سؤال وعايز اجابه ليه من متخصص او متعمق فى مشكلة الكهرباء الحاليه الى بتمر بيها مصر .
طبعا كلنا عارفين ان اغلب كحطات التوليه فى مشاكل من عدم صيانه وخلافه + عدم قدرتها مجتمعه على تغطي الاستهلاك المتنامى + نقص فى الوقود وده شىء مؤكد
فالسؤال هو ايه الى كان ممكن يتعمل فى الماضى القريب (من سنه مثلا) وحتى الى القريب العاجل للقضاء على مشكلة الكهربا الفظيعه الى بتمر بيها مصر؟؟
مش عايز كلام مرسل عايز افكار كانت ممكن تتعمل والدوله مقصره فى تنفيذها مع مراعاة الظروف الاقتصاديه الطاحنه فى ميزانية الدوله
بص انا مش متخصص ولا حاجه بس من اللى انا شايفه وفى اسكندريه بالذات ان ممكن وزاره الكهرباء والداخليه والمرافق يحلوا موضوع الكهرباء ده ويوفروا فلوس للبلد كمان .
عندنا فى اسكندريه كميه عمارات طالعه بدون ترخيص واحيانا بتكون عمارات قديمه دورين وبدون قرار هدم ولا بناء فجأه تلاقيها بقت 14 دور ويقوم صاحب العماره عامل مصالحه مع الكهرباء ومدخل كهرباء لل14 دور من غير ميدفع فلوس فى الترخيص ويبيع الشقق على حس ان اللى ليك انه يكون عندك كهرباء وميه وان الحكومه لو عايزه تعمل مشكله مكانتش دخلت كهرباء فى العماره وبالتالى الناس بتشترى الشقق ديه يبقى الحل وزير الكهرباء يمنع اصدار المصالحات مع البناء المخالف وبالتالى يجبر الناس تطلع التراخيص وتسدد الرسوم للدوله واللى بانى من غير ترخيص يدفع مخالفه ضخمه جدا جدا او يتقطع عنه الكهرباء ومع ضغط السكان عليه هيدفع وبتوع شركه الكهرباء مع بتوع وزاره الداخليه يشتغلوا زى ايام مبارك فى عمل محاضر سرقه التيار وتنفيذ عقوبات على المخالفين زى زمان واللى كانت بتوصل لحبس فى بعض الاوقات .
ممكن يكون ده حل من الحلول للمشكله لان بجد لما تسمع اعداد العماير اللى طالعه من غير ترخيص تحس فعلا اننا مش فى بلد فيها حكومه .
الى المفروض كان يتم من مثلا 5 سنوات هو البدء فى انشاء محططات جديدة و ربطها بالشبكة الحالية عشان تتناسب مع حجم الاستهلاك و تتربط مع شبكات دول تانية بحيث يشيلوا بعض سواء نصدر او نستورد
الى يحصل من سنه البدء برضه فى انشاء محطات توليد سواء من الرياح او طاقة شمسية ( عايزه ميزانية كبيره اه ) بس مفيش ليها صيانات كتيره ولا مصاريف تشغيل و ما شاء الله الشمس عندنا بتوصل ل 15 ساعه و اكتر فى الصيف و 10 ساعات و اكتر فى الصيف و عندنا اماكن فيها سرعات رياح اقتصادية جدا للانتاج
و فى برضه مصادر تانية لتوليد الطاقة الكهربائية منها مثلا امواج البحر ( عندنا منه 2 ) , حركة المد و الجزر للمياه - حرارة باطن الارض - طاقات بتتولد عن طريق مولدات مثبته على عمق 5:15 متر فى المياه و ممكن اكتر
كل دى حاجات تركبها و تربطها بالشبكة و لا بتحتاج صيانات كتير ولا ليها مصاريف تشغيل ولا اى حاجة خالص
و كان فى عرض من دول اوروبا ( اللى معندهاش شمس اساسا ) انها تعمل مشروع توليد طاقة شمسية فى الصحراء الغربية عندنا بالاشتراك مع ليبيا فى منطقة بحر الرمال الاعظم و التكلفه كلها عليهم و الانتاج نص لينا و الباقى ليهم - طبعا بالغباء المصرى المعهود رفضنا الموضوع ده او لسه البحث فى شغال المهم ان ممكن مشروع زى ده يتفتح تانى
طبعا فى حاجات تانية زى تطوير توربينات السد العالى و تشغيلها بكامل طاقتها - تطوير توربينات المحطات الى شغاله من ايام عبد الناصر
فى مصادر تانية للطاقة زى الطاقة النووية مثلا بس دى بتحتاج حوالى 10:15 سنه و ممكن اكتر عشان تعمل محطة واحده و مخاطرها كتير جدا كمصريين منقدرش على عواقبها لو حصل فيها مشكله لا قدر الله زى بتاعه اليابان كده ( الشعب كله هايموت من الاشعاع قبل ما يتخذوا اى اجراء وقائى )
طبعا فى الوقت الحالى احب اوجه الشكر للسيد رئيس الجمهورية ( الى مؤيدة بالمناسبة الا فى وقت قطع الكهرباء ) و السيد وزير الكهرباء ( على شغله الى مش شايفه صح ) و السيد وزير البترول ( على الثروات البترولية المنهوبة و انه مش عارف يوفر سولار و غاز للمحطات توليد الكهرباء ).
ده حل كويس برضهاقتباس:
المشاركة الأصلية كتبت بواسطة eslamrace
بس عيوبه ان الشرطه عندك حاليا نايمة فى ميه اللفت ( على رأى واحد صاحبى ) و ان المحافظة و الحى نايمين فى مياه البطيخ
لو المشكلتين دول اتحلوا هايفضل مشكله ان مفيش سولار ولا غاز المحطات تشتغل بيهم و مفيش ربط للشبكة مع الشبكات الدول المحيطة زى السعودية مثلا
حضرتك اعمل سيرش على محطة الكريمات للطاقة الشمسية :) انا كنت في المحطة من شهر وشوية :) المحطة دي بتولد كهرباء بكمية لا بأس ليها بس مش فاكر الرقم بالضبط :) ممكن تعمل سيرش عليه وتعرف :) احب اقولك المحطة واقفة بقالها سنة ونص :) مرتبات مهندسين شغالة مرتبات عمال شغالة مرتبات رئيس قطاع وكل الناس في المحطة شغالة :) ومحطة اتصرف عليها نص مليار :) خارج الخدمة ليه يا جماعة اصل مافيش مازوت :) مع انها محطة طاقة شمسية :) يعني مش محتاجة المازوت غير في مولد صغير جدا جوة :) يقولك لا مهو اصل مفيش مازوت :) ويبقى الحال على ما هو عليه :) ادي اول هام :) وممكن اوريك صور من المحطة :)
https://www.facebook.com/photo.php?f...5&l=1184573e56
دي صورة من قلب المحطة فيها كم معدات ومهندسين وعمال :) ولا حياة لمن تنادي :) مفيش حد طلع قال المحطة دي واقفة ليه طيب :) وكل عام وانتم بخير :)
-------------------------------------------------------------
محطة الزعفرانة للرياح :) ودي انا كنت فيها برضوا اسبوعين بالضبط :) احب اقول لحضرتك الهند بتولد كهرباء من رياح سرعتها 5.5 متر/ث وغنجلترا بتولدها من رياح سرعتها 8متر/ث :) احنا عندنا في مصر متوسط 12.5 متر / ثانية وانا لما كنت هناك كانت سرعة الرياخ 14 متر/ ثانية :) عندنا في مصر حوالي 700 توربينة لتوليد الرياح :) والـ700 كلهم معونات خارجية :) اسئل مدير المحطة المشروع بقاله قد ايه يقولي 10 سنين :) طيب هل احنا حاولنا نصنع توربينة واحدة حتى ؟ قالي بنصنع الريش :) يا فرحتي عندك 700 توربينة بقالهم 10 سنين :) معرفتش تصنع توربينة واحدة من A to Z :) الطم طيب ؟
منطقة الزعفرانة تعتبر من افضل الأماكل ( في العالم ) لتوليد الكهرباء بطاقة الرياح :) ومفيش حد من الحكومة قال يالله بينا نستثمر 10 مليار هنا ونصدر كهرباء او حتى نسيب الدول تزرع توربينات ويكون ليها 30% مثلا من انتاج المزرعة :) يا سيدي الفاضل احنا في كارثة :)
في 2010 كانت مشكلة الكهرباء في مصر نقص المحطات :) في 2013 مشكلة الكهرباء هو نقص المازوت :) مع انهم عارفين انه المازوت احنا لسنا اغنياء بيه ومازلنا بنصنع محطات مازوت :) يبقى العقل فين :) بالنسبة لموضوع محطة الزعفرانة ومحطة الكريمات انا مسؤول مسؤولية كاملة عن كل كلمة كتبتها وبصحتها :) ومعايا الصور اللي مصورها بإيدي :) مش ها اقولك على لسان حد لا الصور دي بإيدي انا ومسؤول عن اللي بقوله لحضرتك :) محطة الكريمات خارج الخدمة من سنة ونص من الشبكة مع انها محطة طاقة شمسية اصلا :) وبقت عبئ كمان انها بتاخد فلوس مرتبات ومتولدش اي حاجة تماما :)
نسيت اوضح لحضرتك انه يوم ما الناس قررت تفكر وتاخد خطوة :) عملوا مزرعة جديدة في "جبل الزيت" وبالمناسبة المكان ده اكتشفوا انه منجم رياح حيث انه متسوط سرعات الرياح السنوية فيه جبارة :) ويعتبر ثروة طبيعية مش عادية :) والمفروض انه يفتتح السنادي :) بس للأسف برضوا المشروع بمنحة خارجية :)
للأسف اخى الفاضل موضوع تصاريح البناء ده هيصطدم مع اغلب الشعب المصرىاقتباس:
المشاركة الأصلية كتبت بواسطة eslamrace
واحب اقولك ان قوانين البلد المعوجه تحبس صاحب الترخيص
والمخالف يعمل تصالح والغالب ما بيدفع فلوس
يعنى ابنى مبنى واعمل فيه اللى انت عايزه من مقاسات على مزاجك شيل جدار كبر مساحات وصغر مساحات فى بيتك محدش له عندك حاجه وفى الاخر محضر وهتطلع منه ببراءه واستمر
لكن لو انت مرخص وخالفت شىء صغير فى الترخيص ممكن تتحبس
لان عندنا بردوا موظفين الحى ناس ربنا مش هيبارك لهم وقوانين لا تصلح اصلا
يافندم انا بعمل ترخيص مصنع اقسم لك بقالى اكتر من سنتين مش عارف اطلع الرخصه علشان ادخل كهرباء 3 فاز بلد بتشجع على النمو
انا اظن الموضوع بتاع الكهرباء ده محتاج ضمير وصيانات وتجديد محطات
للأسف اغلب المهندسين فى مجالس المدن بيبصوا تحت رجليهم
يعنى وممكن كلنا بنشوفهم لو بيمدوا كابلات تليفونات مابيعملوا حساب القادم ان الاعداد بتزيد
قيس على ذلك المجارى والمياه ومنهم الكهرباء التخطيط بيكون فى اضيق الحدود
يعنى احنا ورثنا مشاكل وعندنا اللى مش عارف يحلها ابشروووووووووووا بصيف نارى
شكرا على الاجابه المستفيضهاقتباس:
المشاركة الأصلية كتبت بواسطة sayed911
بس المحطات الى حضرتك ذكرتها دى حجم انتاجها مقابل الاستهلاك العام كام تقريبا ؟؟
يعنى هل تشكل فارق كبير وتحل جزء عظيم من الازمه ؟؟
ياريت ارقام
اقتباس:
المشاركة الأصلية كتبت بواسطة algazar2
طب معنا كده حاجه من اتنين يا اما الرئيس والحكومه متخاذلين فى تنفيذ الحلول دى
يا اما فى معوقات كبيره جدا فى تفاصيل التنفيذ على المدى القريب
حقيقى مش عارف السبب !!!!!!
والغريب ان الرئيس عارف ده كويس جدااااااااا واتكلم عنه بالتفصيل كعالم ببواطن الامور ... المشكله فى عدم الشفافيه فى طرح المشاكل وحلولها على ارض الواقع بدل ما احنا عمالين نضرب اخماس فى اسداس كده
هو الحل الوحيد حضرتك ان يكون فيه شخص ناوي انه يصلح من احوال القطاع اللي هو فيه بدل ما منصب هاخده او وظيفة هشتغلها و اقبض عليها ويلا السلام
بالنسبة للواقع حضرتك ممكن مزارع رياح سواء ارضية او بحرية و زي ابو السيد ما قال
الطاقة الشمسية و العروض اللي اتقدمت فيها
ممكن نضع شرط على اي عمارة تتبنى ان اللي بيبني العمارة يعمل السطح كله الواح شمسية تشحن بطاريات تتوزع على الشقق للاستهلاك او تتوزع على خط معين مثلا النور و الاستهلاك الكثيف يكون على خط الكهرباء
تتوسع في اسخدام إضاءة ال led
ممكن تمنع البناء في داخل المدن و اي بناء يكون خارج المدن بارتفاعات لا تتجاوز ال 3 او 4 ادوار و المسافات بين الابنية بتكون واسعة علشان الناس يعتمدوا اكتر على التهوية الطبيعية عن التكييفات
مهو احنا بندور على حلول وعملنا ثوره وجبنا رئيس لسلطه تنفيذيه علشان اللى نايم ومش عايز يشتغل او مقضيها رشاوى يتم هيكلته والاستغناء عن خدماته وعلى فكره لو اى مؤسسه استغنت عن موظف واحد كبير بس علشان مش شايف شغله او استغل منصبه هتلاقى كل العاملين الصغيرين هيفكروا الف مره قبل ميغلطوا فلازم زى مالريس والحزب الحاكم بيدوروا على هيكله القضاء وسايبين جهاز زى الشرطه او وزارات زى الكهرباء والمياه والتموين والاحياء وغيرها يبقى اكيد فى حاجه غلط لان التطوير والنهضه فى اى بلد لازم تمشى على التوازى يعنى ننظف كل القطاعات فى وقت واحد والموضوع مش بالصعوبه اللى بيتم تصويرها الموضوع كله فى اختيار قيادات الاجهزه دي وتحديد تكليفاتهم ومتابعتهم .اقتباس:
المشاركة الأصلية كتبت بواسطة algazar2
واحنا بجد زى مالاعضاء وضحوا مش محتاجين نربط شبكاتنا باى دول عندنا اكتر من مصدر للكهرباء ما شاء الله متميزين وخيراتنا كتير احسن مواقع للطاقه الشمسيه واحسن مواقع لطاقه الرياح وبحرين وسد مائي وغيره فكل اللى محتاجينه انجازات بجد .
انا عارف المشاكل دى بس حلها بسيط جدا بدل مجلس الشورى مهو شاغل باله بقوانين متخدمش المواطن يصلحوا العيوب اللى فى القوانين دى وعمرهم مهيلاقوا حد يهاجمهم لما يعملوا حاجه زى دى تفيد الناس ولازم نقلل البيروقراطيه اللى انتهت فى كل الدول المحترمه وتسهيل المواضيع على اللى بيحاول يمشي صح ويظبط تراخيصه .اقتباس:
المشاركة الأصلية كتبت بواسطة طارق _عبد السلام
وعلى فكره مهاتير محمد فى المؤتمر بتاعه لفت نظرهم ان نهضه ماليزيا ابتدت بالاهتمام بالبنيه التحتيه وعمرها ماعتمدت على منظمات دوليه لاننا فى عالم دلوقتى محدش بيساعد حد مع العلم ان مواردنا وموقعنا احسن ماليزيا بس اللى عايز يعمل نهضه وبيفكر صح لازم هيوصل للى هو عايزه .
محطة الزعفرانة بـ700 توربينة في مكان واحد وبإصطاف حوالي 200 عامل ومهندس بيغطوا حوالي 20% من احتياج الشبكة العامة :) اعتقد رقم كفيل جدا يعرفك قدرة الرياح المستهان بها :)
ابو السيد التوربينة الواحدة كام ميجا ؟اقتباس:
المشاركة الأصلية كتبت بواسطة sayed911
فتح المجال امام شركات القطاع الخاص بصورة اكبر من كده في مجال انتاج و توزيع الكهرباء
5 مشروعات لانتاج الكهرباء يمولها القطاع الخاص بـ50 مليار جنيه - الأهرام اليومي
طبعا جاجة زي كدة كان المفروض تبتدي من بدري يعني سنتين علي الاقل
باختصار في زيادة سنوية في استهلاك الكهربة في مصر بمعني دخول احمال جديدة علي الشبكة .
نيجي بقي للمشاكل :
1- مفيش صيانة للمحطات .
2- المحطات مش بتشتغل بكامل طاقتها و ده بسبب نقص السولار .
3- مفيش محطات بتخش الخدمة .
4- نسبة الزيادة في الاستهلاك بقالها 3 سنين في معدلات عالية جدا .
مشكلة بقي انقطاع الكهربة دي حاجة اسمها load shedding و دي بنلجأ ليها لتخفيف الاحمال الطارقة علي الشبكة عشان ميقلش التردد و الجهد و تخرج المحطة برة الخدمة و ده طبعا لأني مينفعش اعلي بالتربينة مرة واحدة , انا بقي مش عارف اصلا اعلي بالتربينة لأن ولا عندي اللي يزود الطاقة المتوصلة للشبكة ومع زيادة الاستهلاك هنفضل في الحالة دي , الغريب ان في فترات الصبح الكهربة بتقطع ده يا هبل من الشبكة يا اما الشبكة مش قادرة تقوم بالاحمال اللي عليها ف بيشيل الاحمال , يبقي بالمنظر ده احنا في السنين اللي جاية المشكلة هتزيد بشكل اكبر لأن المحطة بتاخد من 3-5 سنين عشان تدخل الخدمة و مسمعتش عن محطات بيعملوها عشان يحلوا الأزمة
البدء فورا في انشاء محطه توليد كهرباء بالطاقه النوويه
رفع اسعار الكهرباء للشريحه الاعلي من 700 كيلو شهريا (تاني)
فرض ضريبه علي المكيفات
تنفيذ منظومه ترشيد دعم الطاقه
متابعه عمليات تهريب السولار و البنزين خارج البلاد او تصدير البنزين و السولار رسمي لغزه باسعاره العالميه
المشكله لما تكون فيه قرارات لازم تتاخد والحاكم خايف من غضب الناس و يأجلها فتفضل تتأجل كمان وكمان و المشكله تزيد اكتر و اكتر
الله المستعان
معلومات عن الاقطاع المتكرر للكهرباء
كان عجز الكهرباء العام الماضي ٣٥٠٠ ميجا وات
عجز الكهرباء هذا العام ٤٥٠٠ ميجا وات أي بحوالي زيادة ١٠٠٠ ميجا وات
مطلوب أن يتم توزيع هذا العجز علي المحافظات والذي يقوم بهذه المهمة وحدة التحكم المركزي في القاهرة والتي تكلف كل محافظة بالترييح لحد معين..
في الإسكندرية مثلا كان من المفترض أن يكون الترييح اليومي حوالي ٢٥٠ ميجا وات وبدأ الأمر بالفعل بمعدل قطع كعرباء عن كل منطقة حوالي ٤٠ دقيقة يوميا ، لكن فوجئت دارة التحكم في الإسكندرية أن المطلوب منها ترييج ٥٠٠ ميجا وات يوميا وهو ما يعني أن تنقطع الكهرباء ساعتين يوميا ، وأحيانا يطلن منها زيادة فتكون هناك ٤٠ دقيقة أخري.
هناك لغز في الوزارة والتحكم المركزي بالقاهرة يجري التحقق منه الآن لمعرفة طريقة التوزيع خاصة أن محطات الكهرباء التي يتم إنشاؤها لم تدخل الخدمة حتي الآن.
المطلوب أن تكون هناك حملة قومية لترشيد الطاقة وهي جاري تجهيزها بشكل موسع الآن ، فضلا عن التأكيد علي أن هذه الظاهرة ليست مصرية فقط وأنه منذ عامين قبل الثورة لم يتم بناء إي محطات كهرباء جديدة والآن جاري العمل في ٦ محطات ، فضلا عن الانتهاء من مسودة اتفاق الربط الشبكي بين مصر والسعودية كجزء من حل المشكلة حتي تمول كل دولة الأخري في وقت الذروة .
اقتباس:
المشاركة الأصلية كتبت بواسطة hossam_elwani
إيه مصدر المعلومات دي يفندم؟
للاسف معلومات متداوله مش عارف مصدرهااقتباس:
المشاركة الأصلية كتبت بواسطة dr.mostafa anwar
بس الواقعى فعلا ان فيه فجوه كبيره بين الانتاج والاستهلاك
بخصوص إتفاقية ديزرتك ، فحضرتك مصر وقعت عليها بالفعل شهر 2 اللى فات مع زيارة الرئيس لألمانيا ، والإتفاقية مجحفة فى حق مصر والعرب على فكرة ، زي منجم السكري وآبار البترول اللى بيدخل مستثمر اجنبي ينهب خيرك ويعطيك الفتاتاقتباس:
المشاركة الأصلية كتبت بواسطة algazar2
بخصوص محطة الكريمات الحرارية بالدورة المركبة فهي محطة 150 ميجا وات المكون الشمسيى الحرارى منها 20 ميجا ، فلازم ال 130 ميجا يكونوا شغالين علشان يشتغل المكون الشمسي (مش مولد صغير) ، فدي دورة مركبة والجزء الشمسي جزء منها ولازم كلها تشتغل مع بعضها ، عكس المحطات اللى بتعتمد على المكون الشمسي 100 % واللى هيتطرح واحدة قريبا فى كوم امبو بقدرة 100 ميجااقتباس:
المشاركة الأصلية كتبت بواسطة sayed911
وبخصوص التصنيع ففى مصنع السويدي بيصنع التربينات ، بس مبيصنعشي الريش
محطة الزعفرانة 540 ميجا تقريبا ، والقدرة الإنتاجية لمصر 24 جيجا على آخر الإحصائيات الرسمية ، يعنى تقريبا 2 % مش أكتر ، بالإضافة انها مش شغالة بكامل الكفائة بسبب التراباقتباس:
المشاركة الأصلية كتبت بواسطة sayed911
............................
المشكلة فى مصر فى الإستهلاك المنزلي واللى بيشكل أكبر إستهلاك للطاقة ، واللى بيتركز فى الغالب فى وقت معين
طب الحل إية
1 - رفع سعر الإستهلاك وقت الزروة وده شبة مستحيل لإن العدادات الحالية مش هتقدر تفرق
2 - رفع أسعار آخر 3 شرائح فى الإستهلاك المنزلي والتجاري
3 - رفع أسعار الكهرباء عن المصانع (مهم جدا جدا جدا ) وتشجيع المصانع التي ستتوجة للطاقة المتجددة
* أنا بشتغل فى الطاقة الشمسية ، وبيجيلي مصنع بيتحاسب ب 25 قرش للكيلو وات ساعة ، انا فى بيتي بتحاسب أكتر ، أية اللى يخلية يشتغل بطاقة متجددة
* الحكومة طرحت مناقصة ل 6 مزارع رياح ، ومش هتشتري الطاقة والمفروض ان الشركة اللى هتولد تبيع مع نفسها للمصانع ، طب إزاي تبيع بسعر ينافس السعر المدعوم !!!!!!
4 - التطبيق الفعلي لقرار جهاز حماية المستهلك بربط انظمة التوليد بالطاقة الشمسية على الشبكة ( صدر القرار ولكن لم يتم التفعيل )
5 - سرعة الربط بأوروبا والسعودية لتبادل الطاقة فى اوقات الزروة
6 -وده اهم حاجه ، توعية المواطنين عن طريق المجتمع المدني ، بجد لازم الناس تفهم انهم بياخدوا كهرباء ببلاش وبسبب استهتارهم فى ناس بتقعد فى الضلمة
اقتباس:
المشاركة الأصلية كتبت بواسطة م/مصطفى محمود
انا معرفش بالظبط ايه بنود الاتفاقية بس احب اعرفها
بس فى اعتقادى ان الطاقة الشمسية مش زى البترول او المستخرجات من باطن الارض لان دى طاقة متجدده مش هاتنضب و مش هاتقل ( على المدى البعيد اوووى اه القريب لا ) يعنى لو الاتفاقية بنسبة 50% ل 50% او تبقى كل الدول زى بعضها فى الطاقة الى هاتاخدها يبقى كويس لان هما الى دافعين كل حاجة و المشروع كله عليهم و احنا علينا الصحراء الفاضية الى عندنا فقط
سؤال بس لو السويدى فعلا بتصنع توربينات و فى حته تانية بتعمل ريش ليه بقى ميعملوش مزارع رياح كاملة انتاج مصرى و معندناش زى الرياح فى اماكن معينه بصراحة سرعات عالية جدا جدا
شكرا على التوضيح فعلا النقاش الراقى بيوضح مغالطات كتيراقتباس:
المشاركة الأصلية كتبت بواسطة م/مصطفى محمود