ان شاء الله هتلاقي طلبك
عرض للطباعة
حضرتك داخل تتهكم ولا داخل تناقش ؟؟؟
انا في البداية موضوعي بيسأل هل الغمازات كماليات ولا ضرورة ؟؟؟
عشان انا ماشوفتهاش غير في الهيونداي والكوري عموماً
فقولت يمكن ليهم وجهة نظر مختلفة عن باقي المصنعين
يمكن عدم وجود standard في الصناعة وجهة نظرهم
ازاي عربيتين من نفس الجيل - واحدة منهم بغماز والتانية من غير ؟؟؟
ازاي حاجة بتعتبر من ضروريات القيادة الأمنة مش موجودة في بعض موديلاتهم ؟؟؟
بدل ما تتريأ علي الغماز وتقول "قال غماز قال" اسأل نفسك
ليه عملوها - ايه الفايدة منها - مهمة فأيه ؟؟؟
وبالمرة اسأل نفسك
ليه لحد النهاردة مفتاح العربية بتاعتك شبه مفتاح درج المكتب ؟؟؟ مفتاح صغنون اوي بفتكره مفتاح درج كل لما اشوفه - دة يا راجل مفتاح باب الشقة النهاردة بقي كومبيوتر
ليه مافيش ايموبلايزر ؟؟؟ ولو موجود (بالطلب) ليه مش استاندارد سنة 2013 - رغم انه تجهيز اساسي من منتصف التسعينيات في الأوروبي ؟؟
ليه مفيش ايرباجز ؟؟؟
لكن مفيش داعي للتهكم علي بعض وننظر للموضوع نظرة سطحية ونمسك في الغماز ونسيب الغرض من الموضوع
وهو السؤال عن عدم الأهتمام بالضروريات كسائر المصنعين
او بشكل أخر - عدم توحيد التصميم في الجيل
عارف دة بيفكرني بأيه ؟؟
لما يكون صنايعي شغال ويجيله واحد بيه مهم يقوم يشتغل زي ما قال الكتاب
ولما يجيله واحد علي قد حاله - يكروته ويشتغل اي كلام
تحياتي
وفين التحيز ؟؟؟
وليه مش موضوعي ؟؟؟
هو انا بألف من دماغي ؟؟ ولا دة واقع كلنا شايفينه ؟؟
حضرتك اللي مش لاقي ردود مقنعة
مرة تتهكم عليا ومرة تقول مش موضوعي - طب ماتناقشني - الحجة بالحجة والدليل بالدليل
الناس كلها بتناقش وبتجيب صور
علي فكرة الموضوعات اللي زي كدة بتزود الوعي عند المشتري والمالك لسيارة معينة
بتعرف الناس معلومة ممكن يكون مايعرفهاش
تحياتي لحضرتك مرة تانية
يا باشا ماهو دة مربط الفرس
المبادئ لا تتجزء
وفين التوفير في الغاء الغماز ؟؟؟
وليه الغيه في مصر ؟؟؟
انا معاك ان السبب مالوش اي علاقة بالتصميم - لأن البديل موجود - وهو وضع اشارة في المراية
وبالعكس دي بتدي شياكة اكتر لو اتعملت صح زي أودي وفولكس وسيات وفولفو ومرسيدس
هي الفكرة في الألغاء وخلاص
شكراً علي مناقشتك الموضوعية الراقية
أنا داخل الموضوع بس عشان أعرف أيه هي الغمازات و الحمد لله عرفت خلاص.. lol
أصلها بتتقال بالأمريكاني Blinkers بس مكنتش أعرف أن بالمصري بتتقال زيها..
هو في مصر دراع الأشارة نفسه يعتبر من الكماليات lol
مبدأياً الحاجات الي احنا شايفينها بسيطه ومش شايفين فيها توفير, الوكيل بيشيلها وبتحققله مكاسب حتى لو صغيره (وكيل معفن حسبي الله ).
حضرتك عارف ان لمبة الcheck engine مش موجوده ؟ قولي بقى ايه التوفير في حتة لمبه لا راحت ولا جت ومهمه زي دي ؟ (مش هكلمك عن الايرباج والabs الي مش موجودين)
صدقتني ان الناس الي بتحكم على الهيونداي الي في مصر ظالمين الماركه دي بسبب توكيل حقير ؟
وانا معاك ان وجود الغماز مهم جدا بغض النظر عن الشياكه وانا كمالك للعربيه نفسي اخرم في الرفرف واركب غماز بس الصنايعيه في مصر ممكن يبوظوا الرفرف او الغمازين مايبقوش في نفس المكان :ma: اصل انا محسوك :)
وطبعا الاسهل اني اركب المرايا الي فيها اشاره بس غاليه وهتتكسر لا محاله في البلد الجميله دي :)
تحياتي
للأسف الناس فاكرة ان لما الواحد ينتقد سيارتهم انهم بيهينوهم او بيحسروهم علي اختيارهم وشرائهم للسيارة
بس الفكرة ان لما الوعي يزيد عند الناس هيقدروا يقرروا صح
وساعتها الوكيل لازم يغير تفكيره - من انه بيتعامل مع ناس مش فاهمة المضمون ويتدور علي الشكل
لناس بتفهم وعارفة هي بتحط فلوسها فين
معظم الناس النهاردة ايقنت ان فعلا الأوروبي افضل بدون شك
وثقافة سعر قطع الغيار - والحجة اللي خلاص مالهاش وجود في 2013 ان الكوري قطع غياره ارخص طلعت باطلة والتجربة اثبتت ان الكوري 2013 قطع غياره ان لم تكن في نفس سعر الأوروبي فهي اغلي منه
ممكن حجة قطع الغيار دي تنطبق علي لانوس 99 او اكسنت 95
وكل يوم يطلع حد يقولك انا ندمان اني بيعت عربيتي الأوروبي المستعملة وجبت اسيوي جديد
شكرا علي المناقشة الراقية
تحياتي
معاك حق. انا عن نفسي مش بدافع عن باطل. والجديد كله سعره غالي وسعر قطع الغيار اغلى من ماركات تانيه اوروبي.
وانا مثلا لما جيت اشتري كنت بشوف حاجه تناسب الميزانيه مش بدور على المواصفات لأني ساعتها الوعي بالنسبه للحاجات دي ماكنش زي دلوقتي. ومتهيألي نفس الوضع لناس كتير زيي لذلك التوكيلات هيجي عليها وقت وهتفلس لأن ثقافة الناس ابتدت تتغير تدريجيا والناس بقت تدور على الامان مش بس الشكل. بس برضه الكوري مش سئ للدرجه المهوله الي في ناس كتير متخيلاها !!
يعني مش مقلب قوي
وفي الاخر مفيش حد بيتعلم ببلاش
وشكرا لحضرتك على المناقشه مع اننا روحنا بعيد عن الغمازات :ma:
انا كمان متهيألي كدة
أما احترام العميل وتغيير الثقافة - أما الأستثمار في اي دولة تانية مافيهاش نايل موتورز
تعرف ان مصر من اكبر الدول الجاذبة لمصنعي السيارات من نوعية هيونداي
لأن الزبون مش فاهم حاجة وبيقيم العربية بأسس غريبة
راحو الكوريين ولاد الجنية اول لما فهموا كدة - قالك خد عندك يا معلم
اول مانزل - نزل بالاكسيل
وخلي قطع غيارها ببلاش (ماهي ناس متعودة علي ال31 واللادا وال504)
وراح مديك كماليات ماتحلمش بيها (وقتها طبعا كان اقصي كماليات التكييف والزجاج الكهرباء) وكان مستوي تجهيزها لا يختلف عن الياباني (الكورولا اللواءات والنيسان صني) وبسعر منافس جدا
خلصت الاكسيل - نزل بالاكسنت - يااا بووووووووووي دي عربية حكاية
بعدها نزلت اللانوس - سنة 97 - كانت منافس قوي لمحتكر السوق هيونداي
حتي كيا سيفيا 1 ماعرفتش تسد قصاد اجتياح هيونداي وماحققتش بيع زي اكسيل 95-96
ولما نزلت سيفيا 2 - بدل ماتكحلها عميتها - خامات اسوء واشتهرت بانها عربية بتجري ومابتوقفش - لسوء فراملها
بس الشوما 99 ظبطت الأداء - ودة اكبر دليل علي عدم وعي المصري الغلبان
لأن الشوما ما هي الا سيفيا في ثوب جديد
رغم انها باينة اوي لغير المتخصص
هيونداي استعادت نشاطها مجدداً بالحصان الرابح حتي 2013 - الفيرنا المعجزة
بتتباع في مصر من 2003 لحد 2013
أشي خيال يا ناس
عايز وكيل يغير ثقافته في بلد شعبها ثقافته فيها مشكلة
طب قولي اعمل ليه ايموبلايزر في بلد كل ما عربية تتسرق مبيعاتها تزيد
تعالي لمبيعات سيراتو 2010 - 2011 - 2012
هتلاقي مبيعات بعد الثورة اكتر من مبيعات قبل الثورة
حصلتها اختها الغير شقيقة النترا ومع ذلك الحجوزات الله ينور
حد فكر يقترب من رينو ولا بيجو ولا فولكس ولا فورد ولا ولا ولا
ربنا يحميهم اجمعين
فعلا الموضوع خرج عن الغمازات - بس بيدور في نفس الفلك - نقص الضروريات والأهتمام بالكماليات
تحياتي
وعارف ليه الوكيل بيعمل كدة في عربياته
هو مش عايز يخليها اقل من غيرها - ولا نفسه اننا نقول الكلام دة ونعمل تقارير وموضوعات بتتكلم عن فقر الكوري في الضروريات
بس للأسف انه لو عمل زي الأوروبي وصنع بنفس الكوالتي ونفس مستوي التجهيزات وعوامل الأمان
هتبقي عربيته اغلي من الأوروبي
التكنولوجيا مش ببلاش
لكن الكاسيت التاتش والبلوتوث ارخص وشكله اجمل وهو اللي باين للزبون - لكن حساس abs مستخبي ومش ظاهر ولونه مش ازرق فضائي
وساعة لما الكوري يبقي بثمن الأوروبي - كل واحد هيدور علي معشوقته الي ماعرفش يوصلها ولكنه قدر يجيب المسخ بتاعها بسعر اقل
وساعتها المبيعات هتتأثر بشكل خيالي ودة هينعكس علي السوق لأن وقتها ناس كتير مش هتقدر تركب زيرو
لكن هو مبسوط كدة
وبيقنع نفسه ان عربيته حققت معادلة اصعب من الأوروبي
رغم انه لو حب يركب عوامل الأمان بتاعة الأوروبي في الكوري هيلاقي نفسه كلف عربيته اكتر من الأوروبي
مش عارف وصلتك وجهة نظري وتحليلي ولا لاء
انا لاحظت اول مااشتريت الكارينز المانيوال انها من غير غمازات وكمان حاجات كتير مش موجوده او متغيره وكتبت ده فى موضوع ليه بارات السقف عندنا كده ومع الموضوع صور من العربيات اللى بتنزل بره و عربياتنا !! والرابط هو
http://www.nilemotors.net/Nile/313201-a.html
فتحت الموضوع بس للأسف الصور مش واضحة
بس انا فهمت انت عايز تقول ايه من غير صور
طول ما العميل راضي وبيشتري - حدث ولا حرج
معظم الشركات - مش لازم تكون بتعمل في مجال السيارات
عندها مبدأ
طالما العميل راضي 0 عك براحتك - واول لما يشتكي - اعمله اللي هو عايزة بما لا يضر بمصلحتك او يكلفك
كلام سليم 100% وموافقك عليه. وطبعا وجهة نظر حضرتك وصلت من زمان من اول لما قريت الموضوع.
بس عاوز اقولك ان الوكيل مايهمهوش ان عربيته تبقى احسن عربيه انما يهمه مكسب خرافي بأي شكل.
بدليل زيادة الاسعار من اول لما يبقى في اشاعه عن اي حاجه ممكن تزود الاسعار وبيزودها على البضاعه القديمه قبل الجديده ! بس العيب مش عليه. العيب على الي بيشتري بالاسعار دي عشان عاجبه شكل العربيه.
تحياتي لحضرتك وعلى المعلومات الي استفادتها من المناقشه المثمره دي :)
والله انا اللي استفدت من النقاش مع حضرتك
ومتشرف جداً بمعرفة حضرتك والنقاش معاك
لأنك انسان صريح ومش معني انك معاك هيونداي، انك تقول كلام انت مش مقتنع بيه
بس للأسف ناس كتير بتنخدع بالمظاهر وعايشين علي ذكري الأكسيل واللانوس
لسة متخيلين ان الكوري ارخص بكتير من الأوروبي وان قطع غياره بمليم وان اي ميكانيكي بيشتغل فيها وان قطع غيارها عند البقال وانك يوم ما تحب تبيع هتبيعها خلال نص ساعة
والكلام دة داير دلوقتي في موضوع تاني بتاع حجازيو بعنوان "من رينو لتويوتا ..."
الناس كلها خلاص فهمت الزتونة -
انا متذكر كان في عضو معاه اوكتافيا a5 والنترا الشكل الأخير
وكان بيقول ان قطع غيار النترا اغلي من اوكتافيا
بس زي ما طالع علي الأوروبي ان قطع غياره غالية - طالع علي الكوري ان قطع غياره رخيصة
ودة عكس الواقع
تحياتي لشخصكم الكريم
والله المستعان
،
،
البتاعه دي فعلا على الرغم من صغرها الا انها مهمه جداا وموجوده من قديم الازل دي كانت عندنا في عربيه والدي ال 125 من يجي 20 سنه هههههه مش عارف ازاي يشيلوها حاجه غريبه فعلا
الشرف ليا والله يافندم :)
فعلا حضرتك معاك حق. رغم امتلاك البعض لعربيات معينه بيخليها غير حياديه بالمره.
وموضوع الاسعار الي اغلى من الاوروبي انا مش حاسس بيه لأن الموديل الي معايا يعتبر اخر موديل اسعاره معقوله. الي بعد كده كله غالي جدا واغلى من الياباني والاوربي.
بس على العموم كل واحد ينام على الجنب الي يريحه والي عاوز كوري جديد بالاسعار الخرافيه دي يستحمل :)
تحياتي لحضرتك :)
وهل تعتقد حضرتك ان المشكلة من بلد المنشأ ام من الوكيل المستورد ؟؟؟؟؟؟؟؟؟؟؟؟؟؟؟؟
لان حضرتك بتحسسني ان المشكلة في الشركة المصنعة مش في الوكيل المستورد
ولعلمك بقى الـbmw x1 وانا بشتريها ملقتش فيها اشارات في المراية !!!!!!!!!!!!!!!!!!!!!!!!!
قلت له هو انا بشتري 128 موديل 2013 ؟؟؟؟؟؟؟؟؟ ودافع فيها 364 الف جنية ؟؟؟؟؟ ياناس حرام عليكم قال لي نزودهم ونغير المرايات بـ9000 جنية
تحب تتأكد من كلامي روح للبافارية علشان تعرف جشع التجار والوكلاء في مصر شكله ايه
المشكلة مشكلة الوكيل مش مشكلة المنشأ اهو قدامك رائد صناعة السيارات bmw وشوف كلامي فوق واتأكد بنفسك
وهل بذمتك بذمتك عربية بـ365 الف جنية يكون فيها "غمازه" ؟؟؟؟؟؟؟؟؟؟؟؟؟؟؟
هو احنا يا جماعة عايشين في عصر الجليد ؟؟ العربيات بتنزل بأشارات في المرايات خلاص زمن وجيل الـ"غمازة" ده انتهي
يبقى متستغربش بقى - ماهو الـBM بنفسها منزله في عربية 365 الف غمازه مش Blinkers في المرايات
يبقى لو BMW فكرت تعمل عربية في فئة 150 الف جنية هتلاقيها من غير نور اصلاً :Zb_sor1[1]:
يبقى المشكلة في مين ؟ بلد المنشأ ولا المستورد ؟ المشكلة فينا احنا وفي التوكيلات بتاعتنا
هو ده اللي عايز اوصله عربية بـ365 الف جنية ومفيهاش اشارات في المرايات وبكل بجاحة يقول لك ازودهم لحضرتك بـ9000 جنية
ليه ؟؟؟؟؟؟؟؟؟؟؟؟؟؟؟ لكن للاسف هزودهم علشان مرايات الضم الكهرباء بس مش علشان الاشارات اعمل ايه طيب
الله المستعان ............
يا زعيم ال 1 series و ال 3 series الجداد بينزلوا بالاشارات في المرايات و الاتنين ارخص من ال x1
الفكره كلها هما تبنوا الفكره ده متاخر شويه خصوصا و ان مرسيدس هيا اللي اخترعتها
و كده اللي فهمته ان في ال x1 العربية اللي فيها مرايات ضم بتنزل بالاشارات معاها لكن العاديه بتنزل بغمازات عاديه
كمان انت كده خرجت بره الموضوع الاساسي
المهم ان ال x1 فيها اشارات جانبيه و ده المطلوب لانه تقريبا قانون في اوروبا
كونها بقي في المرايات و لا لا فده يرجع لتصميم العربيه
انت بس ماثر فيك ال 9000 جنيه ههههههه
حاول تنساهم و اركب و انبسط
صحيح المرايات الضم بتنزل فيها الاشارات في المرايات لكن عندنا في مصر بيحبوا الغمازات تقريبا :guitarplay1:
هههههههههههههههههههههههه
لو جيت للحق 9000 جنية بصيت له كأنه شتمني صدقني انا اتصدمت 9000 جنية علشان اعمل المرايات ضم في عربية مش راضي يقارنها الا بأقل شئ 320i طيب ازاي انت هتجنني ؟؟؟
صدقني يا استاذ شريف وانا نايم كده على السرير قلت في بالي طيب 365 الف جنية وهاخد ايه في العربية ؟
قلت انا مزود كاميرا HD (متخفش دافع فيها دم قلبي 12000 جنية) - مرايات ضم واشارات (9000 جنية) - فرامل يد زرار (مش فاكر كام بس برضه حاجة كبيره كده) ولسه تغيير الموتور ده موضوع تاني
طيب كل ده بـ365 الف جنية ؟ اه صحيح نسيت ان علامة BMW هي اللي كملت المبلغ ده وهي اللي مصبراني على كل ده
ايه اخبار الـ316 معاك ؟ انا هغير الموتور لـ20i لعلمك بس مش عارف التكاليف هتبقى كام قال هيكلم الادارة ويبلغني ولغاية دلوقتي محدش رد عليا
ههههه صدقني ده و لا حاجه بالمقارنه ببورش
البورش كل حاجه حرفيا بفلوس و كميه الكماليات غير طبيعيه
ال 316 زي الفل بس بجد مش عارف اتمتع بيها من الغباء اللي بشوفه علي الطرق كل يوم و مقلل من استخدامها بسبب ده
و انا رديت عليك في موضوعك بخصوص المتور
و اخيرا بعتذر من صاحب الموضوع عن الخروج عنه
و بالمناسبه الهيونداي i10 فيها غمازات و في كل الفئات كمان :)
انا عملت test drive للـ316 فخامة وكل شئ تمام بس خامات وتابلوه X1 مخدوم في الخامات اكتر شويه وتحس بكده في المقاعد مع علامه X في المقاعد يعني بتحس بفخامة اكتر
نروح للـ320i برضه موجوده دلوقتي في فرع البافارية بس هي هياخدها صاحبها خلاص هيستلمها فلحقت اتفرج عليها
نفس شكل الـ316i مفيش فرق كبير بس الخامات اعلى من 316 وموتور طبعاً جبار اعلى من 316 بس فرق السعر دي بـ400 الف جنية والـ316 اعلى فئة بـ317 الف جنية
صحيح خرجنا برا الموضوع لكن كانت حلاوة روح مش اكتر :plusone1:
غريبه
هو بخلاف نوعية الجلد مفيش فرق في خامات ال 316 او ال 320 و مخدتش بالي ان ال x1 خاماتها افضل
انا شايف انها زيهم بالظبط
ده الفرق بين ال 316 و ال x5 بتاعت والدي مش كبيره و تتمحور في التقفيل مش الخامات بخلاف الجلد طبعا
و كل سنه و انت طيب ال 316 وصلت 332 دلوقتي
و اسف لصاحب الموضوع مره تانيه
تدى اشاره و بردو لازم تطلع ايدك عشان تخش شمال ولايمين
بقترح يركبو ايد بل الغامازات