في حاجة بس واقعة ياجماعة منكم حبيت اوضحها .. بالذات بالنسبة للاخ الي حيبيع السيراتو .
لو انت فاكر انك حتبيع السيراتو علشان تركب حاجة اوروبي افضل .. جزئيا معاك حق ... بس خلي بالك .. و خط 100 خط تحت خلي بالك دي ..
بيجو 301 و ستروين c-elysee سيارات مش عادية .. بمعنى ... دي سيارات مخصصة للدول النامية و مش حتتباع في بلادها
مثلا
peugeot uk | motion & emotion | new cars, latest models
فتبقى معمولة انها تبقى اقتصادية في المقام الاول و بتصميم بسيط و بسعر مناسب .. يعني ممكن تحسبها انها حاجة شبه اللوجان كدة بس اعلى شوية في التجهيزات ..
متعاملهاش او متحكمش عليها انها مثلا مثل ال 308 او حتى ال 208 و ال c3/c4
ده منتج تاني خــــــــــــــــــــــــ الص
انا سقت ال301 و بصراحة عربية عادية جدا في كل حاجة ! وعلشان كدة هي رخيصة نسبيا مش اكثر.
انا مش بقفل الناس من العربية .. يعني لو حد يتفكر الباراتي و الجول و البوينتر و الباليو و السيينا من فيات و فولكسفاجن مثلا ... حيفهم قصدي ايه.