايزه ظبط كهرباء ولانك مش هتسمع كلامي هتروح التوكيل وهتطلع بمشكلة جديدة!!
هههههههههههههههههه
بص ياغالي...
تشوف ميكانيكي فمنطقتك ويظبطلك الكهرباء وتخلص من القصص دي...
تحياتي
Sent from my LT18i using Forum Runner
فعلا انا لما برفع الشداد ده على اقل حاجة الرجرجة بتروحاقتباس:
المشاركة الأصلية كتبت بواسطة mohamed_mesho3
ههههههههههههههههههههههاقتباس:
المشاركة الأصلية كتبت بواسطة dr.hazem
حبيبي يا دوك والله ... وتوووووووبه اني اروح للتوكيل تاني خلاص
على العموم انا هاروح لميكانيكي واقله على موضوع الرجرجة دي .... :)
شكرا ليك ... تاعبك انا معايا انا عارف
التوكيل عليه اللعنة ، هو اللي خربهالي وروحتله بتاع مرتين ولا جديداقتباس:
المشاركة الأصلية كتبت بواسطة max100x
اروح هناك بدري جداااا واستنى 3 او اربع ساعات عشان في الاخر اما ماخرجش باللي انا عاوزه زي اللي الفات او اما تطلعلي مشكلة جديدة
توبه من التوكيل وغباءه !
وشكرا ليك يا باشا
سيبك من التوكيل أنا رحت لميكانيكى من يومين وعلى كهربة العربية وبقت تمام وأخد 10 جنيه :ma:
مبروووووووووك .. وعقبالي ان شاء اللهاقتباس:
المشاركة الأصلية كتبت بواسطة lidosasa
طب انت ماتعرفش حد في نطاق الجيزة !!؟؟
مش عارف انا من يوم ما جبت العربيهاقتباس:
المشاركة الأصلية كتبت بواسطة dr.hazem
لو ركنتها يوم مثلا اول ما اجي ادورها بترج شويه كدا ولو دوست كام دوست بنزين او مثلا شديت السخان سنه وسبته شويه يدوبك المؤشر يبدا يتحرك ترجع عادي لاكن مفهاش اي رجه تانيه ولا غيره
وشفتها تقريبا فكل الماروتي عشان كدا قلت انه الماروتي كلها كدا في بدايه التدويره فانا افتكرت
انه بيتكلم على نفس الحاله ده :D:D ومش فاكر قريت فين ان ده السبب
وبالنسبه لموضوع متلته ده !! نفسي اعرف مقصود بيها ايه ده :ma:
الماتور ال3 سلندر شوط الاحتراق 2 سلندر بيتبادلو مع واحد...اقتباس:
المشاركة الأصلية كتبت بواسطة mohamedhagrass
يعني حمل الماتور بيبقى على واحد ومن ثم اتنين ومن ثم واحد وهكذا وده مش موجود في العربيات الل سلندراتها 4 الا لو فصل بوجيه هتلاقي الماتور بيرقص...
تحياتي
Sent from my LT18i using Forum Runner
شباب ونسور السوزوكي
الحمدلله .. انا روحت لميكانيكي وظبطلي العربية عندو ، ومافيش رجة وانا بدور او وانا بفصل والدنيا نعمت والحمدلله
الراجل قالي انه ظبط الهوا !!! مش عارف ياعني ايه !؟
ومارداش ياخد مني ولا مليم .. وقالي انه ماعملش حاجة والموضوع اخد منه مش اكتر من 10 دقايق
الحمدلله
بس ياعني ايه ظبطلي هوا بتاع الماتور !؟؟
حدش يعرف !!
وشكرا
مسمار هوا الكربيراتير :-)اقتباس:
المشاركة الأصلية كتبت بواسطة HHALAWANY
مبروك عليك واستمتع بالعربية وادعيلنا...
تحياتي
Sent from my LT18i using Forum Runner