محتار ولازم اخد قرار نهائي صني القديمة ولا جين تو ولا اكسنت ار بي 2013

يا شباب انا محتار جدا وﻻزم اخد قرار ف اسرع وقت..

بعد ما دفعت عربون ف نيسان صني الشكل القديم.. قريت هنا وف منتديات تانية ان فيها عيوب غير شكلها الكلاسيكي اللي المدام واكلة دماغي عليه.. علما بان انا سني 30 سنة وهي بتقول ان العربية دي شكلها كبير ع سني.. والمنتدى هنا عمل الواجب معاها لانها متابعة جيدة للمنتدي وبتقرا كل المواضيع اللي متعلقة بانواع العربيات دي.. فا طبعا احترت ومابقتش عارف اعمل ايه

فانا دلوقتي عاوز مساعدتكم.. والاراء المحايدة بعد الاستخدام سواء العربية ليكوا او لاصحابكوا


انا محتاج العربية تكون مريحة.. قطع غيارها متوفرة.. فيها كماليات معقولة.. طبعا متكولش بنزين كتير لان انا مشواري يوميا من القناطر الخيرية للتجمع الخامس ع الدائري رايح وراجع.. فا عايز عربية تستحملنى واستحملها .. كمان انا هاجيبها قسط..فا مش عايز مصاريف زيادة عليا لحد ما اخلص الاقساط

فا رايكوا

نيسان صني 2013 الشكل القديم
بروتون جين تو او برسونا 2013
هيونداي اكسنت ار بي
وفي قدامي برده ازود المقدم شوية واجيب كيا ريو

الصني اعتمادية ومش مليانة مشاكل ولا حاجة ، يعني مينفعش تدخل على قسم بالمشاكل اللى فيه وتقيم علي اساسه العربية
والعربيات ملهاش علاقة بالسن ،
وهي لو صني شكلها عربية ناس كبار فأنت اعمل حساب للزمن واشتريها علشان لما تكبر تبقي لايقة عليك ومتحتاجش تبدلها بحاجة تانية :grinder:

الصني والجين استهلاك البنزين غير اقتصادي داخل المدينة ، ولو بتفكر فى حاجة اقتصادية للمدينة تبقي تبعد عن عربيات 1600 سي سي وتشوف عربيات ال 1300 سي سي.

لو طريق سفر زي الطريق اللى بتقول عليه استهلاك البنزين فى الاثنين هيكون حلو و اعتقد ان استهلاك الجين على السفر هيكون احسن على سرعه 90 ، 6.5 لتر فى ال100 .

لو مقارنة من حيث ثبات العربية ، الجين تتفوق .

لو مقارنة من حيث الكماليات ، الجين تتفوق ، ولو هتشتري برسونا اوتو اعتقد هيزيد فيها مثبت سرعة!

على العموم في رنج سعر 100 ل 200 الف ، انا اختارت بروتون برسونا بس بعد قصة حب!
والجين او البرسونا عربيات اعتمادية جداً ، وفى ناس العربية معاهم من سنين ومبتعملش حاجة غير الصيانات الدورية فى حراق العرب ، اقصد عز العرب!

ومرحباً بك فى قسم بروتون ، وغالباً 99.99% من الناس هنا اختارت بروتون بعد المقارنات والتفحيص والتمحيص.
بس اهم حاجة تحب العربية اللى هتجيبها حتي لو هتحيب بيكانتو اهم حاجة تحبها ، وتتجوزها عن اقتناع ، اقصد تشتريها عن اقتناع:hrm_prv:

و احذف هيونداي من المعادلة إلا اذا كان المدام لها رأي تاني:D
او ريح دماغك خالص و خليها هي تختار احسن :d

با باشا ما تفكر في البيجو 301 شكلها جميل ولاسعار قريبه من بعض
البروتون لازم تكون مقتنع بيها مليون في المائة قبل ما تجبها عشان هي فيها شويه حاجات ممكن تكون لبعض الناس عيبوب زي:
صوت التكيييف عالي شويتين - بانوراما الروؤية مش حلو قوي صوت العربية عالي شوية تحس انه تربو سرعات الدهان حساس جدا مع الرمال والزلط علي الطريق بتقشر البويه بسرعة خصوصا او انتي بتجري بالعربية الباور تقيل شويتين الرفاهيه فيها مش عالية زي الكيا والهيونداي من الاخر العربية مش ناعمه زي الياباني والكوري
احسن مميزاتها
الثبات - اداء الماتور - العفشة معقوله

ايه الرفاهية اللى موجودة فى الكيا او الهيونداي "اكسنت ولا ريو مثلا " ومش موجودة الجين ؟!! بجد عاوز اعرف !
اللى اعرفه احنا عندنا كماليات اكثر بكثير ، وانت محتاج تدفع اكثر من سعر الجين ب 20-30 الف للعربيات الثانية علشان تاخد نفس كماليات الجين!
يعني العربيات دي فئات ، اول فئة بسعر الجين دي تقريبا عربيات فاضية! لا فيها ايه بي اس ولا اي بي دي ولا اير باجز ولا جنوط رياضية حتي!

اقتباس:

---

المشاركة الأصلية كتبت بواسطة al-farooq

ايه الرفاهية اللى موجودة فى الكيا او الهيونداي "اكسنت ولا ريو مثلا " ومش موجودة الجين ؟!! بجد عاوز اعرف !
اللى اعرفه احنا عندنا كماليات اكثر بكثير ، وانت محتاج تدفع اكثر من سعر الجين ب 20-30 الف للعربيات الثانية علشان تاخد نفس كماليات الجين!

---

الكراسي برستيجها عالي مريحة جدااااا الطارة وشكل التابلوه وزراير التكييف والاضاءة أوسع من الداخل لان المساحات متوزعة بطريقة احلي شكل اهيوندي والكيا اشيك من الداخل بكتيييير
درج تابوه البروتون صغيير جدااا والكنسول شكلها مش حلو قد ما هو رياضي ناعمة جداااا من جوه

طيب دى اذواق على فكرة ، شكل الزارير احلي بكثير عندنا والاضائة LED للعدادت تحفة ، وشكل العربية فى نظري اشيك بمراحل من الاكسنت او الريو واحسن من معظم الهكس اللى نازل جديد ، كفاية ان عربيات كثير مصابيحها الامامية واخدة نص الكبوت ومقربة على القايم!! شكل ايه بس اللى حلو ، كل اللى انت اتكلمت فيه اذواق بيختلف من شخص لآخر.

المهم بحترم وجهة نظرك بس بردو انا عندي ال ايه بي اس و اي بي دي و الاير باجز و الجنوط رياضية اهم واحسن واقيم من اللى انت اتكلمت فيه! ولسه مفيش حد اتكلم عن المالتي ولا AUX او USB او كاسيت بيشغل ملفات Mp3 ، ولا استبليزر بار، ولا إيموبليزر ، ولا مقاس جنط ، ولا باركنج سنسور ، ولا تحكم فى المصابيح الامامية فى الجين ، ولا سبويلر ولا كرسي سائق بيعلي ويوطي او مثبت السرعه لو هتشتري برسونا اوتو ، ولا فوانيس خلفية LED ولا فوج لايت!

وطبعاً الجين ارخص من الفئة الاولي بتاعتهم ،
قولي بقي الكاماليات دي هل موجودة كلها فى العربيات التانية ؟!! ، واذا كانت موجودة ياريت تقولي هلاقيها فى الفئة الكام وسعرها قد ايه ؟!!

نصيحة مني بقا
لو عاوز عربية إعتمادية وقطع غيارها كويسة ووكيلها محترم وليه اكثر من مركز خدمة
خليك فالنيسان صني
سواء قديمة أو الجديدة
الفرق بينهم يكمن في :-
الكنبة الخلفية الجديدة تتفوق
الطارة المالتي فانكشن فالجديدة وليست فالقديمة
الماتور أقوي فالقديمة وفالجديدة 1500
الصاج القديمة تتفوق عن الجديدة
الثبات : تتفوق القديمة
من الاخر نيسان صني صفقة ابحه
مش هتوجع دماغك بمصاريفها
لان نيسان بتدخل قطع غيارها عن طريق تويوتا وطالما انت فالضمان
الحاجات الاساسية ضمانها مع الوكيل
الا الحاجات الثانوية
البروتون ليست ليا تجارب عنها نهائي
وكمان سعر إعادة البيع سىء
الاكسنت ار بي جميلة برضه
لكن لو انت من عشاق الجري
هات الصني ومش هتندم وتعالا شد معايا على سرعات بداية من 170 كم / س
بس بعد ماتشتريها هتركب حاجة إسمها عمود إتزان كانو بيركبوه فالموديلات 2008 وماقبلها
وادي موضوع ليا هيفيدك في تاكيد موضوع الثبات
http://www.nilemotors.net/Nile/334050-2010.html

بصراحة الجين 2 ممتازة فى كل شىء وانا ركبت الاتنين بصراحة الجين 2 تتفوق على الصنى فى كل شىء
1- الصاج الاتنين واحد وكل صاج مصر واحد 0.7
2- الشكل البروتون بسم الله مشاء الله تحفة عربية زى مابيقولوا عربية خارجة من حلبة سباق والنيسان بصراحة بحس انها شبة الكلاب او المعيز مش عارف ليه والله وهى ازواق بس بصراحة النيسان شكلها لايطاق
3- الكمليات الجين تتفوق فى كل شىء ومفيش مقارنة علشان نقارن
4- التوكيل عند حضرتك عصام وصفا كل الناس بتشكر فية وارخص من التوكيل

انيسان شبه الكلاب او المعيز ؟؟؟؟؟؟؟؟؟
على كدة قوة الماتور بتاعها بتتقاس بالبرسيم وبالعضم مش بالحصان
هههههههههههههههه
أغرب تعبير أشوفه فحياتي

ارشحلك كيا ريو لو انت بتفكر فيها دون عن الباقى العربيات التانية اللى الكلام عليها

اقتباس:

---

المشاركة الأصلية كتبت بواسطة miceg

نصيحة مني بقا
لو عاوز عربية إعتمادية وقطع غيارها كويسة ووكيلها محترم وليه اكثر من مركز خدمة
خليك فالنيسان صني
سواء قديمة أو الجديدة
الفرق بينهم يكمن في :-
الكنبة الخلفية الجديدة تتفوق
الطارة المالتي فانكشن فالجديدة وليست فالقديمة
الماتور أقوي فالقديمة وفالجديدة 1500
الصاج القديمة تتفوق عن الجديدة
الثبات : تتفوق القديمة
من الاخر نيسان صني صفقة ابحه
مش هتوجع دماغك بمصاريفها
لان نيسان بتدخل قطع غيارها عن طريق تويوتا وطالما انت فالضمان
الحاجات الاساسية ضمانها مع الوكيل
الا الحاجات الثانوية
البروتون ليست ليا تجارب عنها نهائي
وكمان سعر إعادة البيع سىء
الاكسنت ار بي جميلة برضه
لكن لو انت من عشاق الجري
هات الصني ومش هتندم وتعالا شد معايا على سرعات بداية من 170 كم / س
بس بعد ماتشتريها هتركب حاجة إسمها عمود إتزان كانو بيركبوه فالموديلات 2008 وماقبلها
وادي موضوع ليا هيفيدك في تاكيد موضوع الثبات
http://www.nilemotors.net/nile/334050-2010.html

---

بالمناسبة باة العمود دة راكب فى الجين2 اصلا استوك ههههههههههه يعنى مش حتحتاج ولا تركب ولا حاجة :) دة بالاضافة لشقله الكماليات اللى موجودة فى الجين2 ونظام التعليق المستقل اللى مش موجود اصلا فى الصنى
هوة عموما لصاحب الموضوع المقارنة اللى حضرتك عاملها دى لو بين الصنى القديمة والجين2 تبقى ظالمة جدا للجين2 مع شديد احترامى للصنى عموما
لكن لو انت بتتكلم فى عربية عملية بقا ومتوجعش دماغك خالص فكر فى البومة مع انى معنديش فكرة عن اسعارها بس اسمها يبانى على ابوة مش مصرى وهندى وبيضحكوا على الناس انها يبانى :)

انا كنت في نفس حيرة حضرتك بس ما بين البرسونا و الصني ( نصيحة ,خرج ال ار بي من حساباتك )
و اخترت البرسونا علشان :
-كماليات اكثر ( abs , abd, airbags ,مثبت سرعة , طارة ملتي فنكشن , موتور احدث ,جنوط رياضية ... )
- شكل احلى بكثير جدا
- موتور احدث
- فتيس البرسونا الاوتو رائع و اعتمادي و اداؤه رياضي
- اوسع
-صناعة ماليزي بالكامل و انا بحب اي حاجة ماليزي
و كانت الصني تتفوق في
- قطع غيار اوفر و ارخص
- اعادة بيع اسهل و سعر احسن

انا عن تجربة كان معايا نيو اكسنت اوتو 2010 وبعتها واشتريت برسونا اوتو 2013
بصراحة الفرق كبير بين العربيتين من حيث الشكل الهجومى للعربية (الرياضى) الصاج احسن بكتير الثبات والله لحد 200 ك/الساعة والله مكنتش مصدق نفسى من اداء العربية والثبات وتسارع الموتور يعنى مبدئيا استبعد الكورى اصلا من المقارنة لانى بعد ما ركبت البرسونا استحاله اركب كورى تانى
اما المقارنة بينها وبين الصنى فدى حجة ترجعلك وانا كنت زيك برده بس انا بصراحة كنت حابب الجين تو جدا لكن جبت البرسونا عشان فرق الشنطة ومثبت السرعة
وعموما ربنا يوفقك للفيه الخير

اقتباس:

---

المشاركة الأصلية كتبت بواسطة miceg

انيسان شبه الكلاب او المعيز ؟؟؟؟؟؟؟؟؟
على كدة قوة الماتور بتاعها بتتقاس بالبرسيم وبالعضم مش بالحصان
هههههههههههههههه
أغرب تعبير أشوفه فحياتي

---

وبيتحطلها برسيم 80 كمان

اقتباس:

---

المشاركة الأصلية كتبت بواسطة shshtawy

وبيتحطلها برسيم 80 كمان

---

ههههههههههههههههههههه :Copy of new: