السلام عليكم
اسأل اساتذتنا الافاضل عن افضل سيارة مستعمله بسعر لا يزيد عن 75000 جنيه
هل حاجه كوري حديثه يعني كسر زيرو
ولا ياباني
مع العلم باني لايمكن تقسيط اي مبلغ أخر
وجزاكم الله خيرا
عرض للطباعة
السلام عليكم
اسأل اساتذتنا الافاضل عن افضل سيارة مستعمله بسعر لا يزيد عن 75000 جنيه
هل حاجه كوري حديثه يعني كسر زيرو
ولا ياباني
مع العلم باني لايمكن تقسيط اي مبلغ أخر
وجزاكم الله خيرا
على حسب انت عايز ايه
عايز ركوبه ملهاش حل بس قديمه وقطع غيار وميكانيكي يبقى بي ام تسعينات او فولفو او الفا روميو او سوبارو نظيفه طبعا
عايز تركب عربيه اعتماديه ورخيصه في صيانتها جدا وياباني يبقى ياريس او كوروﻻ قديمه شويه انا مبحبيش النيسان قرار ليك
عايز شكل واوبشن يبقى كوري
انت استخدامك ايه
حضرتك كاتب ثﻻث عربيات ملهمش دعوه ببعض خليني اشرحلك
اﻻنسر في الفئه اﻻعتماديه ناعمه وكويسه وقطع غيار رخيصه ومتوافره واعادة بيع حلوه
اﻷفيو متأسف يعني بسكلته وحرام تدفع فيها فلوس او تقارنها بالﻻنسر او الميجان
الميجان ركوبه تحفه بش قطع غيارها اغلى ومش اي حد بيفهم فيها وليها مشاكل شويه
انت عايز ايه وكنت راكب ايه وعايزها عيله وﻻ شبابي
متابع
اتفرج على النترا 2005 او 2006 اتو كامله في حدود السعر ده وحالتها هاتكون نضيفه
قطع غيار اصلي من التوكيل وبسعر حلو وكمان في كورى وفي تيواني وفي صيني يعني قطع الغيار متوفره والحمد لله
وكمان اعتماديه مصاريف صيانتها لا تذكر لو حالتها مش متهانه واي ميكانيكي فاهم يشتغل فيها
وبعدين شكل وقوه ومتانه وعن تجربه لان معايا واحده 2005 اوتو كامله
انا في نفس الموقف وبدور في نفس الرينج
وخياراتي حاليا هي الاوبترا موديل من 2007 : 2009
او لانسر مكوه 1300 موديل 2002:2003 او بومه 1300 2004 لان المبلغ ميجبش 1600
والعربية المفروض تكون عائلية واستعمالي يومي تقريبا 15 :20 كيلو
رأي الجمهور (اصحابي والصنايعية )اخليني في الياباني علشان مطلوب
ودماغي اخليني ف الاوبترا واسعه وعاليه وموديل احدث وربنا يكرم بعربيه متكنش متهانه وتعيش
ياريس
شوف الفورد فوكاس ٢٠٠٦ واحكم بعد ماتشوفها بكل ثقة عربية اعتمادية من الطراز الاول
السعر دا يجبلك اوبترا او صنى 2008 ممتازه
وممكن لانسر 2007 مانيوال وتكون برده حالتها حلوه
متتسرعش ودور بتأنى وربنا يوفقك
إركب الصني القديمة ومش هتندم
عفشة ناشفة شوية
بس في مقابل الثبات
موتور جبار وشكل كلاسيكي جميل
لو مش فدماغك الصني ارشحلك لانسر او أوبترا
انا ارشحلك الميجان ممكن تجيب حاجة من 2006 او 2007 يمكن احسن حاجة في السعر دة من حيث الركوبة و الامكانيات و ربنا يوفقك :tumb:
انا بفكر ابيع عربيتي ال فيرنا الأيامدي و هيبقى معايا مبلغ ف حدود 75 او 80 و محتار نفس حيرتك بس نفسي ف بيجو 307 بصراحة بس أي حد باخد رأيه بيقولي بلاش عربية مصاريفها كتير
متابع آرائكم بإهتمام
افضل حاجه حسب الحالة بس حسب السعر حاجتين يا صنى يا تيدا وافضل التيدا
صني او ياريس
بصراحه انا لو منك اجيب بيجو 406 الشكل الجديد (من 2000 لغايه 2004)
عربيه شيك جداا و محترمه و اعتماديه و ركوبه فخمه و هى سعرها اخره 70 الف
بس خد بالك العربيه دى كانت نازله بعيب صناعه فى الفتيس الاوتوماتيك فى الفتره من (2000 الى 2002) و اتحل فى الموديلات 2003 و 2004
لكن الفتيس المانيوال مافيهوش مشكله
لكن العيب الوحيد اللى فى العربيه دى هى انها 2000 سى سى و ماعرفشى حيبقى ايه نظامها فى الايام اللى جايه لو فعلا اتطبق نظام دعم البنزين ده
لانسر و اشترى دماغك هاتها و لو 1300 اوتو هربيه ركوبه و ناعمه و اعتماديه وواسعه و كل اللى انتا عايزو
اللانسر الاوتوماتيك ال 1300 تقيلة شوية في تسارعها وتقيلة كمان في بيعها
انت قدامك الخيارات التالية :
جولف 5 - ياريس - نيو اكسينت 2011 (الشكل اللي قبل rb) والناس بتشكر فيها قوي - إلنترا 2006 (واحد صاحبي جبها اوتوماتيك ب 63 بس بيشتكي منها) - مش هتلاقي لوجان اوتوماتيك بالسعر ده - نيسان الشكل القديم -
وممكن تزود 5 آلاف وتجيب الجيلي الامجراند زيرو والناس بتشكر فيها قوي بس مشكلتها انها مانيوال
الحمد لله ربنا اكرمني وجبت نيواكسنت 2008 فيتيس اوتوماتيك كامله فبريكة بره وجوه ماشية 60 الف
خلصتها الحمد لله ع 70 الف
هى ممكن هيواندى i30 تعملها كام اول فئة اتو وكمان نسيان تيدا هاتش تعملها كام وشكراً