تقرير تغيير كاوتش وجنوط للياريس..بالصور
السلام عليكم يا تويوتاوية
حبيت أحكيلكم عن تجربتي في تغيير الكاوتش والجنوط
كان عندي جنوط حديد 14 وعليهم طاسات متقشرة ومكسور أطرافها...دورت علي جنوط 14 مستعمل لحد ما لقيت جنوط مكتوب عليها تويوتا (أكيد مش بتاعة الياريس لأنها 14 بردو)
المهم محبتش أزود عن 14 عشان سعر الكاوتش ميزيدش معايا وكمان سعر الجنوط هيزيد وكنت هغير 5 فرد كلهم عشان الإستبن ميكنش مقاسه مختلف
جبت كاوتش Yokohama A.Drive (أنا في دبي وبالتالي مفيش غير أنواع محدودة جدا(
كان فيه Dunlop Eco ec201 بس معجبنيش عشان ال traction بتاعه B مش A
أنا غيرت مقاس الكاوتش لأعرض عشان الثبات والفرامل
المقاس الأصلي: 175/65/14
أو 185/60/15
ده مقاس الكاوتش من الكتالوج
http://nileup.com/up/uploads/nilemotors_13675335241.jpg
أنا بقي مستغرب من المقاسين دول لأن الفرق بينهم كبير...زي الصورة دي (فرق 3.4 %)
والأحسن يكون الفرق أقل من 3%
لما قارنت بالمقاس الجديد اللي ركبته...لقيت إنه أقل في الفرق
المقاس الجيد..185/65/14
http://nileup.com/up/uploads/nilemotors_13675335242.jpg
tyre size 2 ده المقاس الجديد اللي انا ركبته
مواصفات الكاوتش الجديد
yokohama A Drive
Traction A
Temperature A
Manf: week 42 year 2012 يعني شهر 10
رمز السرعة والوزن: 86H
Made in Japan
http://www.nilemotors.net/Nile/imgca...Nilemotors.jpg
هو مش أحسن موديل في يوكوهاما...فيه أحسن منه وهو C Drive , S Drive
بس ده اللي لقيته في المقاس اللي كنت عايزه
قبل الكاوتش ده..كان راكب في العربية Good Year Duragrip
الماركة دي مبحبهاش خالص...الكاوتش مش متاكل بس الفردة كانت مش مستقيمة من الأجناب..وحش أوي
بعد التغيير...هتسألوني عن الثبات والفرامل وكده
الثبات هو هو قبل التغيير ويمكن أحسن مع إن العربية بقت أعلي بتاع 6 ملم
الفرامل شغال بس لسه مش عارف أحس بيها أوي لأني مجربتهاش في مواقف جامدة...بس أخدت بالي إن ال ABS بقي بيشتغل أقل لما أكبس فرامل جامد...أعتقد معني كدا إن الإحتكاك مع الأرض أكتر من الأول
قبل كدا كنت بدوس فرامل جامد الأقي ال ABS يشتغل علي طول لأن العجل بيقف عن الدوران وبالتالي معناه إن الإحتكاك مع الأرض أقل
ودي صور العربية بعد التغيير
http://nileup.com/up/uploads/nilemotors_13691309631.jpg
http://nileup.com/up/uploads/nilemotors_13691309632.jpg
http://nileup.com/up/uploads/nilemotors_13691309633.jpg