سؤال عن الجين 2 والنيو واجا

**magedomran** · 21-08-2008 11:01 AM

انا بشوف كتير الناس بتقول الجين 2 رياضيه عايز اعرف يعنى ايه رياضيه وكمان مثبت السرعه كيف يستخدم فى الجين 2 تحديدا وهل هو مهم ولا مالوش لزمه
وبالنسبه للنيو واجا الموتور نفس موتور الجين 2 طيب هل هيكون ادائها نفس اداء الجين 2 من حيث الثبات وكل حاجه فى الجين 2 ولا فى اختلاف لان الواجا مفيهاش شداد فى الحوض لكن الجين 2 فيها فهل دة يؤثر على اداء الواجا
اسف بس عايز افهم

**tutankhamoun** · 21-08-2008 12:33 PM

المشاركة الأصلية كتبت بواسطة magedomran

انا بشوف كتير الناس بتقول الجين 2 رياضيه عايز اعرف يعنى ايه رياضيه وكمان مثبت السرعه كيف يستخدم فى الجين 2 تحديدا وهل هو مهم ولا مالوش لزمه
وبالنسبه للنيو واجا الموتور نفس موتور الجين 2 طيب هل هيكون ادائها نفس اداء الجين 2 من حيث الثبات وكل حاجه فى الجين 2 ولا فى اختلاف لان الواجا مفيهاش شداد فى الحوض لكن الجين 2 فيها فهل دة يؤثر على اداء الواجا
اسف بس عايز افهم

يعني أيه رياضية ؟؟
العربيات الرياضية الأصلية هي اللي فيها مواتير معدية 200 حصان
بس فيه شركات بتنتج سيارات و بتسمي بعض النسخ رياضية
طيب أيه علاقة الجين 2 بالسيارات الرياضية

شكلها رياضي و شبابي
تسارعها كويس و صوت موتورها عالي زي مواتير سيارات السباق
صالونها رياضي ( و ده معناها أنه مش فخم ) بل صالون للركوب الرياضي للشباب
ثباتها طبعا اللي حكاية ........... ملوش حل
التحكم فيها رائع على سرعات عالية
و ده الرياضي فيها
إنما العربيات الرياضية اللي هي أصلا رياضية في رأيي لازم موتورها يكون معدي 200 حصان
بس ده ما يمنعش إن فيه عربيات تانية ممكن تركب موتور قوته معقولة مع اضافة المميزات الرياضية الأخرى زي الشكل و الثبات و الإتزان و القوة

الفرق بين الجين 2 و الواجا حاليا بيتمثل في الشكل فقط
و أعتقد برضه أن لوتس هي اللي مصممة مع بروتون شاسيه الجين 2 و الواجا و أيضا أجهزة التعليق
فأعتقد إنهم هايبقوا في نفس الثبات و الإتزان

الجين 2 شكلها رياضي و شبابي أكتر
الواجا شكلها عائلي و تنفع برضه شبابي بس عائلي أكتر
السي دي بتاع الواجا بيشغل ام بي ثري
الواجا الأوتوماتيك مفيهاش مثبت سرعة

و بالنسبة لمثبت السرعة
طبعا مفيد في السفر
لأنك ممكن تسرح مثلا و تزود عن السرعة الأصلية للطريق و بعدين تتصور رادار و تدفع غرامة
إنما مثبت السرعة له فوائد كثيرة و مهمة في السفر على الطرق السريعة
ثبات سرعة الموتور مما يساعد على توفير الوقود بنسبة كبير
ثبات سرعة السيارة مما يساعد على عدم أجتياز حاجز السرعة المحددة مما يساعدك على تجنب المخالفات الخاصة بالسرعة

إنما لو أنت مش من الناس الملتزمة
يبقى مثبت السرعة ملوش لزمة معاك

**magedomran** · 21-08-2008 01:02 PM

اشكرك قوى يا اخى توت وجزاك الله خيرا على الاجابه
والله انت من الناس اللى خلو الواحد يعشق العربيه دى
كان فى سؤال كمان
بالنسبه للعفشه فى العربيتين اخبارها ايه

**tutankhamoun** · 21-08-2008 01:10 PM

المشاركة الأصلية كتبت بواسطة magedomran

اشكرك قوى يا اخى توت وجزاك الله خيرا على الاجابه
والله انت من الناس اللى خلو الواحد يعشق العربيه دى
كان فى سؤال كمان
بالنسبه للعفشه فى العربيتين اخبارها ايه

العفو يا أخي
و إن شاء الله لما تشتريها و تجربها بنفسك هاتحبها أكتر و أكتر
لأن مهما يكون الوصف بيختلف عن التجربة

بالنسبة للعفشة
أنا معرفش غير بتاعة الجين 2
متوسطة
لا مريحة قوي و مش متعبة
و ده علشان خاطر الثبات