السلام عليكم ... مبروك مقدما ... وربنا يكفيك شرها ...
1-بالنسبه لشكل الطاره فهوا مظبوط زى الصوره الاولى لاكن التابلوه الخشب ده والكاسيت مش مظبوط ..
2- بالنسبه للصوره التانيه الطاره اللى فيها مش هيا الطاره حتى فى الهاى لاين ... الطاره الصحيحه اللى فى الصوره الاولى اللى فيها زراير من الشمال بس للتحكم فى الكاسيت
3- التكييف فى الهاى لاين بكر
4- 2 ايرباج فى الهاى لاين زى البيز لاين بالظبط
من الاخر مافيش فرق كبير بين البيز لاين والهاى لاين غير فى الجنوط والفوج لايت وفتحه السقف والسبويلر والكنبه الخلفيه ممكن ظهرها يتنى بحيث تحط حاجات طويله فى الشنطه و الكاسيت مختلف حاجه بسيطه فى مواصفاته و المسند اللى بيبقى جنب السائق الجزء العلوى فيه بيتحرك لو عايز تطوله
لو الجنوط تفرق معاك هات الفئه التانيه اللى تزيد الجنوط بس وانت ممكن بالفلوس الفرق دى تدلع العربيه
ممكن تركبلها انذار وفوج لايت ووحدات رفع وضم المرايات اتوماتيك وزينون كل ده عند التوكيل هايكلفك اجمالى تقريبا 4 الاف جنيه
وعندهم برضه الكاسيت اللى فيه جى بى اس وكاميرا خلفيه وده سعره تقريبا 4 ونص وعندهم برضه سنسور باركنج والسبويلر برضه موجود
انت بقى قرر واختار ايه المناسب ليك ياترى تجيب بيز لاين وانت تركب فيها الزيادات اللى عايزها براحتك ولا تجيب الفئه التانيه اللى فيها جنط زياده ولا تجيب الهاى لاين اللى قلتلك على الزيادات فيها قبل كده (اهم حاجه فيهم فتحه السقف)
ميزه 2012 و 2013 انهم يابانى يابانى (هما زى بعض اصلا مافيش اى فرق )
هيا عربيه محترمه وواسعه من جوا وشنطتها واسعه جدا مشاء الله .. واستهلاك البنزين بتاعها حلو جداا خصوصا فى السفر ..
لو عرفت تلاقي حاجه كسر زيرو تبقى شاطر ... خصوصا ان العربيه مش هاتقلق منها انها كانت مع حد لانها مافيهاش لعب وسهل الكشف عليها عند التوكيل
الهيونداى ال ix35 داخله دماغى بصراحه ... بص عليها كده
ربنا يباركلك فيها ويكفيك شرها
المفضلات