محتاج خبرتكم في 2007

**sherif_m72** · 21-08-2008 11:56 AM

محتاج مساعده الاعضاء في تقييم لانسر 1300 مو 2007
العربيه واخده خبطه في الشنطه بس جامده شويه واثرت طبعا على الشاسيه والطوربيدو والقايمين اللى جنب الازاز الخلفى المهم راحت لسمكرى وعملها بس برضه محتاجه انها تروح لواحد تانى يكون بيهتم باللمسات الفنيه
العربيه دى معروضه على ابن خالتى وطبعا لما بصيت عليها اكتشفت الموضوع ده لانه شبه واضح وخصوصا في ارضيه الشنطه والطوربيدو(الجزء اللى تحت البربريز من داخل الشنطه)
وقولتله بلاش تاخدها بس هو مصمم عليها فانا عشان اارضيه قولتله ناخدها على كشف الزواياه عشان اكيد هنلاقى الشاسيه معووج
وروحنا وكشفنا عليها فى محطه بيجو في رشدى والناس هناك اكدوا ان الشاسيه مفهوش اى حاجه وموزون على الفابريكه زى مهوا
دلوقتى بئه تمنها يعمل كام على وضعها كده علما بانه لازم هيوديها لفنى سمكرة ممتاز لان الشغل اللى معمول فيها مش عاجبنا اوى فلازم يعيد عليه
ونسيت برضه اقولكم ان صاحبها شال منها سيستم الصوت كله
انا قولتله انها تقريبا مش لازم تعدى الــ 60
بس برضه محتاج مساعدتكم في اقرب وقت عشان هو رايح للراجل النهارده وانا قلقان عليه
وبرضه للعلم العربيه مكنتش بتتأجر دى بتاعه اسره واتخبطت من ابنهم على البحر
قولولى السعر العادل بتاعها لانه مصمم عليها ومش هيقبل بكلمه( بلاش عشان الخبطه)
وشكرا لكل من يقول رأيه

**sherif_m72** · 21-08-2008 12:50 PM

ارجو الغاء الموضوع
لان ابن خالتى اتصل بيا وقالى انه هيصرف نظر عن العربيه
وشكرا

**mohamedway** · 21-08-2008 12:54 PM

انا عن نفسى ما اشتريش عربيه عامله حادثه جامد زى ده مهما كانت متصلحه كويس خصوصا و انك بتقول انها معموله الى كلام و مهما كان سعرها قليل مش هاخدها خصوصا انها 1300 سىسى طيب ما بأقل من ال60 اجيب كرستاله مالهاش حل افضل منها و تكون حالتها فابريقه و ب55 الف يظبطوه كريستاله مالهاش حل أو اى عربيه تانيه ما تكنش متبهدله كده.........مش عارف ايه سر اصراره يعنى على ده بالذات خصوصا انه عارف اللى فيها يعنى محدش خمه و لبسها؟!!!!!